الى سلايل كحيلان ولايهونون الربع !!!!!!!!

[النقل الجماعي]

ياللي تحل اللغز جتك اللغوزي = ابنشدك عن عود خبل(ن) ومجنون
عودن كبير وبس عند العنوزي= كلن يفاخربه لاجو يعرضون
ماني ترى احبه ولاهو يجوزي= الا شمال الدار ياللي تعرفون
ياللي تحل اللغز لك تيس غوزي = وان كانك اخطيته صفقتك بماعون
يمكن تفوز وجايز (ن) ماتفوزي = هات الجواب الحين بالبيت موزون

[الخـارج عن القـانون]

لا هنت <=== داخل يرد عليك بس ((الى سلايل كحيلان ولايهونون الربع)) :D

[غريب الدار]

صح لسانك يالنقل الجماعي
وينك ياسلايلا اكحيلان جتك اللغوزي
حل اللغز ببيت شعري
لعلك تفوزي
دمت بخير

[ابو سارة]

صح لسانك

النقل الجماعي

وانشالله سلايل كحيلان يفوز بالغوزي

[سلايل كحيلان]

صــح لسـانـك أخـوي النقــل الجمـاعـي على هالأبيــات الجميــلة

وإختيــارك لي عشــان حــل اللغـــز يشـرفنــي ولايهــون إخــواني البـاقيين

وأتـوقــع حــله هــو:



يامرحـبــا باللـي نشــد بالـرمـوزي = تعـــداد حجـــاجٍ بمكـــة يـلبـــون

وإن كـان ربي كـاتبن لي أفـوزي = الحـل هـو(الـدحــة) لاجـم يـدحــون

جايـز جـوابي صــح وأيضـا يجـوزي = إنه غـلـط والحـل مـازال مدفـون

عجـل بـردك تنتـظـرني عجــوزي = أقـول معــزوم لعشــا أو يتنــون ؟؟؟

[النقل الجماعي]

اخوي الخارج عن القانون لاهنت على المرور

[النقل الجماعي]

صح بدنك يابو سارة

وتسلم على المرور

[النقل الجماعي]

صح بدنك ياغريب الدار

وتسلم على المرور

[النقل الجماعي]

صح لسااااااااااااااااااااااااااااااااانك مليون ياسلايل كحيلان

وحلك صحيح وحله هو الدحة وذا تبي الغوزي وملزم

ارسلي على الخاص ،، انا ساكن بالشرقية عطني رقمك

ويفدى راسك خلنا ننبسط ،، ثم والله ماعاد اعودها

هههههههههههههههههههههههههههههههه

[الدويله]

ياالربع


الله يجمعكم على العز والمعزه


اخونا سلايل كحيلان الظاهر إنه مستحي شوي لا يتشرط

بس اطلبوا عشاكم من النقل الجماعي

وش تبون يوم خميس وإلا جمعه ؟

الإربعاء احسن



وش رأيكم




(النقل توهق)

[النقل الجماعي]

الدويلة : مساك الله بالخير

أنت تأمر آمر وكان سلايل مستحي ترى ماعنده سالفة والكلام للجميع

وحياكم الله والعشاء حددوه وانا تحت أمركم

ماعندي اغلا منكم ;)

[سلايل كحيلان]

المشكــلة جلستك ماتنمل يااالنقل الجماعي بس والله ماني حولك



ولكــن أنا موكــل أخــوي الدويـلــه والربع عني وهم يتعشون الحق

عني كانهم قريبين ويمونون مايحتاج ههههههههههه.

[النقل الجماعي]

العشاء واكلته وش تبي بعد وانتي جايني بالدمام تسحب رجليك يعني بالعربي

حقك عطيناك اياه واما الربع يستاهلون اكثر

تصدق ياكحيلان ماتوقعتك كذا اثرك ماتستحي هههههههههههههههه

<<< تعرف عليه وتوهق فيه