خليل الشبرمي . ماذا دهاك

[عمار المسندي]

قصيده جميله جداً للشاعر المبدع الرائع . شاعر المليون و شاعر البيرق خليل ابراهيم الشبرمي التميمي


يامن دهتنـي عيونـك واحتوتنـي يديـك==== الله يسامحْك كيـف تقـول مـاذا دهـاك

ماتدري انـي متيّـم بـك وكلـي لديـك ===== مملوك مأسـور مسبـي مستهـام بهـواك

أموت كلي معك .. واموت فيـك وعليـك ==== واغليك لكـن عسـى الله مايبيّـن غـلاك

واحنّ اليك .. وعليك احـنّ مـن والديـك==== ومن لهفتـي عيـن قدّامـك وعيـنٍ وراك

أشتاق لك واشتكي لك منك واشكيك اليـك==== كلك ملكني .. وكلك فـي عيونـي مـلاك

جادلك جيدك جبينـك خنجـرك حاجبيـك====اسمك سماتك سمّـوك سِسْتِمِـك مستـواك

جوريْك جمرك لجينك عسجـدك وجنتيـك==== ذرابتِك رقّتِك روعـة حضـورك بهـاك

وجهك وهج مبسمِـك بسمَتْـك غمّازتيـك==== براءتك .. خالك اللي لاذ بايسـر شفـاك

سِجِنّجِلِـك جلنـارك نرجسِـك كركديـك ===== كاديك مسكك نسيمك شمس صبحك مساك

سلهام عينك .. نَعَس طرفك .. حَور مقلتيك==== بوهَتْك ملحك حلاتك خـف دمـك حيـاك

ما اعرف اداري ولا اهدّي ولا امسك بريك==== لاجيت اجي كلي .. وكلي عسانـي فـداك

أقدّم الروح كاش .. وباقـي العمـر شيـك==== باسمك مصدّق ولا يصرف لحـيٍ سـواك

يامن دهتنـي عيونـك واحتوتنـي يديـك==== الله يسامِحْـك كانـك قلـت مـاذا دهـاك

[ابوعبدالكريم الحميداني]

يعطيك العافية المسندي

على النقل الرائع

[ابو الطواري]

يعطــــــــــــــــيـــــــــــــك العـــــــــــــــــــــافية علا النقل اخي المسندي