مطلوب مجاراه من الشعاروالشاعرات

[الغنــاوي]

انا الغاوي بحب احلا بنيه=خفيفة دم دلوعه وذكيه
عليها القلب من بين الحنايا=تقول تنهش مليون حيه
اليامني لمحت الزين مقبل=رفعت الصوت ياحيه..ياحيه
فمشيتها كما درج الحمامه=تهادا بالخطا شويه..شويه
وعليها مبسم(ن)بقياس خاتم=طمعت بحوفته وعيا عليه
وخد(ن)سارق من الوردسرقه=حمار الوردصاراشبه حليه
الا يالايمي في حب سلمى=فدت سلمى من الغادات ميه

[ابونادر]

اخي الغاوي

حياك الله وصح لسانك الف على هالابيات الجميلة

اتمنى ان يجاريها احد الا خوة الشعراء


تحيااااااااااااتي



..

[الغنــاوي]

اخوي ابو نادر
اكبر فخر لقصيدتي هو مرورك عليها
الف الف شكر

[غنام العرافه]

أخوي الغاوي صح لسانك أنتضر لابـــد من شاعر أوشاعره يقوم بمجاراتك ، تقبل من كل الاحترااااااام والتقدير دمت بكل الوود.

[غنام العرافه]

أنــا غـنــام وأحب الـــمـطيه = ليـــامن درهـــــمت للثامريـه

توصلني لـــربعي والجماعه = وتسوى الكون كله هالمطيه

غلاها ثــابتٍ في وسط قلبي = أنا أفــخر فيه دام الروح حيـه

فــمشيتها بها فرق وعلامه = تقول تقــــود طابــور الســريـه

لا جـت للزين مزيونه وطرقى = تــــماريبه وانـا ماشفت زيـه

من أجل عيونها صغت المعاني = وأبي أجــر اللحون السامريـه

الا يــــالايمي في حب ريما = عـــليك امــك تهل الهاشميـه


مجاراه الشاعر / غنام العرااافه للشاعر الغاوي

تقبلوا تحيااااتي وأشواااقي ،

[ابونادر]

الله الله وش هالابداع يالعرافة تسلم تسلم

وصح لسانك مليوووووون على هالمجارة الرائعة

وفيت وكفيت ياغنام لاهنت


تحياااااااااااتي


..

[غنام العرافه]

صح بدنك أخوي ابو نـــادر وتسلم على هالمرور ، وعسانا وصلنا للهدف الذي طلبه اخينا الشاعر الغاوي تشكراتي لك ودمت بكل الوووود .

[الغنــاوي]

اخوي غنام العرافه.....بيض الله وجهك
وصح لسانك .....ضربت على الوتر الحساااااااااس
تحيااااااااااتي

[برق الوسم]

الا يالايمي في حب ريماعليك امك تهل الهاشميه

تسلم اخوي غنام كفوووو

ومحد يلومك بحب ريماااااااااااااااااااااا

لاهنت تقبل كل الووود خيك برق الوسم

[غنام العرافه]

أخي الغاوي صح بدنك وتسلم لا هنت تقبل مني كل الاحترااام والتقدير لشخصك الراقي دمت بكل الووود .

[غنام العرافه]

هلا وغلا بأخي برررررررق وصح بدنك أبشرك غلاك أبراجه فول ولا ينقصها أي مخلوق كان من يكون عزيز وغالي والله تسلم على هالمرور ولا نخلا ولا نعدم دمت بصحه وسلاااااااااااام .

[آورنـس]

صح لساانك يابو حمدان على المجاراه .. الغاوي شاعر ولقى واحد من اهراام الشعر الكبير الا وهو غنام صح لساانك مليوون ولا تهوون ..


تحيااتي لك ولقصيدتك الشاامخه .. وفالك التوفيق ...



آورنس

[غنام العرافه]

صح بدنك أخي آورنس مرورك هو الشموخ للقصيده ورايعها والله لايهينك ولا نعدم ولا نخلا دمت بكل الووود .

[بنت الذيب]

يعطيكم العافيه

وتقباوا مروري

[غنام العرافه]

بنت الذيب

أشكرك على مرورك ويعطيك العافيه تقبلي مني جزيل الاحترام والتقدير ودمتي بكل الوود .

[ابـــوحـــــور]

صح لسنا اخواني الغاوي وغنام العرافه على المجاره

[الغنــاوي]

صح بدنك اخوي ابو حور
ولاهنت ع المرور
تحياااااااتي

[بنت العز]

هذي ابيات متواضعه مجاراه للشاعر الغاوي


الا يالشاعر الغاوي تحيه 0000000 نقدم لك بعدها الشاذليه
اشوفك شاعرٍ عاشق ومغرم 0000000 ولك بالعشق روحاتٍ وجيه
تبا سلمى وتفداها بشعرك 0000000 وتفداها بعد بأميه بنيه
وانا وشلون اوصف لك حبيبي 0000000 مثل غنام والا احلى شويه
تحالي صورته صورة ملكنا 0000000 وله بالشعر يالغاوي مطيه
والى منه كتب فيني قصيده 0000000 يصير الكون كله في يديه
يشابه بالهوى قيس الملوح 0000000 وانا احبه مثل حب العامريه
احبه حب يعجز عن وصوفه 0000000 قصيدي و الحروف الابجديه
تعبت بجد مااقدر وصوفه 0000000 ولاكن دوك يالغاوي وصيه
اذا مت اقبروني جنب قبره 0000000 وخلوا قبرنا كالمزهريه
تراك اليوم يالغاوي موصى 0000000 وتذبح كل عام ٍ لي ضحيه
الا يالايمي في حب ناشي 0000000 يجيك من البلاوي كل شيه
تموت امك وابوك وكل ربعك 0000000 الين ماعاد يبقى لك بقيه

[لامبارد]

صح لسانك (الغاوي / غنام/بنت العز)...
شعَار بمعنى الكلمة...

[الغنــاوي]

الا يابنت لك رد التحيه = بابيات(ن) قلبناها على ايــــه
يراودني التغزل في اعيونك = ولكن ناشي يكفي خويه
لانه شاعر(ن) مغرم مجرب = يغوص البحر ويجيب النقيه
يجيب من الدرر مالاتخونه = وينقيها عن سقاط الدنيه
يمشيها على الطرق الهلالي = ولاضاقت عطاها السامريه
يجر الصوت في رجم(ن) منيف(ن) = بعكس الشرق غرب الثامريه
يتوجد والتوجد مايفيده = ياكود ينقض جروح(ن) خفيه
ولو كثر الشعر بيفيد عاشق = كتبت معلقه بالغشمريه
واذا عندك وصاة(ن) للهواوي = ترى غنام هو راعي الوصيه
يحفظ العلم عن هذا وهذا = ويوصلها على ذيك المطيه

[الغنــاوي]

صح بدنك لامبارد
ولاهنت ع المرور....
تحياااااااااتي

[بنت العز]

الايالشاعر الغاوي سمعتك 0000000000 تهاب من الوصيه والبنيه
تدور عذر لين انك لقيته 0000000000 تبا غنام نعطيه الوصيه
ولاكن ياهجوسي علميهم 0000000000000 تراء العشاق ذمتهم بريه
اشوف الغاوي يغازل عيوني 0000000000000 ولاكن خايفٍ يغدر خويه
يحسب ان الهوى مثل السوالف 000000000 مع البنت الغبيه والذكيه
اذا كنت يالغاوي تحاول 00000000000 تقرب مننا مافيه نيه
مدام القلب في ناشي مولع 0000000000 لاتحاول بالحروف العاطفيه
الا ياليت غنام العرافه 000000000000000 يوصل له تحيات الصبيه
فتاةٍ حبها ماهو بعادي 000000000000 تبا ناشي يرد الها التحيه

[ااالــركـــيــبـــي]

الـــســـــلام عـــلـيـــــكـــم


مــشــكـــورين عـــلـــي الــــقــصــائــد الــجـــمـــيــــلة ولــــكــــم جـــزيــــل


الــــشــــكـــر




اااالـــــركـــــيــــبــــي

[غنام العرافه]

أشكر كم على مروركم الرائع والله لايهيينكم ، ويعطيكم الله العافيه .

[حميداني وافتخر]

سلام الله مني والتحيه .......... على من ذاب في حب البنيه

عليها منفطر قلبه شظايا .......... ينوح الليل والصبح وضحويه

تصبر في عذابك يالغناوي .......... لعل الله يفرج هالبليه

تراني قد عرفت الحب قبلك .......... مشيت الدرب والنيران حيه

وطيت الشوك بالرجلين حافي .......... لأجل سلمى تحملت الاذيه

دروب العشق ما تبغي هواوي .......... يصيح من الهوى يمه يبيه

دروب الحب يلزمها سنافي .......... اذا ارخى الليل يلعب فالبنيه


هههههههههههههههههه سامحوني على القصوووووور

[غنام العرافه]

حميداني أفتخر

صح لسانك و الله يعطيك العافيه وحشاك من التقصير .

[ريوف]

صح لسانكم

ويعطيكم العافيه