عـــشق بدوي ...

[آورنـس]

(( عـــــــشق بـــــــــدوي ))


http://www.albdoo.info/imgcache/7064834f48151d62b8dc23061ac0411c.jpg




نويت مرباع الغضي سيد الاحباب=قصدي يزول الجرح زاد التهابه

جيت وبقايا نارهم حول الاطناب=بيت الشعر مطوي وباقي زهابه

اقفت ركايبهم ومني الهدب ذاب=من دمع يسأل وانذهل بالاجابة

على غزير الدمع ضميت الاهداب=صديت لين الدمع يقفي سحابه

بعض الوجع يمكن تداويه الاعشاب=وبعض الوجع يا ويل منهو سطابه

عشق بدوي لا حب ما هوب كذاب=يوفي لو هو تجدد صوابه

واليوم وصلت بيننا مثل الاجناب=ذاك الغلا يا ضيعته يا سفابه

باكر الا جينا لهم مثل الاغراب=من عقب ما كنا الاهل والقرابه

الامر لله كل شي له اسباب=والا الهوى وش لي على هج بابه

وشلون قلبي ما يجي اليوم منصاب=على الرجن منقوش بعض الكتابه

حتى اثر مشيه مع سهول وهضاب=مرٍٍِِ يبين ومر ما يندرى به

قلبي من الفرقا صويب ومرتاب=كنه غدا نصفين من هول ما به

حزني عليه انه تسبب ولا طاب=نظرة طبيبه عجلت في ذهابه

ريح الخزامى والنفل زين الاطياب=يشدني ريح السمر في ثيابه

لا اقبل نسيم الليل له خيل وركاب=وله في طلوع الشمس عز ومهابه


http://www.alriyadh.com/2007/03/17/img/173636.jpg


مــــن روائـــــع الشــــــاعر :- ســـــــعد الخريجي ..



http://mjnoonfahem.jeeran.com/Image503.jpg

بصوت الفنان :- خـــالد عبدالرحمــن ..

http://www.5alid.com/alhwawai423/njoalgan4.rm




وتقبلو تحياتي ..

[منابع الطيب]

صح لسانه وسلمت يمناك عالنقل

دمت بود

[ابـــوحـــــور]

مشكور ارونس على النقل الرائع وتقبل مروري الكريم

[آورنـس]

منابع الطيب ... طاب لي مرورك .. تحياتي لك وبطلتك الحلوه ..




ابو حــــــور .... يا مرحبا والله فيك تحيااتي العطره لك ولمرورك الاغر

[حلا الحماديـن]

ثاانكس آآورنس عالنقــل


لاهنت والله ..


ابدااع ..

[دهن العود]

تسلم يمنيك على أختيار القصيده ويسلم الشاعر واللي غناها

[بنت الذيب]

سيدي العشق مافيه بداوه وحضاره




العشق من كل صوب تحرق ناره



وتقبل مروري


الشاعره

بنت الذيب

[شبيه اللول]

اخوي الكريم اورنس

صح السانك ولسان شاعرها

قصيده رااائعه

وتسلم يمينك على النقل

تحية اعجاااااب لمن يستحق الاعجااااااب

اختك الزعيمه

[آورنـس]

حــــــــلا :- كل الشكر لمرورك الجميل .. تحيااتي لك ..




.................................................





دهــن العود :- نورت متصفحي بطلتك يالغالي .. كل التحايا العطره لقدومك الميمون ..





.........................................




بــنت الذيب :- ياخلافيك في متصفحي انورة واسفرت لقدومك الرائع تحياتي لك ولشخصك الراقي ..





.....................................



شبيـــــه اللول :- مشكوره على زيارتك المتواضعه لمتصفحي الصغير ... زيارتك زادت الاعجاب لشخصك الراقي ..


كل التحايا وكل الورود لطلتك الجميله لمتصفحي وطاب لي مرورك ..



....................


آورنــس ..