غريب الدار
19/05/2008 - May 19th, 02:46 PM
سلام عليكم اسعد الله جميع اوقاتكم بكل خير
اضع هذه الماتواضعه بين ايديكم امل ان تنال بعض الاستحسان
للمعلوميه
من الارشيف (قديمه)
في هاجسي عديت روس المراقيب=واتعبت رجلى بالطريق لهدفها
واخذت لى ساعه تمعن وترتيب=انقى ثمار القيل قبل اقتطفها
من شان ماتلقى عليه مقاضيب=في كلمة يفرح بها من خطفها
واظهرت ماكنيت بين المحاديب=مثل الذهب صرافها وإن صرفها
وابديت فعل مكملين المواجيب=اللابه اللى عزها من سلفها
افخر بهم بين العرب والاجانيب=ربعي لهم فعل ينومس خلفها
ربعي حمادينٍ لهم ماكر الطيب=عزوه لها واقع وكلٍ عرفها
ريف الضعيَف عن سموم اللواهيب=وعز الرفيق ومن نزل في طرفها
ملجى الدخيل اللى وراه المطاليب=يرتاح باله والهموم يحذفها
وحنا لصكات الليالى معازيب=لاكبرت القاله حدينا نسفها
سقم العدا ماهى حجايا وتكذيب=كم روس قومٍ من يدينا تلفها
لاجيت تاصف رجلهم كنه الذيب=له هيبةٍ في ماقفه من صلفها
ومن حقى افخر بالجماعه بلا ريب=درعي وتاج الراس هاذى وصفها
ولااقول باق الناس فيها عذاريب=نفس على ذم البشر ما عسفها
كل القبايل توفى الكيل والطيب=نعمٍ بهم وذنوبهم ماقترفها
وفي واجب ربوعي كتبت المكاتيب=ونفس عن العربان مالله كلفها
اخوكم
غريب الدار
اضع هذه الماتواضعه بين ايديكم امل ان تنال بعض الاستحسان
للمعلوميه
من الارشيف (قديمه)
في هاجسي عديت روس المراقيب=واتعبت رجلى بالطريق لهدفها
واخذت لى ساعه تمعن وترتيب=انقى ثمار القيل قبل اقتطفها
من شان ماتلقى عليه مقاضيب=في كلمة يفرح بها من خطفها
واظهرت ماكنيت بين المحاديب=مثل الذهب صرافها وإن صرفها
وابديت فعل مكملين المواجيب=اللابه اللى عزها من سلفها
افخر بهم بين العرب والاجانيب=ربعي لهم فعل ينومس خلفها
ربعي حمادينٍ لهم ماكر الطيب=عزوه لها واقع وكلٍ عرفها
ريف الضعيَف عن سموم اللواهيب=وعز الرفيق ومن نزل في طرفها
ملجى الدخيل اللى وراه المطاليب=يرتاح باله والهموم يحذفها
وحنا لصكات الليالى معازيب=لاكبرت القاله حدينا نسفها
سقم العدا ماهى حجايا وتكذيب=كم روس قومٍ من يدينا تلفها
لاجيت تاصف رجلهم كنه الذيب=له هيبةٍ في ماقفه من صلفها
ومن حقى افخر بالجماعه بلا ريب=درعي وتاج الراس هاذى وصفها
ولااقول باق الناس فيها عذاريب=نفس على ذم البشر ما عسفها
كل القبايل توفى الكيل والطيب=نعمٍ بهم وذنوبهم ماقترفها
وفي واجب ربوعي كتبت المكاتيب=ونفس عن العربان مالله كلفها
اخوكم
غريب الدار