هجوس فكري كل دورة دقيقه

[غزاي العليم]

ايها الاخوه السلام عليكم ورحمة الله وبركاته
اقدم لكم هذي الابيات المتواضعه والتى ارجو ان تحوز على رضاكم
القصيده بمناسبة موقف طيب من الاخ دخيل مسفر الدوسري
عندما عمل معروف في احد الاصدقاء وهو محسن فالح 0

هجوس فكري كل دورة دقيقه=تواردن يمه سريعات وسباق
قدام راي المنتقد وتعليقه=هات القلم والبوك مع بيض الاوراق
انسج جديد بيوتها والعتيقه=حتى يناسب قولها كل الاذواق
من هاجس فيه المعانى عميقه=لاساوقت فيهالطواريق ينساق
مثل العسل حلوٍ حلاه ورحيقه=طعم العسل فايق على كل مافاق
طاروقها لحن الطرب والمسيقه=وماضوعها ضوحه تقل ضوح براق
المدح للطيب سوات الوثيقه=اللى يسجل وسطها حسن الاخلاق
والاالردى ماله عليها طريقه= لو كان يملك كل ماوسط الاسواق
ماتقضي الحاجه ضعاف الخليقه= ولاشيلت الحمله على دقيق الساق
وقت الرخى كل ٍ يقول لصديقه = اخذ القمر والشمس في زين الاطباق
ولاجاه بالحاجه لونه شقيقه =شفته يدورله مع السيب منطاق
لكن مواقيف الرجال العريقه=دايم لفعل الجزيلات عشاق
تتعب على رقي الجبال الشهيقه=والطيب ماكلٍ ينوله ليا تاق
كم واحدٍ حاول يجيه ويويقه=لكن من دونه صعوبات وارهاق
عبادت القرش الحمر ماتطيقه=تخاف من نقص الدراهم والارزاق
والرزق في يدين الكريم تحقيقه=مايقطعه ياكود قطاع الاعناق
الناس تاقع في ضروفٍ دقيقه=منها بعضهم محرق قلوبها احراق
يصعب عليها طموحها وتحقيقه= واهدافها واجد ومجهودها ارقاق
مير انت ياراع اليمين الطليقه=اشرقت في نورك على اقرانك اشراق
يوم ابن فالح نشف الوقت ريقه=عليه من جور اليالي مالا طاق
من كثر همه صار بالصدر ضيقه=كلٍ يشوفه مغلقٍ صدره اغلاق
قام ابو مسفر فيه قومه حقيقه=شبيه حرٍفوق راس الجبل واق
فزعة دخيل هالزمان لرفيقه=فرجبها همٍ منه صاحبه ضاق
ارخص بماله جعل مالله يعيقه=يقول جمع المال من شان الانفاق
في واجبه خله يروح بحريقه =الناس تعط ارقاب وفلوس وانياق
ومحسن نعرفه مايبوق بصديقه= لاهوب لاخاين ولاهوب ببواق
تمت وصلوا عد مايبرق بريقه= على رسولٍ معتقه ربه اعتاق

[ابن نمش]

وقت الرخى كـل ٍ يقـول لصديقـهاخذ القمر والشمس في زين الاطباق
ولاجـاه بالحاجـه لونـه شقيـقـهشفته يدورله مـع السيـب منطـاق


اخوي غزاي العليم

صح لسانك

وبيض الله وجه صاحب المعروف

قصيده رائعه

وننتظر جديدك

[غريب الدار]

غزاي العليم
صح لسانك
وبيض الله وجه صانع المعروف
دمتم بخير

[غزاي العليم]

الأخ/ ابن نمش
صح بدنك
ونعدكم ان شاء الله بنشر العديد من القصايد التي نتمني ان تحوز علي رضي الجميع

[ابونادر]

المـدح للطيب ســـوات الــوثيقه ااااااا اللي سـجل وسطها حسن الاخلاق

بيت اصدق من الوثيقه

والرزق في دين الكريم تحقيقه ااااااااا مايقطعه ياكـود قطاع الارزاق

سبحانه . منتهى الحكمة

ألآخ الشاعر

غــــزاي العـليـــم

صح لسانك والله يعطيك العافية على هالقصيدة الجزلة

.

نعم المدح بالطيب يزيد القصيدة قوة وشاعرها فخر ، لاشك في ذلك


سجل اعجــــــابي يالعليم



مع تحياتي وتقديري

[غزاي العليم]

ابــــــــــــــو نادر
السلام عليكم ورحمة الله وبركاته
شاكيرين حسن متابعتكم ونتمني ان نطلع علي جديدكم

[الدويله]

المـدح للطيـب سـوات الوثيـقـه = اللى يسجل وسطها حسن الاخـلاق
والاالـردى مالـه عليهـا طريقـه = لو كان يملك كل ماوسـط الاسـواق


شاعرنا العذب

غزاي العليم

صح لسانك

واسعدنا قدومك ومشاركتك


نتمنى ان نسمع الكثير من شاعرنا العذب ابو عادل


لي طلب اتمنى تلبيته

القصيده اللتي مطلعها


مل قلبٍ كل هاجوسٍ يتله = تل بنزٍ تحت ورعٍ ما أعتنابه

والأخرى قصيدة الجيب اللكزس التي منها


هدية الحاكم لشيخ القبيله = مدت مثل سلطان وإلا الوليدي
اكووووووووون شاكر ومقدر لتلبية طلبي

(الله يعينك علينا يابو عادل)