ولف وعياف

[عزيز النفس]

ولف وعياف

يا الله يا عالم خفيات الهداف = يا عالمٍ باهداف من لا كشفها
الواحد الفرد الصمد مغن الأضعاف = عقب الفقر كلن يعيش بطرفها
افرج القلب يطرقه ولف وعياف = بامل الرجا والياس حالي نحفها
قلب ٍ غدا للهم مشتى ومصياف = سبع سنوات وثامنتهن نصفها
يلعب به الهاجس على جال مهياف = هجس الأمور اللي طواني صلفها
لو إني انشر قصتي بين الأسلاف= من ساس مبداها وأبين هدفها
يمكن يقولون الحقيقة وتنشاف = ولا على منش النواشي خلفها
دنياً غذت روحي على سم الأتلاف = ويمكن غذا روحي سبايب تلافها
نركض مع الدنيا والأيام زلاف = فينا لدار ٍ فاتنا أول سلفها

عبيد علي الحميداني

[برق الوسم]

الله الله الله

ياعزيز النفس ماقصرت تسلم على نقل قصيدة الشاعر

الكبير عبيد بن علي المهيبيل 000 شاعر عملاق وياعيني

على جمال الشعر 00 ياخوي الزين زين مافيها مجاملات مشكور يالغلاا

لاهنت وابو محمد يستاهل من ينشر قصيده عبر هذا المنتدى الراقي 00 وكنت

سابقا هنا وابحث عن قضائد هذا الشاعر الرائع الذي ظلمه الاعلام كثيراا 00 الله يوقفك

ياخوي مقصرررت تقبل ارق التحايااااااا برق الوســــــــــــــــــــــــــــــم

[ابونادر]

اخوي عزيز النفس


صح لسانك وداام ابداعك يابو محمد على هالقصيدة الجزلة

واعتقد جاء الوقت الذي اقول فيه ان عزيز النفس

هو الشاعر الكبير / عبيدعلي المهيبيل الحميداني

فانت لست شاعر مبتدي أو شاعر عادي

حتى تكتب تحت أسم مستعار



..

[الحمــ بو هـجيـر ــيداني]

صح لسانك اخوي عبيد قصيده جزله
وشكرا يابو نادر على التوضيح
شاعر ومافيها كلام

[ابوعبدالكريم الحميداني]

لا يابو نادر


كان ماعلمت علية وهوو رجال حياوي وحنا نحاول نستدرجة


لين يعطينا اللي عندة الله يهديك يالبناخي


لكن خلصت واللحين يابو محمد انت تحت المجهر لازم تعطينا الأرشيف كامل


لتثبيت ديوان لك ومتابعته من قبلك للتعديل


شكرا لك

[شقران]

نركض مع الدنيـا والأيـام زلاف فينـا لـدار ٍ فاتنـا أول سلفهـا

صحيح مايبني البيت الا عمدهههههههههههههههههههههها


ولاهي غريبه على شعار الحمادين





..............................................

[ريم النواااظر]

لو إني انشر قصتي بين الأسلاف *** من ساس مبداهـا وأبيـن هدفهـا
يمكن يقولون الحقيقـة وتنشـاف *** ولا على منـش النواشـي خلفهـا
دنياً غذت روحي على سم الأتلاف *** ويمكن غذا روحي سبايب تلافهـا
نركض مع الدنيـا والأيـام زلاف *** فينـا لـدار ٍ فاتنـا أول سلفهـا

:::::

((( عزيز النفس )))

الشاعر الكبير / عبيدعلي المهيبيل الحميداني

أبيات تمثل الأبــــــداع 00

فــ// كم هي رائعه هذه القصيده

وروعتهاااا تكمن في مصداقيتهاااا

صــح لسااانك ملايين 00ولاهنت

كفيت 00ووفيت 00!!

0
0

ريميه

:rose:




0

[ابونادر]

لا يابو نادر


كان ماعلمت علية وهوو رجال حياوي وحنا نحاول نستدرجة


لين يعطينا اللي عندة الله يهديك يالبناخي


لكن خلصت واللحين يابو محمد انت تحت المجهر لازم تعطينا الأرشيف كامل


لتثبيت ديوان لك ومتابعته من قبلك للتعديل


شكرا لك


لا يالخال لازم اعلم عليه حتى لو يزعل مايهم انا امون عليه

الهم انها ماتضيع قصايده أو تلطش لاسمح الله ..


ونحن محتاجين لمثل ابو محمد لان عنده علوم الحمادين واشعارهم القديمه


والان معاد له عذر .















..

[عزيز النفس]

امسي على الجميع بالخير وهم تاج راسي



اخوكم عبيد بن علي المهيبيل عزيز النفس

[برق الوسم]

معقوله
ياابو نادر

مفاجاءه ياابو نادر بالنسبه لي انا بجد مشكور يالغالي

متقصرر والف تحية اجلال لشخصك الكريم 00000

حياك الله الشاعر الكبير والقدير 00 عبيد بن علي الحميداني وتنور بحضورك المنتدى

سعدت سعاده غامرره بوجودك بمنتديات الحمادين التي زادها هذا الحضور جمالا واشراقة
ابداع يعرفه الجميــــــــــــع 0000 ياهلا وغلا وانا برحب فيك هنيه والله صجي انا احد معجبين شعرك

واحرص على مثلك وشروواك 000 دمت بكل السعاده والمسرات خيك برق الوســـــــــــــــــــــــــــــم

[غنام العرافه]

حياك الله الشاعر الكبير والقدير 00 عبيد بن علي الحميداني نورت المنتدى بحضورك الشامخ

ويأهلا ويامرحبا بك الدار دارك صح لسانك وطول الله عمرك ، بس مالك حق تخبي علينا كل هالمده

اللي مثلك نفرح ليا شفناه ونفخر فيه ودخولك عزللمنتدى والله يحييك .

[ناشي الصخيني]

مرحبا وأهلين بك يابو محمد......عد همال الخياااااال المدلهمي
ياهلا بالدرع والسف المغمد....في نهار الماقف الصعب المطمي

ياهلا والله ومسهلا ياخالي اعلان أسمك يزيد المنتدى نور وشرف عساك بالوجود

بناخيك الصخيني
((((تحياااااااااااتي))))

[عزيز النفس]

:wilted_rose:الاخوه الاعزاء:wilted_rose:



برق الوسم

ابو نادر

ابوهجير

ابوعبدالكريم الحميداني

شقران


والاخت ريميه


واخوي:rose:



غنااام العرافه


والبنااخي ناشي الصخيني




اشكر لكم مروركم الكريم وكلماتكم العذبه ..ورقي نقدكم

واتمنى ان اكون عند حسن ظن الجميع .. والله يقدرنا على الطيب:rose: