الله من قلب تبلواه الأمراض

[ناشي الصخيني]

الله من قلب تبلواه الأمراض...........أليا بغى يرتاح جاء مايهيضه
بسباب من قفى عن القلب مغتاض..زود على قلبي همومه وغيضه
أبو مبيسم كنه البرف لاناض.......في ليلة غاب القمر عن وميضه
وأبو جديل فوق الأمتان نقاض......وله مشية مثل الحمامه بفيضه
حلفت ماسمع فيه ناصح ووعاض.....لو زاد نصحه يالبشر وتوعيضه
عليه دمع العين ياخوي كد فاض...ونفسي على شوف الغضي مستهيضه
واليوم أبسند شكوتي يم عواض......الحل وشهو والمشاكل غميضه
وجدي وجود اللي عليه الزمن جاض..وضاقت عليه فجوج نجد العريضه
جاه مرضن فيه المخاليق تعتاض.....ومن الحياه أيس ولافيه عيضه
على الذي قفى وأنا فيه ماعتاض......روح وروحي من فراقه مريضه

((((ناشي الصخيني))))

[برق الوسم]

الله من قلب تبلواه الأمراض=أليا بغى يرتاح جاء مايهيضه
بسباب من قفى عن القلب مغتاض.=زود على قلبي همومه وغيضه
أبو مبيسم كنه البرف لاناض=في ليلة غاب القمر عن وميضه
وأبو جديل فوق الأمتان نقاض=وله مشية مثل الحمامه بفيضه
حلفت ماسمع فيه ناصح ووعاض=لو زاد نصحه يالبشر وتوعيضه
عليه دمع العين ياخوي كد فاض=ونفسي على شوف الغضي مستهيضه
واليوم أبسند شكوتي يم عواض=الحل وشهو والمشاكل غميضه
وجدي وجود اللي عليه الزمن جاض=وضاقت عليه فجوج نجد العريضه
جاه مرضن فيه المخاليق تعتاض..=.ومن الحياه أيس ولافيه عيضه
على الذي قفى وأنا فيه ماعتاض=روح وروحي من فراقه مريضه


ماجور ياللي تشتكي باسم عواض= جور الهوى وافراق غضا غضيضه
تشكي من اساب الهوى بعض الامراض= قبلك من العشاق ناسن مريضه
ياناشي الشاعر ترى خاطري هاض= هيضتني والنفس ماهي حضيضه
اخذت مع زين التواصيف مركاض= ولازلت في جون افجوجه عريضه
يطرقني الهاجس وانا منه مغتاض= واذا انتهى الهاجس يجيني نقيضه
همن يوردن متاهات وافياض= ارضن خلا بين السمايم وقيضه
واليا بغيت اخذ عن الهم واعتاض= صارت احلوم الشوق مثل الفريضه
تواردن قلبي سريعات واعراض= وابحرت معهن والعواذل بغيضه
يروق فكري بعض الاحيان ماغتاض= ويعود ياسي والمكاوي نجبضه
واليوم ابااجاريك واسند لعواض= اذا لقا لك حل نبغي عويضه



اخوي الغالي ناشي الصخيني احب مجاراتك دائما اعذرني
لك ودي برق الوســــــــــــــــــــم

[ناشي الصخيني]

أخي العزيز برق الوسم
الله لايهينك عزيز ومقدارك على الراس والعين ولك معزه خاصه عن الناس كلهم
ومجاراتك وسام على صدري وفخرا لي عساك بالوجود
سلمت جعلي ماخلا منك يابعد راسي

((((تحيااااااااااااااااااااااااااااااااتي))))

[عزيز النفس]

البنا خي ابو محمد

ولاخ العزيز برق الوسم

السلام عليكم وارحمة وبراكا ته انتم نجوم ويعطيكم

الف عافيه

[الحمــ بو هـجيـر ــيداني]

الله وكبر عليكم
مبدع ياناشي وانت عارف رايي فيك
وكان عواض شاعر نبا رده ههههه
برق الوسم انت ايضا شاعر ومنت سهل

[برق الوسم]

شاعر الابداااع

عبيد بن علي المهيبيل

مشكور يالغالي وصح بدنك

لاهنت يابعد راسي لك ودي برق الوسم

[برق الوسم]

الله وكبر عليكم
مبدع ياناشي وانت عارف رايي فيك
وكان عواض شاعر نبا رده ههههه
برق الوسم انت ايضا شاعر ومنت سهل


ابو هجير اي ماني سهل

اذا كنت متساهلني اوضح لك انا شاعر الفخامه

[الحمــ بو هـجيـر ــيداني]

برق الوسم انا قلت مبدع ياناشي
جيت انت وقلت شاعر الابداع عبيد بن علي المهيبيل
واقول لك ونعم في الثنين كلهم مبدعين وشعار مافيه شك
وبنفس الوقت انا قلت انك مانت سهل يعني شاااعر.. وش مزعلك
من كلامي اخوي برق الوسم ارجو انك ماتفسر كلامي في غير محله
ودمت

[ناشي الصخيني]

أخي عزيز النفس أو خالي أبو محمد
مشكور على المرور العطر وشهادة منك تسوى ملايين
ووسام على صدري وفخرا لي الله لايهينك يابو محمد

((((تحياااااااااااااتي))))

[ناشي الصخيني]

أخي أبو هجير الله يطول عمرك
ورايك في وشهادتك لي تسوى عندي الكون ومافيه
عزيز ومقدارك على الراس والعين
وأذا مارد عواض ترى أبي أعدلها عليك
هههههههههههههههههه

((((تحياااااااااااتي))))

[الغنــاوي]

صح إلسانك ياناشي الصخيني...
صح إلسانك يابرق الوسم...
روووووعه القصيده والرد
وننتظر جديدكم
تحيااااااااتي

[ابـــوحـــــور]

صح لسانك يالبناخي

[ناشي الصخيني]

الغااااااااااااااااوي
صح بدنك ومشكور على هالمرور الطيب
أبو حووووووور
صح بدنك أكبر شرف للقصيده مرورك عليها ياخاااااااال

[نوني الحماديه]

يسلمووو يسلمووو يسلمووووو يسلموووو يسلموووووووووو

[ناشي الصخيني]

نوني الحماديه

مشكوووووووووره على مرورك

[غنام العرافه]

نـــــــــــــــــــــــــــاشي وبـــــــــــــــــــــــــــــــرق

شهادتي بكم مجروحه ، وما أقول الا فالكم البيرق والمليون ، والله لايحرمنا منكم وقصايكم الرائعه وموفقين أن شاء الله .

[ناشي الصخيني]

أبو حمدان الله لايهينك على المرور المشرف وهذي شهاده أعتز فيها
من شاعر وناقد بحجمك يابو حمدان مشكوووووووور عساك بالوجود

[ابن ربضان الحميداني]

صح لسانك اخوي ناشي على القصيدة الرائعة

وبيض الله وجهك اخوي برق الوسم عالمجاراة الجميلة وصح الله لسانك

ولاهنتوا

[ابـــو نـــورهـ]

صح لسانك يالبناخي وصح لسان برق الوسم وعزا الله انكم كفيتم ووفيتم..@

[ناشي الصخيني]

أبن ربضان
الله لايهينك على المرور الجميل وصح بدنك يالغالي
أبو غزوى
ياهلا والله بالخال تو مانورت الصفحه بمرورك