يامتعب القلب

[سوار ذهب]

يا متعب القلب قلي ويـش غلطاتـي=ان كنت انا اقدر اعدلهـا .. بعدلهـا ’’

لاصرت تجهل عناء الدنيا .. وضيقاتي=من دون ماشرح لك اوضاعي تأملها ’’

الوقت ضدي .. حرمني من ملذاتـي=والصد بعدك ذبح روحي .. وكملهـا ’’

لا .. لايغرك كثير الصمت .. وسكاتي=خل المشاعر تقول ( الآآآآه ) وإسألهـا ’’

يسكني الحب .. واضح من عباراتـي=وش عاد لجلك حروفي لـو أذللها ’’

عذبني الشوق واسرفـت بخيالاتـي=نفسٍٍ تحبك دخيلك ليش .. تهملها ’’

ياليتك إشوي تشعـر فـي معاناتـي=دنياك يمكن عليك تضيـق باكملهـا ’’

الحزن كنه سفيـري فـي علاقاتـي=والهم خيّم على حالـي .. وطولهـا ’’

اغديت دربي وتاهت فيـك خطواتـي=كل المواعيد مدري ليـش تأجلها ’’

سنين احاول وضاعت كـل حيلاتـي=ماتدري اني ( حيـاة الـذّل ) مقبلهـا ’’

لاجيتك أسال وادوّر فيـك ضحكاتـي=كنك تعمد بيديـك اليـوم .. تقتلهـا ’’

لا تترك الظـن يلعـب باحتمالاتـي=الكلمه اللي تحزّ بخاطـرك .. قلهـا ’’

تعال شفني وحـس بحـال لوعاتـي=كن الدقايق بدونـك عـام مطولهـا ’’

متى التباشير بقدوم ( الغـلا ) تاتـي=فرحة زماني بشوفـك مـا تخيلهـا ’’

خلاص صبري تعـدى كـل هقواتـي=اتعبت روحي اعزيهـا .. وعذلها ’’

ابيك تنسى وتدمـح كـل زلاتـي=بعض البشر صعب مانقـدر نزعلهـا ’’

والحين جيتك ابمسح كـل غلطاتـي=دنياي دونـك وربـي ماتحملهـا

قصيدة رائعة للشاعر محمد العسكر

[برق الوسم]

يسلمو سوار ذهب

رائعه انتي بذوقك واختيارك الرائع

الف شكر عزيزتي دمتي بكل الخير والسعاده والمسراات برق الوســـــــم

[ابوعبدالكريم الحميداني]

صح لسان للشاعر محمد العسكر


ولاهنتي اختي سوار الذهب على النقل الرائع

[نوني الحماديه]

تسلمين سوار ذهب الطرح الحلوو يلا شدي حيلج وخلينا نفرح يوم بتستوين عضو نشيط