احداث ام دباب

[عبـد الله العرافه]

-*¤ô§ô¤*-*¤ô§ô¤*~بسم الله الرحمن الرحيم~*¤ô§ô¤*-*¤ô§ô¤*-
°ˆ~*¤®§(*§*)§®¤*~ˆ°السلام عليكم ورحمة الله وبركاته°ˆ~*¤®§(*§*)§®¤*~ˆ°

بـركـان ثـار وزلـزل الارض بـــركـــان ********** ثاني نهار العيد عيد الضـحـيـه
حنا الدويله كان للخـيل فـــرســــان**********حنا الدويله والحـدود مـحـمـيـه
يوم ام دباب اشتكت والـخــطا بــان********** تـقـول ويـن الـعــزوه الاولــيــه
يوم انتخت جوها سلاطين شجعان ********** هل المواقف والـعـزوم القويـه
غـلـطـان يـلـي فـم دبـاب طـمـعـان**********يابـعـدها نـار الـحـمـاديـن حـيـه
مانـرحـم المخطي ولـو كـان ماكـان **********والحمد لله مـانـحـب الـخـطـيـه
وفعول ربـعي جـالـها الـيوم بـرهـان********** عشرين والي قابلوهم سـريه
يـوم الـمـلاقـاه وعـتـلا الـجـو دخـان********** يوم <ن>على طفيح ماجا زيه

[ابونادر]

اخوي عبدالله العرافة

صح لسانك على القصيدة الجزلة لاهنت

والحمدلله ماصار في أم دباب الا كل خير

ولكن لاداعي لاثارة هذا الموضوع


وشكرا لك



..

[مهاجر الخلان]

صح السانك اخوي عبدالله ومشكور ولاهنت

[صـعـب الـمـنـآل]

موضوع جميل وشكرا لك ولاهنت وصح لسانك

[الـحـمـيـدآنـي]

شكرا لكم جميعا وام دباب رجعت والحمد لله للحمادين ولاهنتو (وشكر لبو نادر على النصيحه)

[ابو عبدالله الحميداني]

اخوي عبدالله هد من روعك شوي تقول رجعت للحمادين وهل كانت لغيرهم قبل ذلك التاريخ يشهد انها لهم والحاضر لا ينقطع عن الماضي ورحم الله من سكنها وقبورهم تشهد

[غنام العرافه]

((( الا خ عبدالله العرافه )))

أولاً : - كيف تنسب قصيده لنفسك وأنت تعرف شاعرها

ثـــانياً:-سبق وأن ناقشتك ولديك علم بأن القصيده لي .

ثـــالثاً :- أصريت يأخ عبدالله وللأسف أنك تنزل القصيده بــأسمك وتستقبل

الردود عليها وكأنك شـــاعرها.

رابعاً :- الكلام موجه للا خـــــــــو ه الاعضاء ، ويش رايكم بسوات الاخ عبدالله

وأود أن أبلغكم بــأنني صاحب القصيده ، وعدم مشاركتي بها بالمنتدى لانها

مثار للجدل .
أرجــو من الجميع التفاعل حتى لايتكرر مثل هذا الشيْ ....

[ابونادر]

اخوي غنام العرافة

وسع صدرك وانا اخوك ماصا الا الزين

ألاخ عبدالله حتى الان لم يقول انا القصيدة له

ويجوز انه نسي لايذكر انها لك

والدعوى سهالات يالعرافه


تحيااااااااااتي


..

[الـحـمـيـدآنـي]

اخواني الاعزاء ارجو عدم فهم الموضووع بالخطاء

القصيده لاخي وقريبي غنام العرافه وانا اكن له المحبه واعتبر هذه القصيده

مفخره لي ولغيري وانا اخطئة لاني لم اخبر غنام بتنزيل القصيده لاكن انا من

حبي لهالقصيده وانا اعتذر اذا اخطئة بحقك اخي غنام وانا استخدمة العجله

فيها لاكن اكرر واقوول انا من المحبييين لهذه القصيده

ومن ناحية الرد والاقتباس الذي نزل عن طريقي هو اخي الصغير واعتذر

بالخطاء اعتذر وقال ناسف لنسب القصيده لنا وهو لا يعرف بهذه الامور اخواني

انا في حيرة من امري ولا ادري مااقول لاكن اعتذر لك اخي غنام وانت على

راسي والجميع وكل من يقراء الرد

تقبلوو تحياتي

[ابونادر]

اخوي عبدالله العرافة

ماصار الا الزين وانا اخوك وانت وغنام مابينكم فرق

وجل من لايسهي واشكرك على ايضاح الحقيقة

تحياااااااااتي



.

[ابـــوحـــــور]

عينو خير ياربع تراكم عيال عم مايصير هاكلام

[ابو عبدالله الحميداني]

توادوا فيما بينهم يا ابو حور ولا صار الا كل خير ولعله يعزم بعضهم بعض على مفطح ونكون من الحاضرين يازينها من جمعه ربع وبني عم

[عويس المشتاق]

ااسلام عليكم ورحمة الله
الموضوع لاداعي له واثرة للماضي اخ عبدالله اذا تبي تشارك شارك في شي يفيد اخوانك وربعك في المنتدي
(( العرايف ؟؟؟؟؟؟؟؟؟؟؟؟؟؟؟؟؟؟؟؟؟ ))

[مدالله القصيم]

اخواني ماصار الا كل خير ياليييييييييييت يعزمون بعضهم على بعض وترا انتم اقرب ناس الى بعض في النوقع مشكوووووووور اخوي عبد الله على القصيده المنقوله ومشكوووور اخوي غنام على كتابه

[راعي الصفرا]

مسيكم بالخير يالربع وش هالسالفه يالربع ماتوصل لهالامور يالربع الامورر

تراها هينه وسهلااات وانتم ربع وانا والله على فهمي للموضوع ان الامر

مفهووووم بالخطاء انا لما قريت الموضوووع لقيت ان غنام يقوول انت ناسبها

لك وعبدالله يتعذر يقوول انا مانسبتها لي لاكن الموضووع يالربع فيه لبس

وارجو انت تحلووو اموركم بالتي هي احسن ولكم مني جزيل الشكر

[ابونادر]

تم اغلاق النقاش في هذا الموضوع

وشكرا ،،،،،،،


..