فضفضة عوآنس

[رومانه]

ياهلا والله بكل خشتن دخلت موضوعي..سواء زينه ولا شينه <تسمع بالتسويه


بدايتن..احب اقول كل اللي بيكون رده مشكوره..يسلمو..ههههه موضوع رائع..بالله يطلع من اللحين
<الاخلاق صفر وابي ردود تبيض خشتي الودره



كل نعجة انثويه حالمه..تحلم بتيس الغفله..
وتقول في مكنونها(آآآآهـ لقد مصختها ارباً وطولتها وينك بوه لهالحزه )

وكل تيس اغبر ارعد..يتمنى عنز لطيفه اليفه تشاركه حياته في امن وامان..،


جاء النصيب..خطبه..موافقه..ملكه..،


البنت تهرج عمرها..
(وهــ..واخيرن اعرست بيجينن رجل يصير لي الاب والام والزوج..كم سأتميلح عليه..كم سأرمي بعلبة المنديل على دميجته<تسمع بالمزوح
..والله وأعرستي ياسوير وصار عندتس بعل..وهـ ياحظي..موب مخليه مكان بالدنيا الا بروح له..الله مير يخليك لي يبو عيالي<ماصدقت خبر)


الرجال يهرج نفسه..

(ياسلام عليك ياصعفق والله وصرت كفو وكملت نص دينك..وجبت لك هالمره السنعه اللي تسوى عشر من جنسها..
والله ياأني بدلعها دلع..بنخيّم بكل مخططات الرياض<ياراعي الدلع انت..الله يوفقني معها ويرزقني الصالح ويبعد الطالح..)




لووولولولولولووليشششش وصار الزواج والتمت تسبدين


بعد الزواج




سوير وبين سنونها بقايا الغدا وتحلطم ..

(اوووووف وش هالعيشه..وش هالرجل المتخلف،،وش شايفني عنده انا يوم انه يحسبني اثاث لبيته موب مرته ..
مير يحمد ربه اني للحين ساكتتن عليه يوم انه بالدمام غث تسبدي اجل شهر عسل يومين..!
ياشماتته نويّر وفطيّم فيني..مير الدنيا حظوظ)..<تقول هالكلام وهي تفوح منها ريحه الثوم وبوه بقعة مرق على قميصها من عقب الغداء..


صعفق وهو ماسك له تتنه بمحطه بنزين ويهوجس..

(ياليييل وش هالحاله ذي..كل شوي داقتن تسأل..وينك..تعال..اخاف لحالي..
المشكله احس اني ماادانيها،،ابي افهم وش هالمره اللي يجي رجلها بيرتاح من الدوام الا وريحتها تصرع..يوووه المشكله صعبه اقولها تروشي ولا تنظفي وحنا تونامعاريس
وتحسبني ادوخ عليها اكثر لالطت هالروج ..شكلي بمسكه واجدعه..الله مير يصبرني .. )

^

يووه كلها شهرين وتغيروا..!



واحد من قرايبنا..تزوج له وحده تقرب له من بعيد..سكنها ببيت فوق اهله(اهله امه وابوه بالايام العاديه)..
اللحين ماشاء الله مرته حامل..وللحين مااخذت شهر عسل ..اللهم راحت للرياض يومين بس <وليتها تمشت لا جالسه معنا..

يعني بجد مرات اقول الله لايرزقني مثل رجلها..وكله كوم ولا اجتمعوا الخلق ببيت اهل الرجال كوم..
يقول لمرته اهلي بيجتمعون بوديك لاهلك..ويخليها عند اهلها بالايام..

لو احتاجو شي اهل الرجال مالقوه ببيتهم..يقولهم ارقو غرفه مرتي اكيد عندها جل..اكيد عندها مدري وش..<هذا وهي موب موجوده..!!

خواتي وهم خواتي مرات انقهر لا أخذوا شيء من غير يقولون لي
..فما بالكم بناس توني عايشه معهم.!



وحده من يوم تزوجت وهي مشاكل مع بعلها المصون..بينهم عيال..صابره ومحتسبه عشانهم
تخيلوا انها شرت ارض بدون مايدري رجلها خخخخخخخخخخخخ بتأمن مستقبلها هي وعيالها..



نجي للرجال..والله مرات اشك انهم رجال ..

مستعد يقولك كل شي صار بينه وبين مرته..!!!!!!!!!!!!!!

اعوذ بالله..وش هالرخمه..لو انه رجال صدز كان فهم وش معنى حرمه..حرمتك يبو..
بغض النظر انه حرام..بس بيطيح بعين الخلق بتصرفه الغبي ..


ولا بعضهم لا صارت مشكله بينهم..يقوم يطلع كل فضايحها..ولا هي تطلع كل فضايحه
طيب ليه كذا..! ابفهم بس وشلون يرجعون متصافين يوم خربوها وسيرتهم على كل لسان..


وفيه فئه من البعارين (الرجال بروايه اخرى)يناظرون للجنس البنفسجي اللطيف نظره اهانه

مثل واحد يقول لخويـّه:
أبد معي الأهل وأنت بكرامه<<<<<<<<لاتعليق

يشوفون الحرمه على انها تجيب عيال وكنس وغسيل وطبخ <اجل وش هي<صارت اردى منهم



أيها الزوج:

الحرمه مهما كان شعرها خشن وعيونها صغيره لاتزال تتمتع بلقب انثى
كل شي يجي بالطيب وبالكلمه الحلوه..

*جيت لمها رميت شماغك ونفسك بخشمك وتقول اخلصي علي اكويه مره ثانيه تراي معزوم
*جيت لمها رميت شماغك ماسك اعصابك ومهدي وتقول يافتاتي الجميله تتكرمين من وقتك ثواني بس تكوين لي فيها شماغي!!

فرق لما يجيك بأمر ولا لما يجيك الشي بطلب
يعني انت يازوجها ياللي اقرب الناس لها تعاملها كذا..!!
هي اكيد بتكره عمرها وتكره نفسها وبتكره كل شي وتفكر بالانحراف او الانتحار<انقلعي انتي وتفكيرتس


أيتها الزوجه:

ماأقبح الشعور عندما يكشر بوجهكي زوجكي عزيزتي<تسمعين بالمواساه

يافتاتي الحالمه لاتصيرين عاد تطلعين حرتس كلها بزوجكي الفاضل..
شوفي خشتس بالمرايه كل شوي..حسسي رجلتس انتس انثى وتطالعين بالمرآيه..
امسحي بقعه المايونيز الي بشدوقتس..غسلي شعرتس ببلسم..صيري براقه..قلّدي هيفاء بس لاتتحمسين بالتقليد ..



زبــدة هــذرتـــــي



* يوم كنت في بداية مبزرتي كل مايجيبون حريم طاري عرس مانقول الا اللهجه المعتاده(لا اصلن انا بجلس عند امي يالبى قلبتس يايمه عيوني لتس بس هذا لايمنع بالتفكير بتكوين أسره متراميه الاطراف منبعها الألفه والحنان(وجه واخزياهي)


* كل بنت تفكر بجمال الدنيا وتستغل كل لحظه وهي منطقتن ببيت اهله (وجه يخم اهله)

* وكل شاب اغبر ارعد يقول العوض بالجنه ويصبر على ماربي بلاه<كف كل الحريم

* لو صار وأعرست/ي ولاقدّر الله صارت بينكم مشاكل لاتخلّون اللي يسوا واللي مايسوا يدري عنها..كل المتزوجين بينهم مشاكل..بس الذكي اللي يتعامل مع هالمشاكل بحكمه<وينتس ياقناة الرآي

* بعضكم يتساءل وش تبين بالموضوع؟!..اللي عنده موقف عن مشكله..عن اي شي بالعالم يسدحه<تبيهم يردون باللي هي به


تقبلوا صــافي بثــارتي

د.رومانه الدريع <طلعوها برا

[جدتهم ومنقدتهم]

رومانه


الحقيقه موضوع شيق واحسن شي فيه البثاره:wink: هههههههههههههههههههههههههههههههههه



اماعن رياجيل وحريم هالوقت لطتني عليهم:tongue: <<< تكشش ههههههههههههههههههههههههههههههههههههههه


اقول الله لايخليني من شويبي اللي حاشمني وعازني وهو لايقراء ولايكتب:embarassed: مع اني اخذته وانا مبغضته ما ادانيله شوف :cry:ههههههههههههههههههههههههههههههههههههه



ياكثر ماطمحت عنه وياكثر ما هزويته مير صبور يعلني ما اخلى منه هقوتنه يقول بقلبه هذي مسيبيهه:confused:


والا شباب هالحين يطلق مرته عشان صوت الاستشوار يحن وهو راقد ..لطتني عليك ترفض قراعيطها عشانك مير وجهن ودر:tongue:



الوكاد ياعيال اللي ماهو كفو عرس ينثبر عند اهله ويفك بنات خلق الله من تفنقسه:angry:


وانتن يابنات بخينق بمعنى اخر الربايع :star:


..اللي ماهي كفو عرس تنطق عند امها ولاتبلا عيال الحمايل برفالتها ..وعلومها اللي ماتنبقط :embarassed:ههههههه<<< ماتنعطى وجه راحت تكتب سيرتها الموقره





رومانه دوتس ورده:rose:

[حلا الحماديـن]

واللــهـ يابــعد تسبــدي كــالعــاده مواضيــعتس رووعهـ ..

وانا من خلال منبري هذا << تــأثرت بروومــانـهـ :tongue:

أوجــهـ نصيــحهـ لكــل الشبــاب :boy: لا تعــرس الا وأنت !!

مأمــن مستــقبــلكـ لان بنت الناس ببيت اهلها تلقى اللي تبيــهـ فمالا داعي تذلها بالصغيرهـ والكبيــرهـ ,,

وعطيــها من نفسكـ بأسلوبكـ وذوقــكـ << ولا بس شاطــر تحــطهــا بالمغــازل :mobile_phone2:

وأخيــراً : الحــرمــهـ انســانهـ طيبهـ جداً جداً بس افهمــها وربي بتلقى مــايسركـ منهــا ..


ونصيحتي للبنــاات ::

لاتسمــعين كلام فلانهـ وعلتااانــهـ عشان حيااتــس مااتنــهدم بسبب أي شخــص :zip::zip:

ثم تروحين تقولين لرجلتــس !!

فــلانــهـ ليش عنــدها وانا لا !!

فــلانــهـ ليــهـ رجلــها يعطيهـا أنا لا !!

قبل ماتفكريــن بها التفــكيــر حطي قــاعدهـ براسسستــس :s

.. كـــــــــــــــــــل واحــــــــــد يمــــــــــد رجــــــــولـــهـ على قــــــد لحــــــــافــــــهـ ..:angel:



<<<<<<<<<< عمـــــومـــاً هذا كلـــهـ فضفضهـ عوانـــس علــى قولتـــس يابعدي :shade:,,

لا تحـــرمينــــا من ابدعـــااااااتس يـــا بنــت العـــم ..:rose:

[رومانه]

لي باتس عالردود

[مهاجر الخلان]

مشكوره اختي على الموضوع القيم وهذي حقيقه نعيشها الزواج مسوليه كبييره والذي لايستطيع التفاهم مع الزوج او الزوجه فان بالعربي ينطق بيتهم اصرفله ويعطيتس العافيه رومانه على الموضوع.............