وين أنت ياشقران

[عزيز النفس]

على شانك تقوم الملعبه وين أنت ياشقران=نبي نبدا مع الطاروق والمعنى والالحاني

الياطبيت في سوق المثايل عذبت الالحان =ابا أختار بجديدات المعاني وأنت عنواني

[شقران]

توكلنا على الله والله الي يفتح البيبان......والايازين حظك يوم جابك عند شقراني

تمثل ياعميل الخير واصحا تطمر الظلعان.....عميلن حطك الله عند شقران الحميداني

[عزيز النفس]

ترى الشعار واجد مير أنا ادورك من زمان =مادام اني لقيتك للبيوت العوج ميداني

تحيزمني بسيف أبن الوليد وقوة السلطان=أنا لاشفت نفسي يطرب المعنى ألشيطاني

[شقران]

اناودي ترد الاوله ونعادل الميزان.....لاكنك ياطويل العمر لاذلحين خسراني

انا البنك التجاري والبنوك اطالب الديان.....عزيزالنفس قبل اسبوع سلفته ولااوفاني

[ابونادر]

عزيز النفس

شقران

صحت السنكم على هذا الحاورة الراقية

نعم نبيها كذا على طوووووول


تحياااااااتي


.

[شقران]

صح بدنك يابو نادر

ومبروك تطوير المنتدى الراقي



........................................

[شقران]

نقلت بواسطة شقران
تراالله يابن عمي يبغض الشناي والمنـان
واناجتني عطية عنقري من طير حوراني
تبي مني ثمنها حدها في غالـي الاثمـان
نصيحه والتصيحه تنشرا في غال الاثماني

[عزيز النفس]

تراالله يابن عمي يبغض الشناي والمنـان=واناجتني عطية عنقري من طير حوراني

تبي مني ثمنها حدها في غالـي الاثمـان=نصيحه والتصيحه تنشرا في غال الاثماني

[شقران]

جابهاالله ياعزيز النفس استلمممممممممم

صحيبي اختلف عقب الرصاصه صابت النيشان ....انا في وادي الباطن وهو في وادين ثاني




دخل غيبوبة السكر مغذيها مع الشريان....ياليته طايعن شوري ولا جيته ولاجاني





..................................................[/align]

[عزيز النفس]

توقع يارفيع المنزلة لاهنت وانت حصان = قبل لاحط في راس الاصيل خطام وعناني

على عيني وراسي كل شاعر له مقام وشان = انا مانسى رفيقي كود لامنه تناساني

[شقران]

بعيده ياعميل الخير بعد طريف عن نجران.....وانا معلمك لاتطمر علينا وانت عجلاني

انا لامن وطيت القاع اطلع جرة السرقان......تبى تسوي سواتي وانت يامسكين عجزاني

[شقران]

عزيز النفس انا أستأذنك

وموعدنا بكره بعد الظهر

والله يعطيك العافيه



...............................................

[عزيز النفس]

انا لو قلت مخطي قالو العالم بعد غلطان = تعرضلك لشخص مبتليه اليوم والثاني
ابنسى ماذكرته دام لبيوت الغلا سيسان = وابا اسامحك يوم انك تعمدني ببهتاني

[غطفان]

الله يوفقكم واستمرو. لا هنتو. محاورتن قويه ومعانيها طيبه وساميه وافكارهم جميله. من اجمل ماسمعنا بالمنتديات ولناس قامت تصور وتقرا تسولف عنها .لا توقفون

عساكم عل القوه

[مهاجر الخلان]

مشاء الله عليكم يابني عمي محاوره طيبه من وجيه طيبه وابيات قويه يبيلكم شاعر المعنى

[ســـيـــ الحميداني ـــوف]

صح لسانكم ولاهنتم

لايووقف كملوا

[غنام العرافه]

عزيز النفس و شقران


صح لسانكم يالربع والله لا يهينكم محاوره حماسيه على معنى جزل وبيض الله وجيهكم دمتم وطابت أوقاتكم لكم مني كل الشكر وموفقين أن شا الله .

[صـعـب الـمـنـآل]

انا قايلكم شعار ازين من عبدالله بن عون بعد خوذوا الروزرايز ماهي غربية عليكم مشكوووووووووورين وصح! لسانكم