مساجله بيني وبين جزاء الحربي ..

[عزيز النفس]

هذه القصيده مجارة بيني وبين الشاعر جزاء بن صالح الحربي


الله من قلبٍ عناه إجتمعله =بأقصى الضلوع المهدفات المحاديب
هم وهاجوس ونونٍ ربعله =يلفي به التفكير لحظات ويغيب
لحظات ود وطيف من لا نفعله =غض معذبني من العام تعذيب
غض ملك روحي وقلبي خضعله =كما يخضعون الخدم للمعازيب
وده سعر في بسرة القلب شعله=نار الغرام وذوب الحال تذويب
هايف بقلبي لين قلبي هزعله =كما يهزع النود غصن النبانيب
ويومٍ تولع في غرامه وضعله =سم العذاب وجور نقمه وتاديب
يرعى غصون الروح همه وفعله =منه الضماير يابسات ومحاطيب
ليا هرج يحتار من يستمعله =يعطي عن الخافي مواجز باساليب
ويابعد نوهاته على من طلعله =أبعد عليه من النجوم المراقيب
قتال من هام بغرامه ركعله =ركعة خشوع بوقت اجابه وترهيب
الياشلع قلب المولع زرعله=الغام حرب يفجرن اللواعيب
الحر الاشقر لو بغاه وكسعله=دونه سريعات السهوم العواطيب
أشكي على اللي من تضايق فزعله =قرمٍ من اللي ينطحون المواجيب
جزاء ليا قام الفضاء يتسعله =وليا وقف عندي تهون المطاليب
أشكي عليك الحال من ماوقعله =حالي براه الهم يامركز الطيب
وراع الهوى لو كل طبن اجمعله=علاج طراد المها عسر وصعيب
كم واحدٍ جيب الدواء مانفعله =يمسي مثل ما اصبح مع الشك والريب
إلا ليا من الحبيب إلتذعله =بليلة فرح وابدى المحبه بترحيبالشاعر /عبيد علي المهيبيل


رد الشاعر جزاء صالح الحربي :


حي الجواب وحي من هو دفعله = اهلا هلا به مرحبا والتراحيب
بالشاعر اللي يوم شب الولع له = يشكي علي من غرام الخراعيب
قلبه الياهب الهوى ينهزعله = خص اليا شاف البنات الرعابيب
ويشكي هوى غرو فواده هرعله= هرعت قطامي(ن) شلع من مراقيب
ويقول قلبي ياجزاء ينجزعله = من حب شخص شيب الراس تشييب
والقلب من بين الضلوع اندفعله = ولو عذلوني مال قلبي مجانيب
حبه بقلبي والضمير انطبعله = من كنت انا وياه نجمع لعابيب
وانا مالوم عبيد من ما وقعله = وكنعان قبله ماصفتله مشاريب
البيض بالطيار يوم انخدعله = خذن جواده وفعلنبه تلاعيب
وهذا الهوى ياعبيد للي طمعله = راعيه دايم في ضميره مشاهيب
وقيس الملوح حبهن مانفعله = ماغير سون فيه بعض التجاريب
وياعبيد يوم ان الهوى ينطمعله= وانته وانا مابين عشق وتعاجيب
عشناه يوم ان الهوى ينتبعله = مع مترفات تنهب الروح تنهيب
واللي مضى ماظنتي ينرجعله = من يوم طاحت من ايدينا المقاضيب
وعبيد له بالحب رأي ربعله = والراي نوبن بالخطا ونوبن مصيب
لاشك انا محتار مما وقعله = ولافيه معبار نجي معه ونجيب
ليته وصفلي بأي دار نجعله = حتى على شانه نزود المناديب
يشكي ويقول القلب زاد الوجعله = وحنا عن صويحبك مانعلم الغيب
وياعبيد ما وضحت وين السنعله = خلك مع الاصحاب والا الاجانيب

[ابونادر]

صح لسانك يابو محمد على هالقصيدة الجزلة لاهنت

وصح لسان الشاعر جزاء صالح على الرد

وش نقول كلكم شعراء كبار مايحتاج كلام



تحيااااااااتي


..

[برق الوسم]

ياعيني عليك

ياابو محمد رائع ومبدع دائما

صح لسانك يالغالي لاهنت تقبل كل الووود برق الوسم

[آورنـس]

صح لسانك يا شاعرنا الكبير ..


قصيده رااائعه وفي منتهى الاعجـــــــاب ..



سجلني احد من معجبين بقصاائدكــ يالغلا..



صح لسانك وعلشاانكـ ..



وصح لسان الشاعر جزاء الحربي فهو غني عن التعريف ..



هنيئاً لمنتدانا ان يضم احد من شعرانا الكبار الشاعر : عبيد بن علي الحميداني ..




تحياااتي لكـــم ..

[ناشي الصخيني]

فحوووووووول شعر ماتبون منا شهاده ماعلينا الا نقول صحة السنتكم
خاااالي ابو محمد بيض الله وجهك والمبدع دائما مبدع وكذالك الشاعر
جزاء الحربي شعراء غنيين عن التعريف
بناخيك\------\الصخيني

[عزيز النفس]

الاخ ابونادر والاخ برق الوسم
الاخ اورنس البناخي ناشي الصخيني

اشكركم جزيل الشكر وتقبلو تحياتي وفائق حترامي

[الغنــاوي]

صح إلسانك يابومحمد...وصح إلسان جزاء الحربي
قمة الابداع من فحول الشعر
تحيااااااتي

[شبل الحمادين]

صح السانك يابومحمد ياشاعر القصيم ونتمنى المزيد



وتقبل مروري
شبل الحمادين

[عزيز النفس]

الغاوي



الله يحييك يالقرم ولاقصرت على مرورك




شبل الحمادين


ياحياك ياشبلنا .. وتسلم على المرور

[مهاجر الخلان]

عزيز النفس معودنا على القصيد الطيب ومساجله رووووووووووووووعه واحلى من الخيال ويعطيك العافيه

[عزيز النفس]

اخي العزيز مهاجرالخلان

اشكرك جزيل الشكرك على مرورك

تقبل تحياتي

[بقايا انسان]

بو محمد اسمحلي اقولك مافيك حيله وانتم اهرام شعر وشهادتنا فيكم مجرووووحه تقبل مروري

[عزيز النفس]

بقايا انسان

ياهلا وغلا ويعطيك العافيه

على مرورك ولك ودييييييييييييييييي