يلعــن أمــكـ ..!!

[حلا الحماديـن]

أول شئ ابيكم تعذروني على عنوان الموضوع ..

ماتلاحظون ان كلمه يلعن امك ... انتشرت انتشار غريب ومريب ... . وصارا لي يقولها عااادي

كانه قايل السلام عليكم .. والاغرب ان الي تـنـقال له راضي عااادي ... كيف وليش ...

بعض الشباب الحين بالعكس صارت عندهم يلعن امك مدحه ... مثلا يجي واحد يقول والله امس سويت كذا وسويت كذا ,,, يجي الثاني يلعن امك ياشيخ واذا قاله يلعن امك مددد الخشه شبرين كنه قايله ... شعر يمدحه ..
ولا بعض الشباب ... واحد يسال ثاني ... وش رايك بالدكتور الفلاني ... يقول يلعن اممممممممممه ...

=-=-=-=-=-=-=-=

طيب قولي وش دخل امه بالموضوع ... للاسف الشديد ان الكلمه هذي منتشره عندنا انتشار كثير

وتنقال ببساطه ولا كنه صار شي عااااااااادي وللاسف انها تقريبا اكثر كلمه تنقال هالايام ....

وكم واحد اسأله عن هالكلمه يقول صارت عادي هذا رد ابيخ من الفعل ...

مافيه شي تتعود عليه وانت تدري انه مو زين ولا تقدر تخليه ... بالعكس ... وش رآيكم آنتمـ ؟!!

[مهاجر الخلان]

والله انتس صادقه ياحلا ومعذوره على الموضوع لانه اختيار جميل لدخول الموضوع والاستفاده منه وجزاك الله خير ياختي تقبلي مروري تحياتي: مهاجر الخلان

[ابو عبدالله الحميداني]

نعوذبالله من غضبه واليم عقابه نعم ماقلتيه اختي حاصل وبكثرة عند شباب عقوا والديهم ان من الكبائر كما في الحديث ان يلعن المرء والديه قالوا كيف ذلك يارسول الله قال يسب ابا الرجل فيسب اباه ويسب امه فيسب امه فكانه ابتداء بسب والديه لانه كان السبب في ذلك نصحتي واجدت ولكن اين من يسمع ويعي
لقد اسمعت لو ناديت حيا ولكن لاحياة لمن تنادي
اللهم اهدنا واياهم يارب العالمين يا اسفي على ابناء الامة
شباب هم وضياع

[شقران]

بلعكس اختيارك للعنوان موفق اخت حلا

واسباب هذه الظاهره تهاون الأسرة ببعض الألفاض البذيئه

وبذكرلك قصه حدثت معي

جاني اخوي الصغير يستفسر عن كلمه قالها له ولد الجيران

(؟؟؟؟ امك)صدقيني ضربني العرق وخجلت ...

قمت افكر شقول له....

قلتله هذي كلمه وسخه(الله يكرمكم)مطلعها الشيطان

عشان يدخل الناس فالنار لأن الله مايسامح الي يقولها

وطبعن قمط وقام يكبس بعيونه ومشا.



ويعطيك العافيه

[جدتهم ومنقدتهم]

حلا الحمادين


والله ياوليدي نسئل الله العفو والعافيه ... وجزاء الوالدين على الجنه

اللعن ككل من المحرمات ومن اسباب الطرد من رحمة الله مير مزح والاغيره ...

هالعيال هالحين صار اسلوب السوالف بينهم باللعن والشتم والتحقير للبعض وماهو بس

العيال الادهى انه بعض البنات الله يهديهن يسوون نفسهم ..

ياعالم الدين معاامله :rose:...الدين اخلااق:wilted_rose: ..وغير كذا شلون الواحد او الوحده يرضى ان احد

يلعن احب الخلق عنده ..حتى لو بالمزح شلون اخلي احد يتجراء على اعز اثنين عندي ..:angry:

واللعن كله مكروه واشد الكلمات حرمه ..بس الله يهدي الجميع ..



حلا جزاتس الله خير ......دوتس ورده:rose:

[أمــ الورد ــيرة]

انا اللي يقولي كذا بقطع لسانه >>>عصبية هع

موضوع يستحق النقاش ,,,

والله يهدي الكل ,,,

يسلمووو يالغلا ,,,

أميــــــرة

[همام]

تنتشر بالأوساط الهمجية فقط

[ابو رنا]

موضوع هام ومفيد تسلم ايدك اختى حلا وجزاك الله خيرا

[دلوعة زماني]

مشكوره اختي 00

وانا عندي تعليق بسيط ان الواحد اذا مسك نفسه عن تجاوز الخطوط الحمراء في الفاظه سينجح

وان سمح لنفسه بقول القبيح البسيط سيفجر ويقول كلاما اقبح منه 00وسيستمر على ذلك00

فهل يرضى عاقل على دخول من يحب الى النار لان كل ملعون هو مطرود من رحمة الله ومن طرد من رحمة الله فمصيره الى النار00

[غنام العرافه]

حـــــــــــــلا الحمــــــــادين

موضوع رائع ويستحق النقاش وأنـــا أشكرك عليه وأدعوا الله أن يجعلها في

موازين حسناتك ، أخواني وأخواتي الواجب علينا أن نحذر أبنائنا من العن منذوا

الصغر حتى يبتعدوا عنها ويكبرون كلام طيب بعيد عن العن ، وأيضاً علينا أن

نوضح لمن يقول ويلفظ بالعن ، بأن العنه هي الطرد والابعاد عن رحمة الله ،

والله يوفق الجميع لما يحبه ويرضاه .

[حلا الحماديـن]

أخـوانــي .. وأخواتـــي ..

وكــل من شاركـ برأيــهـ ورد على موضوعي جزاكــم الله خيــر ..

وصــراحــهـ أنــا مستــانســهـ لان فيهـ تفاعــل ماقصرتوا كلكــم ..

تقبلوا مروري ..
حلا الحماديـن ..