الشمري دار دولابه

[حميداني وافتخر]

الشـمـري دار دولابــه
من غبَّه وطاح فـي غبَّـه
اليا اسْدَل الليـل جلبابـه
قامـت هجوسـه تَلاعبَّـه
عـزّاه والعيـن صبّـابـه
تغرف من الدمـع وتكبَّـه
باسباب من يكحل اهدابـه
واليا مشـى حَبَّـه بحَبَّـه
خوف الحِجَلْ يَجْرَح اكعابه
والردف كهـرب وكهربَّـه
حمر الثمر ضاقـت ثيابـه
يا ليتني في وَسَـطْ عبَّـه
اتلايمـه وَاتلـوّى بــه
وامْرِح على الصدر واللبَّه
ومبيسم(ن) خالط رْضَابـه
يَحْقن به الخمـر ويصبَّـه
لاوا هنـي مـن تمحلابـه
ياخذ مع الريق لـه حُبَّـه
ريح الشمطـري ويغذابـه
شِقْر(ن) من اللون مشربّه
وجدي على ريحـة ترابـه
وجد اللذي ما لقـوا طبَّـه
يالخالدي حيّ هـا اللابـه
خابـركْ محـزم ويكربَّـه
ضاقت يابو ضاري رحابه
اليا اشْمَـل الحـظ غربَّـه
راع الهوى ذابت اعصابـه
والنار بالجـوف مشتبَّـه
ما صابني بالهوى صابـه
من وين ما جـاه يضربَّـه
يا من يوقّف علـى بابـه
ويطوّح الصـوت وينبَّـه
يسأل عن الصدْ واسبابـه
يستحلفـه ربـي وربَّــه
هو ليه من قفّت ركابـه !!
ما عاد ينشد / وش السبَّه؟
السيف لا فـارق جرابـه
يَتْلى على الراس ويجبَّـه
امـا تجيبونـه نهـابـه
والا قـسـم لا اتحسـبَّـه

منقووووووووووول

[ابونادر]

صح لسان الشاعر الشمري على هالقصيدة الغزلية المفرطة

تسلم اخوي حميداني على النقل

والله يستر مايشوفها شيخنا ابو عبدالله ويحذفها


تحياتي

..

[حميداني وافتخر]

هلا اخوي ابو نادر

اشكرك على المرور انشالله القصيدة تعجب ابو عبدالله صحيح فيها كلمات قوية وجريئة

لكن وش اسوي ما اقدر ابتر قصيدة الشاعر . وعلى كل حال القصيدة رائعة