المساعد الشخصي الرقمي

مشاهدة النسخة كاملة : مشايخ فتاوي !


عزيز النفس
05/07/2008 - July 5th, 01:21 AM
هذه القصيده مسندها على الاخ برق الوسم



سلام مسك وخالطه عود جاوي = والذ من نقع الصفا غند صافيه
مني لبرق الوسم ريف الفداوي = شاعر يصوغ القاف باجمل معانيه
يومنها كثرت علي الشكاوي = عيني وقلبي كاثراتن شكاويه
عنزت لطيب كلامه يداوي = جرح بقلبي قافه العذب يشفيه
يابرق انا حالي من الهم ذاوي= اذواي نبتن لاهب الصيف مذويه
يلعبي الهاجوس لعب النداوي = الياقام يكسر بالخضيراء جناحيه
اجحد وانا امري يا بن عمي سماوي= جرحن لجا بالروح مبطي وكاميه
يفوق جرحه معطبات الاهاوي = اغرب حدث يصعب على النفس تبديه
اخاف من هرجة ضعوف الهقاوي = شذابت الغافل الياحل طاريه
يغيب فكري مع زمان الهواوي = بين الرجاء والياس تكثر مساعيه
امشي وانا مع الناس كني خلاوي = ماشعر بهرج الناس لو اني اوحيه
الموت عندي والحياه امتساوي = جسمن بليا روح والهم باريه
لولا الحياء لا اصيح صيحة مضاوي= في ماقفن ماكان غالي رخص فيه
عود القناء يسبق سهومه عزاوي=ياقل من ربي من الشلف يذريه
على هنوف في غلاها رجاوي = متمكنن بالقلب شيد مبانيه
حرم عليه من مشايخ فتاوي = في حال صعب وحال عندي وناسيه
ابونادر
05/07/2008 - July 5th, 02:28 AM
ياسلام صح لسانك مليووووووووون يابو محمد على هالرائعة

قصيدة جزلة من شاعر جزل موجهة لشاعر جزل ايضا

لكن اللي اعرفه انك خليت الغزل وش رجغك له

تشرط لي والا اعلم الربع ..

هههههههه


تحيااااااتي

.
ريوف
05/07/2008 - July 5th, 01:04 PM
ابونادر الفتنه اشدمن القتل


ابدعت سيدي وهذا مايدل علي شخصك


الراقي
ابـــوحـــــور
05/07/2008 - July 5th, 07:24 PM
صح لسانك اخوي بومحمد وننتضر شاعرنا برق الوسم يرد
الغنــاوي
05/07/2008 - July 5th, 07:41 PM
صح إلسانك يابومحمد
وانت لاتغزلت صحيت اهل القلوب الخضر
وننتظر مجارات برق الوسم
تحيااااااتي
جدتهم ومنقدتهم
05/07/2008 - July 5th, 08:30 PM
الموت عنـدي والحيـاه امتسـاوي
جسمـن بليـا روح والهـم باريـه
لولا الحياء لا اصيح صيحة مضاوي
في ماقفن ماكان غالي رخـص فيـه


الله الله


صح لسانك ياعزيز النفس ..على هذه الرائعه الشعريه

الحقيقه وصف ينم عن مقدره شعريه عظيمه

وفقك الله وادام نعمته عليك ,,,



ووودووك ورده:rose:
برق الوسم
05/07/2008 - July 5th, 09:40 PM
السلام عليكم ورحمة الله وبركاته

اخي الكريم والغالي ابو محمد


اولا صح لسانك عدد مافي هذه القصيده من حرووف وتاملات

ووجدانيات واحاسيس ومشاعر راقيه وعذبه وجميله جداا يعجز قلمي

عن وصفها ومنحها ماتستحق من الاشاده 00 وانت من الشعراء البارزين

والمعرووفين ومجاراتك اكيد شرف لاخوك الصغير برق الوسم 00 ويضعها وسام 000

ولاكـــــــن
7
7

يؤسفني اعتذاري عن عدم الرد 00 ومجارات القصيده

وليس تقليل من شانك 0 ولامن شان القصيده يابعد راسي ولاكن كما تعلم

ويعلم الجميع لخرووجي من منتديات الحمادين وعدم العوده لها 0000 تحقيقا

للرغبه00 فاالتمس منك العذر الاخووي دمت بكل السعاده والمسرااااااات

عذرا على المشاركه من الجميع
برق الوســــــــــــــم
ابونادر
05/07/2008 - July 5th, 10:54 PM
وش هالكلام يابروووووووووووق

ترد على الموضوع ولاترد على القصيدة .. ذا كلام ياعبدالمعطي

لازم ترد على قصيدة ابو محمد غصبا عليك

هههههههه

يالله بس حكحك لنا قصيدة من اللي انا خابر
عزيز النفس
06/07/2008 - July 6th, 02:18 AM
ابونادر


حياك الله يالغالي

واشكرلك مرورك الكريم .. وبعدين ما اهون عليك تعلم علي هههههههههههه
عزيز النفس
06/07/2008 - July 6th, 02:22 AM
ريوف


الله يحييك وياهلابك

.. وشاكر لك مرورك .. وتوسطي لنا عند ابونادر يفكنا من الفتنه ههههههه
عزيز النفس
06/07/2008 - July 6th, 02:23 AM
ابوحور


ياهلابك يامديرنا الغالي ..

نور الموضوع بمرورك الكريم.
عزيز النفس
06/07/2008 - July 6th, 02:24 AM
الغناوي


الله يحييك يالغالي

ولك كل الود على مرورك العذب.
عزيز النفس
06/07/2008 - July 6th, 02:29 AM
جدتهم ومنقدتهم


ياهلا وغلا ياجدتنا ومرورك يسعدني


والله يعطيك العافيه ويسعدك
عزيز النفس
06/07/2008 - July 6th, 02:35 AM
برق الوسم

الله يحييك ياشاعرنا الجزل واخونا الغالي .. اسعدني جدا مرورك

وانت تعرف مكانتك عندي .. وسندت القصيده عليك لانك تستاهل

وانتظر مجاراتك وماراح اعذرك والاسباب اللي قلتها ماتمنعك من المجاراه .. انت من اهل

المنتدى واختلاف الراي لايفسد للود قضيه .

تراي انتظرك وماراح اعذرك اللي خلاك تمر وتعلق يخليك تجي وتجاري القصيده

ولك فائق الاحترام .
برق الوسم
06/07/2008 - July 6th, 02:42 AM
اخووي الغالي انا قلت لك السبب

والسبب وجيه وانا علقت عشان اقولك واخليك على بينه

وسفهتك موب زينه وانت اجبرتني على التعليق واكراما لك علقت

اما انا من اهل المنتدى لا لست من اهل المنتدى عضو كان هنا واعتذر

مثله مثل غيره 000 وانا اذا جاريتك اجبرت على الردود وانا مابي ارد 000

ولاابي اشارك الا بالحد الاقصى للضروره 00 دمت ودام ابداعك وحصورك المهيب

برعاية الله برق الوســـــــــــــــــــــــــــــــــم
شقران
06/07/2008 - July 6th, 04:01 PM
صح السانك ياعزيز النفس

وصح السانك مقدمن يابرق الوسم


ابونادر وجميع الذين مرو على القصيده لكم احترامي

القصيده ليست غزليه

والقصيده فيها معاني مدفونه دفن عميق جدا

الحقيقه اجاد الشاعر حبكته

وبانتظار الشاعر الكبير برق الوسم
ابونادر
06/07/2008 - July 6th, 05:26 PM
اخوي شقران

انتم شعراء اكيد ابخص منا

لكن كيف تقنعنا ان القصيدة ماهي غزلية وفيها هذين البيتين ..



على هنوف فـي غلاهـا رجـاوي= متمكنـن بالقلـب شـيـد مبانـيـه
حـرم عليـه مـن مشايـخ فتـاوي=في حال صعب وحال عندي وناسيـه


تحياااااتي
شقران
06/07/2008 - July 6th, 08:51 PM
اخوي شقران

انتم شعراء اكيد ابخص منا

لكن كيف تقنعنا ان القصيدة ماهي غزلية وفيها هذين البيتين ..



على هنوف فـي غلاهـا رجـاوي= متمكنـن بالقلـب شـيـد مبانـيـه
حـرم عليـه مـن مشايـخ فتـاوي=في حال صعب وحال عندي وناسيـه


تحياااااتي

يابو نادر هذي اوضح بيتين في القصيده

تدل على انها ليست غزليه

واسمحلي ما قدر اوضح زياده

وارجع للصاحب القصيده
ابونادر
06/07/2008 - July 6th, 10:12 PM
والله ياأخ شقران انا قلبي خضر اول مايطري علي الغزل
يجوز اني ماقريت القصيدة بشكل كافي .
شقران
07/07/2008 - July 7th, 12:32 AM
يابو قلب خضر


وش رايك بوصفي لك بأسئلة ريوف ماعلقت حوله ولا من جنبها