الدويله
22/03/2005 - March 22nd, 01:23 AM
يقول صحن بن قويعان مسندها على غنيم بن ضيف الله بن رويل
ياغنيم ليتك تكلف توصل كتابي=إلا إن مقبل ليا راح يتحفوا به
يوصل سلامي عشيرٍ حضّب حضابي=خلاني أسهر منامي ماتهنا به
عليه قلبي بهم وغم وحسابي=عز الله إنه عذاب القلب وأسبابه
لولا خطايا العرب ماجن الأنشابي=ورع العرب كيف أخذ قلبي وعيّا به
ليته من القوم .. من ناحين الأجنابي=أغدي القبيلة ليا عيّا تحامابه
رد غنيم بن ضيف الله بن رويل
في لازمك ياصحن حاضر ومحزابي=من حط معروف حق إنه يجازابه
باكر على خير بـِ (البنتيك) ركابي=يمسي عشيرك ويصبح تضحك انيابه
يطلب .. ونعطيه مال بغير حسّابي= نرضي عشيرك .. وأبوه .. ونرضي أقرابه
وإن كان ماطاع ،،،، والله لنهم أقرابي=لين الدويله يفكونه من أنشابه
ربعٍ على ثورة البارود درابي=ماهم عن اللازمات العوج هيّابه
وربعٍ ليا صار بأتلى الجيش ضبضابي=تسمع (علي) قفوهن كل تعزوا به
من حال من دونها ... عنه السعد غابي=كم واحدٍ قد رموه وضاعت أطبابه
البنتيك = يقصد بها البونتياك نوع سياره
ياغنيم ليتك تكلف توصل كتابي=إلا إن مقبل ليا راح يتحفوا به
يوصل سلامي عشيرٍ حضّب حضابي=خلاني أسهر منامي ماتهنا به
عليه قلبي بهم وغم وحسابي=عز الله إنه عذاب القلب وأسبابه
لولا خطايا العرب ماجن الأنشابي=ورع العرب كيف أخذ قلبي وعيّا به
ليته من القوم .. من ناحين الأجنابي=أغدي القبيلة ليا عيّا تحامابه
رد غنيم بن ضيف الله بن رويل
في لازمك ياصحن حاضر ومحزابي=من حط معروف حق إنه يجازابه
باكر على خير بـِ (البنتيك) ركابي=يمسي عشيرك ويصبح تضحك انيابه
يطلب .. ونعطيه مال بغير حسّابي= نرضي عشيرك .. وأبوه .. ونرضي أقرابه
وإن كان ماطاع ،،،، والله لنهم أقرابي=لين الدويله يفكونه من أنشابه
ربعٍ على ثورة البارود درابي=ماهم عن اللازمات العوج هيّابه
وربعٍ ليا صار بأتلى الجيش ضبضابي=تسمع (علي) قفوهن كل تعزوا به
من حال من دونها ... عنه السعد غابي=كم واحدٍ قد رموه وضاعت أطبابه
البنتيك = يقصد بها البونتياك نوع سياره