قصيده في زواج الأخ,,سطام بن علي بن سالم القصيم

:embarassed:[poem=font="Simplified Arabic,5,black,normal,normal" bkcolor="transparent" bkimage="backgrounds/18.gif" border="solid,2,gray" type=1 line=0 align=center use=ex num="0,black"]



بأسم الآله المعتلي رب الأكوان=الواحد الي عالم" بالسريره
من يوم لاح البرق في غر الأمزان=يالله عسى بالأمر خير" وخيره
القاف جاهز للمعاني والألحان=من شاعر نبع الوفا يستثيره
يسوقه الدافع من إحساس وجدان=للي لهم بالطيب والجود سيره
سلام يارمز الوفا ياكحيلان=يانادر" بالطيب عقله شويره
قرم" تسلل من سلالات شجعان=حر" يبشر بالسعد في مطيره
شيال عسرات الحموله بليهان=بالراي راع المعرفه يستشيره
علي ولد سالم على العز والشان=له صفحة" بالمجد دايم نويره
له ماقف" يشرى بغالية الأثمان=لا يابعد راع اليدين القصيره
للاش لاش ووقته الشين لو زان=مع دورة الأيام يعرف مصيره
وإلا أنت للطاله ولا الطيب عنوان=ولك في مجال الطيب دوره وديره
ربعك هل الفزعات من ماض الأزمان=منهم جموع القوم راحت كسيره
قصمان لاركبوعلى الخيل فرسان=بالشلف والا بالسيوف الشطيره
عدوهم مكسور من غير حقران=كسر" بيبطي مايلاقي جبيره
من جاء يبيهم تالي الليل طمعان=يروح حبا" بالرحا المستديره
تشهد لهم صم الرمك يوم الأكوان=وتشهد لهم بالطيب شبه الجزيره
ياما أكسبوا بالكون حلوات الألبان=وياما رمو روس" بالأسماء شهيره
خوال أبوي مرجحت كل ميزان=يعني خوالي هم كعام المغيره
ومبروك ياسطام ياطير حوران=عسى السعد فالك ولافيه غيره
وأنا ماقول إلا مثل قول راكان=مثل ومن راع المثل نستعيره
ماقل دل وزبدة الهرج نيشان=والهرج يكفي صامله عن كثيره[/poem]
[align=center]
الشاعر,,,,ناشي بن محمد الصخيني[/align]

والف نعم يستاهل والله ابو سطام المدح والعلم الغانم

صح لسانك يالصخيني وبيض الله وجهك

على هذه القصيدة الجزلة لاهنت


تقبل تحيااااتي

















..

اخوي ناشي الله يبيض وجهك على القصيده الجزله من شاعر جزل وبوسطام يستاهل

البناخي صح لسانك وبيض الله وجهك على هالقصيده الجزله ومايجي منك الا الجزل

وسطام وابو سطام يستاهلون

[align=center]أبو نادر
أبو حوور
أبو غزوى
صحة أبدانكم وطول الله عماركم ومشكورين على المرور[/align]

صح لسانك يالبناخي على القصيده الجزله

وتقبل مروري المتواضع


تحياتي

صح لسانك

ويعطيك العافيه

مشكووووووووووووووووووووور اخوي ناشي الصخيني وصح لسانك! على القصيده الجزلة في العم علي بن سالم القصيم وابنه الشاب سطام علي القصيم تقبل مروري

[align=center]البناخي الشاعر ناشي الصخيني بيض الله وجهك

وماقصرت يالغالي وافي ومن ناس وافين

،،،،،،،

رساله من والدي علي بن سالم القصيم

يقول بيض الله وجيه الدويله وأمرائهم الذين حضرو حفلنا وشرفونا أمام ضيوفنا

وماقصرو وهم أهل المواقف الطيبه والمشرفه أمام الجميع

كما أنه بتمنى لمنتديات الحمادين النجاح والأخوه الصادقه ورفع أسم قبيلة الحمادين عالياً :

أخوكم علي بن سالم الحميداني

_______________________________________


أشكر كل من رد على هذه القصيده وأشاد بوالدي وأخي سطام وبالحفل بيض الله وجيهكم جميعاً

عمي الغالي أبو نادر بيض الله وجهك ومآعليك زود

أخوي الغالي أبو حور بيض الله وجهك ومآقصرت

أخوي أبو غزوى بيض اله وجهك وآفي يابو غزوى

أخوي محسن القصيم كفوك الطيب وماقصرت يالغالي

أختي ريوف مشكوره والله يعطيك العافيه

أخوي عاصم بن بدر مشكور يالغالي لآ خلا ولا عدم


وصح لسانك يالصخيني ملآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آين


أخوك / رائد بن علي القصيم[/align]

مبروك مبروك والله يوافقه

ويستاهل المدح أبو سطام ..


أخوي الله لا يهينك القصيم هذا حمداني ولا ايش


تقبل مروري


أخوك هشام الظويفري

يســتاهل المدح أبو سطام علومه طيبه وهو ملفاء الجماعة بالرياض يوم الامور شحاح . ومشهودله بذلك أستقبال رحب وكرم ولين جناب

ولاهي بغريبه عليه القصيم المرجله هو من أهلها ويفعلها

وبيض الله وجهك يالصخيني على هالقصيدة الجزلة خوالك كفؤ تشهد لهم مواقفهم وأفعالهم ومجدهم وفروسيتهم والله لايخلينا من أحفادهم ويبقيهم لنا ذخرا وفخرا ..

لكم مني أطيب التحايا

صح ااااالله لسااااااااااااااانك يالصخيني ولاهنت على هالقصيدة الجزلة

ويستاااااااااهل سطام كل خير

اخوكـم : ابن ربضان

ابن ربضان الحميداني مشكورعلى الرد