الفارس فاضي القصيم ياخذ بثار الشيخ نايف بن بصيص

غزت قبيلة شمر بقيادة عبدالعزيز بن رشيد على الصعران من مطير وعند وصول جيش بن رشيد تلاقوا مع الصعران وكان الصعران في وقتها شادين (مرتحلين) ثم حصلت معركه بين شمر والصعران

وكان الصعران يقاتلون ابن رشيد ثم يتراجعون ويلحقون الضعينه
(والضعينه هي الابل اللتي تحمل بيوت الشعر وجميع اغراضهم )

وكان مع شمر في تلك المعركه الفارس فرج المسندي ،


ويقول فاضي القصيم اقبل علينا المسندي ثم نطحه(تقدم له) نايف بن هذال

وقال فاضي انا اقدر اذبحه بس نايف سبقني عليه وجاء بيني وبينه

وقلت بيني وبين نفسي(والكلام لفاضي القصيم ) نايف يقدر يذبحه واذا ذبحه ابي استحذيه البندق
(يقصد انه سيطلب من نايف ان يعطيه بندق المسندي بعد قتله)

ولكن حصل العكس حيث قام المسندي (برمي) نايف بن هذال وارداه قتيلا

ويقول فاضي وانا اتقدم عليه بسرعه (يقصد المسندي) وانا ارميه بالبندق ولاهو جنب نايف ثم قلت لعيونك يانايف وقال نايف (وهو في اخر رمقه) بعدي ولد ابوي بس ماهي نافعه
(يقصد بكلمة ماهي نافعه انه سيموت ولن ينفعه قتل المسندي بشئ)

وهذه هي قصة قتل المسندي من شمر .





ملاحظة
تم تعديل القصه بناءا على طلب بعض الاخوان وما بين الاقواس هو توضيح بعض المصطلحات البدويه للاخوان الحضر.






وتقبلوا تحياتي

مشكوور يالراوي على القصه الجميله\----\الله يعطيك العافيه ماقصرت

اخوي الراوي الموضوع غير دقيق يجب اتأكد من مصادرك

مشكور يالراوي وابو حور ارجو منك التاكد بالموضوع وانا معك بعد وماقصر اخوي الراوي

[align=center]السلام عليكم الموضوع غير دقيق واتمنى منك اخوي الراوي التقاط كلمات جيده لمواضيعك واتمنى منك ان تتكلم باللغه العربيه وانت تسرد قصص اجدادنا[/align]

مساكم الله بالخير
الراوي وضح اكثر وانا مع الاخوان تكلم بلهجه زي الناس

اقتباس:

---

المشاركة الأصلية كتبت بواسطة الحميداني المميز

مشكوور يالراوي على القصه الجميله\----\الله يعطيك العافيه ماقصرت

---

اخوي المميز شرفني مرورك وحياك الله

اقتباس:

---

المشاركة الأصلية كتبت بواسطة ابـــوحـــــور

اخوي الراوي الموضوع غير دقيق يجب اتأكد من مصادرك

---

اقتباس:

---

المشاركة الأصلية كتبت بواسطة ابو غزوى

مشكور يالراوي وابو حور ارجو منك التاكد بالموضوع وانا معك بعد وماقصر اخوي الراوي

---

الاخوان ابو حور وابو غزوى

شرفني مروركم

واذا كان هناك تصحيح او توضيح او اضافة شئ لهذه القصه اود منكم التكرم بايرادها مشكورين

اقتباس:

---

المشاركة الأصلية كتبت بواسطة القصّيـم

مساكم الله بالخير
الراوي وضح اكثر وانا مع الاخوان تكلم بلهجه زي الناس

---

ارجو انتقاء ردودك

لو كان فاضي جدك .... ماكان هذا ردك

مابين الاقواس لك مع التحيه

اقتباس:

---

المشاركة الأصلية كتبت بواسطة ابن هرمول

[align=center]السلام عليكم الموضوع غير دقيق واتمنى منك اخوي الراوي التقاط كلمات جيده لمواضيعك واتمنى منك ان تتكلم باللغه العربيه وانت تسرد قصص اجدادنا[/align]

---

اخوي بن هرمول
باستطاعتي ان اكتب لغة عربية فصحى ولكن تعمدت الكتابه باللهجة الدارجه لان اكثر القراء يستمتعون بذلك ولايصال المعلومه لاكبر قدر ممكن
ومن يتحدث في المجالس لن يتحدث باللغة العربية بل يتحدث بالعاميه وحبيت اعتياد الجميع على ذلك ،

وبالنسبه للموضوع وانتقادك فانني اود ان توضح وتفيدني بما هو غير دقيق فيه مع الشكر

يعطيك العافيه


وماقصرت وانشهد انك رجاااااااااااااااااااااااال ولد رجااااااااااااال

الراوي مشكور على جهودك ماقصرت
وانت اضافه للمنتدى

[movet=down]مشكور على الموضوع المميز الف شكر


تسلم ايديك[/movet]

[align=center] الراوي

تسلم ويعيطك العافيه على النقل والطرح الرائع دمت وابدعت.[/align]

اقتباس:

---

المشاركة الأصلية كتبت بواسطة ريوف

يعطيك العافيه


وماقصرت وانشهد انك رجاااااااااااااااااااااااال ولد رجااااااااااااال

---

هلا والله وغلا باخت الرجال ريوف,,, واسعدني مرورك,,,

وابشري بعزك وانا اخوك,,,

اقتباس:

---

المشاركة الأصلية كتبت بواسطة الحمــ بو هـجيـر ــيداني

الراوي مشكور على جهودك ماقصرت
وانت اضافه للمنتدى

---

يامرحبا فيك اخوي ابو هجير وما قمنا
فيه واجب علينا جميعا وابائنا واجدادنا
رحمة الله عليهم يستاهلون اكثر من ذلك

واسعدني مرورك يالغالي

اقتباس:

---

المشاركة الأصلية كتبت بواسطة 乂كـ‘,ـ‘,ـاكـ‘,ـ‘,ـا乂

[movet=down]مشكور على الموضوع المميز الف شكر


تسلم ايديك[/movet]

---

الله يسلمك اخوي وحياك الله

وشكرا على المرور

اقتباس:

---

المشاركة الأصلية كتبت بواسطة غنام العرافه

[align=center] الراوي

تسلم ويعيطك العافيه على النقل والطرح الرائع دمت وابدعت.[/align]

---

الله يعافيك اخوي غنام ,,,الغالي,,,

اسعدني مرورك واشكرك على هذا الاطراء وماعليك زود ياشاعر العرايف المميز,,,

ولك خالص تحياتي,,,

اخوي الراوي بيض الله وجهك وعلى العموم ماقصرت وارجو من الاخوان التكلم بااسلوب

لبق وكذلك الردوود ودمتم سالمين ومشكور الراوي على جهودك ياغالي

مـــــــــــــــــعــــــــــــــــــــــك فـــــــــــــــــلاح بـــــــــن مـــــ
ـــــبـــــــــرد :rose::rose:

الاخ الراوى اعجبنى اسلوبك الراقى ولك منى جزيل الشكر وتاكد من لم يعجبه اسلوبك هذا لان الشخص الذى ينتقد اسلوبك لا يملك الاسلوب الراقى مثلك 00000000

مشكووووووووووووووووووووووووووو

والله كفوا ومهي غريبها علي الحمادين