اذا المراجل لبس شماغ وعقال قل للعذارى يلبسنَ العمايم .....

حبيت أنقل لكم قصيده عن حال الشباب اليوم وأتمنى تعجبكم




إذا المراجل لبسة شماغ وعقال .......... قل للعذارى يلبسنّ العمايم


ما عاد يفرق زول حرمه ورجال ..... دام الفعايل تشبه البعض دايم


المرجله ما هيب كلمه وتنقال ...... وتروح ما راحت هبوب النسايم


وإلا خشونة صوت أو رفع الأثقال .......... أو رزة صدور وفعل الزلايم


ولا هي بعد مفتاح موتر وجوال .......... وإلا ردى لسانن حديثه شتايم


المرجله شيمه عن القيل والقال .......... رفيع نفس (ن ) حر بالجو حايم


المرجله عقلٍ وزن وزنه جبال .......... ودون العقل وش فرقنا والبهايم


يا مسندي لو مايل الوقت بي مال .......... يا ولد أبوي يا عظيم العزايم


يا معرب الجدين من العم والخال .......... يا نخوة المفزوع وقت الهزايم


المرجله يا خوي هي طولة البال .......... هي العزم هي الصبر فالظلايم


فيها الكرم عزه دله وفنجال .......... فيها الكرامه عن ردى الطبع شايم


والدين لامنه خذا القلب منزال .......... مشى طريق الحق وابليس نايم


ومن لا عرف ربه في طيب الحال .......... لابد وقت الضيق بالهم هايم


حتى صلاتك مع جماعات ورجال .......... في خيرها يا خوي نعم الغنايم


ولامن نصف ليلك قم صفي البال .......... يا عظم أجرك بين ساجد وقايم


ولا من رفع ربي له كل الأعمال .......... حسن الذكر لا قالو فلان صايم


وخلك شريف القصد يا طيب الفال .......... سوء المقاصد فالبيوت الهدايم


واحذر تبيع النفس في درب الأنذال .......... وتتبع خوي إبليس راع النمايم


النفس خيل لك إذا كنت خيّال .......... ومن لا قوى نفسه قوته الهزايم


ولا صرت ما تدري لو يش أنت رجال .......... والله خسارة فيك ذبح التمايم


(( اسفـــــــــــــــين ع الاطـــــــــــــالـــــه ))

منقوووول

دمتي ودام ابداعك

لله دررررررررررررررررررررررررررررررررررررررررررررررررررررررررررررك

مليون مرره




المرجله شيمه عن القيل والقال .......... رفيع نفس (ن ) حر بالجو حايم


الله يعطيك العافيه على النقل الاكثر من رائع

تقبلي مروري وتقديري ( ذيب الجزيرة )

صح لسانك
والله يعطيك العافيه

(( ريووووووف _ ذيب الجزيره _ عين القصيم ))

يسلموؤووؤوؤووؤووؤ ع المروووور نورت الصفحه بردوووووووودكمـ

صح أختيارك أختي بنت الحمادين

وصح لسان شاعرها

تقبلي مروري


اخوك هشام الظويفري

تسلم يمينك على هالنقل المميز

وصح لسان شاعر القصيدة

لذي نتمنى معرفة اسمه


تحياااتي






..

يسلموؤوؤووؤو ع المرووور (( هشام الظويفري _ ابو نادر ))

صـــح اللهـ بدنــــكمـ اخوووووي ابو نادرللاسف ولا انا اعرف مين شاعرها ...

اختــــكمـ ::

(( بنـــ الحمادين ـــت ))