تقـدم الدنيـا لنـا درس ٍ جديـد بـكـل يــوم

من اجمل القصائد التي قراتها



التجربـه

تقـدم الدنيـا لنـا درس ٍ جديـد بـكـل يــوم
والناس تسلم من غثا الدنيـا بحفـظ دروسهـا !!

وعلى حسب حفـظ المواجيـب وتعاليـم السلـوم
نعـرف مقاسـات البشـر بالمرجلـه ونقوسهـا

صيت الرجال الوافيّـه بأفعالهـا .. ولا ّ الرخـوم
ينبيـك عنهـا : قـل نفعتهـا وشيـن نفوسهـا

تطرد ورى الدنيـا وتكشـخ بالمواتـر والهـدوم
مثل ( الحريم ) أغلب دراهمهـا علـى ملبوسهـا

والإمعـه والشايـب الكـذّاب وضعيـف العـزوم
ناس ٍ مع العالم بـلا هيبـه تدربـي روسهـا !!

والبخل : خلاّنـه بهايـم !! لا تسـام ولا تسـوم
لا شفتها ترفـع يـدك حمـد وشكـر وتبوسهـا

على الصحن هم أول الجلاّس وآخـر مـن يقـوم
يعيّفـك حلـو الاكـل والشـرب طـول جلوسهـا

ماهيـب للـلازم سنـد ولا ذخـر عنـد اللـزوم
تمـوت ماسـرّك مهايطهـا وكـثـر فلوسـهـا

وسوالف الخبلان .. رفعة ضغط وصداع وهمـوم
فـلاوة ٍ تخطّـف علـوم الـعـرب وتحوسـهـا

واجب عليك إليا حكت عن جملـة حكاهـا تشـوم
الهند مـا يـرأس حكومتهـا سـوى هندوسهـا

وربع المصالـح والمجامـل خـوة ٍ ماهيـب دوم
اقولهـا والتجربـه قطـع وريــدي موسـهـا

وقت الرخا .. مثل الصقور اللي على المرقب تحوم
فيّ ٍ يـذّري ساقـك الرمضـا وحـر ّ شموسهـا

وإليا احتمت صكّات بقعا وامست علومـك علـوم
اتلـوّي خششهـا وتجحـد خوّتـك وتدوسـهـا

من عقب ما انت الطيّب وقدرك معـزّز ومحشـوم
تصيـر اردى مـا خلـق ربـي ودم ضروسهـا

أبعد عن الأشكال ذي .. بعد الثرى عـن النجـوم
وش حاجتك في قرب رديـان العـرب ونجوسهـا

ماهوب عيب إليا عزموك تقول يالربع .. معزوم !
العيـب : لارحـت لعزايمهـا وجيـت عروسهـا


وخلّـك فطيـن تعلّمـك دنيـاك درس بكـل يـوم
والرجل يسلم من غثا الدنيـا بحفـظ دروسهـا !!

الشاعر :محمد جارالله السهلي

صيت الرجال الوافيّـه بأفعالهـا .. ولا ّ الرخـوم
ينبيـك عنهـا : قـل نفعتهـا وشيـن نفوسهـا


صح لسانك يا اخ جيفــــارااااااا على القصيده الرائعه


تحياااااااااااااااااااتي

[align=center]http://www.animaatjes.nl/plaatjes/t/...hankyou4mz.gif[/align]



[align=center]طبت وطاب اختيارك[/align]

مطيري / ريوف
اسعدني مروركم
الله لايهينكم
مشــــــــــــــــــــــــــــــكورين

[align=center]جيفاراا

الله يعافيك وتسلم على النقل والاختيار الرائع وصح لسان الشاعر :محمد جارالله السهلي ، تقبل مروري وودي.
[/align]

تسلم يدين من نقل وتسلم ايدين من كتب

اخوي غنام اسعدني مرورك ماقصرت


اخوي ضياء الله يسلمك ويسلمي مرورك

مشــــــــــــــــــــــــــــــــــــــكورين

مشكور اخوي على الموضوع المميز