خيانه و حزن و حب

[align=center]خنتني

خنتني ماهو غريب انك تخون
الغريب انك معي تبقى وفي
كنت أكذب ألين شفتك بالعيون
في هوا غيري عشيق تحتفي
لاتقول أشكوك عندي أوظنون
خافقي من كذبة أحلامك شفي
ابتعد عني يكون اللي يكون
آخر الشمعة تذوب وتنظفي
أمس غير اليوم ياهاوي الجنون
شمس حبك عن عيوني تختفي
وفر الدمعه ترى مثلك يهون
عافك الخاطر عرفت المختفي



دمعة حــــزن

بعد الفراق وبعد هجـرً ونسيـان
وبعد الالم والجرح زايـد ونينـه
جتني ودمعة عينها فوق الاوجان
دمعه حزن تنهل من موق عينـه
جتني تأسف عن صدودٍ وهجران
وحسرات صده باينه في جبينـه
بعد طعون الوقت تتأسـف الآن
وتقول قلبك لوعته فـي حنينـه
طعنت قلبً ماعرف يكره انسان
والجـرح زوّد فالتهابـه سنينـه
انت سبب حزنك ودمعتك برهان
ذكرتني بجـروح قلـبٍ دفينـه
ياللي تقول الحب ماهو بحقـران
صدق المشاعر للمحبيـن وينـه
ياما سهرت الليل هايم وولهـان
ومن شان عينك قلت تكرم مدينه
وقلب المحبه ضخ حبك بشريـان
ونبضات قلبي في هواكم رهينـه
ويامازرعت الود في داخلي بـان
واليوم صدر الحب بيّـح كنينـه
جفت ينابيع الغلا وسـط بستـان
وزهور حبي من سببكم حزينـه
مات الوفا مدفون في قبر الاحزان
ودمعات حزني في عيوني سجينه
من جرحكم معاد للحـب عنـوان
عفنا دروب الحب زينه وشينـه







[align=center]سيد كل المزايين[/align]


يا محيي حروف القصايد بساتين !!
من نفحة أنفاسك ولمسة يدينك !!
هيضتني .. يا سيد كل المزايين
في مبسمك ..... ولا بطلة جبينك !!
وقهويتني فنجال حبك من سنين
( والله على الفنجال ... تسلم يمينك !! )
وصلتني والشوق دون البراهين
واضح وما يحتاج بيني وبينك !!
مشاهدك بسمه ولو خاطري شين
بالذات لا من بيّنت وردتينك !!
تدري متاي أندم على رمشة العين !؟
لا صرت قدامي وعيني بعينك !!
أخاف لا تمشي ولا أدري على وين ؟
في ردة رموشي على شوف زينك !!
ويضيع وقتي عنك يا كامل الزين
وأخسر من عيونك مشاهد حنينك !!
لا تلومني .. والوقت سمّ المحبين !!
مهما تقدم فيه .. ؟ ما سدّ دينك !!
هذا أنت عندي مير بكره .. وبعدين ؟
والله مدري وين قلبي ووينك !!
من غبت حطيت ( الهوى ) بين قوسين !!
لا من ضمنت القلب مضمن سنينك !! [/align]

سلامتكم[/align]

يعطيك العافيه














لك جل احترااااااااااااااامي

دمت ودام ابداعك