قصيده بالشيخ..فيصل بن متعب بن سقيان

[align=center]هذه القصيده مهداه للشيخ,,,,فيصل بن متعب بن سقيان[/align]


[poem=font="simplified arabic,5,black,normal,normal" bkcolor="transparent" bkimage="backgrounds/39.gif" border="solid,2,deeppink" type=0 line=0 align=center use=ex num="0,black"]
يالله ياللي عالم" غيب الأسرار=ياواحد" رزق الخلايق بيده
إنك تنجينا عذابك من النار=وتجيرنا يوم" عسير" مشده
من بعدها ياراكب" فوق فكسار=سكبه وراع الصنف له فيه لده
فكسار ياباني بتصميم بيطار=إليا عطى له سهلة" مجرهده
توه جديد وقيمته غالي الأسعار=ولا ياصله راع الفقر والمكده
إليا ضرب له سهلة" مابها قار=تقول حر" منصرم في مهده
أركب عليه ولاتهوجس وتحتار=نصه لشيخ" مارد الطيب عده
منصاه يم مليح وافين الأشبار=شيخ" معرب يم خاله وجده
فيصل ولد متعب ليا صار ماصار=له هقوتن تبعد ورى الطيب شده
مني سلام" عد ماطاير" طار=ياسايقه بالله للشيخ وده
شيخ" ولد شيخ" ومن ماكر أحرار=يوم إن شيخة بعض هالخلق مده
ياشيخ ينصونك طحاطيح وكبار=والي نصاك بلازمه ماترده
والعود الأزرق والمباهير تندار=يوم إن ولد اللاش طيبه بنده
لك ماقف" يشرى بغالية الأسعار=وكل ماقف" عسر" تراك أنت قده
أبن الحمايل مكرم الضيف والجار=وفي لازمي ناصيك وأنته مسده
نسل الشيوخ الي لهم فالبلد كار=وأبوك متعب مانسيته وأعده
حر" وفيه تقال زينات الأشعار =مزبان من ضده من الوقت ضده
ستر العذارى من قديمات الأعصار=قرم" على الفزعات في كل شده
أبوك راع الطيب دواس الأخطار=لو إن بعض الخلق ماهو بوده
قرم" على درب الرديين ماسار=أنتم هلن للسرج وأهل الأشده
يوم إنها ماغير فارس وسبار=قوم" لكم في نجد هده ورده
وإن صاح صياح الضحى وقت الأنذار=كم شيخ منكم قبل القاع خده
المدح يزهى كل ماضين الأذكار=مثل الشداد إليا ركب فوق بده
ياشيخ يفدونك ضعيفين الأفكار=وياجعل تفداك الوجيه المصده
جني بنات الفكر جلن مع إبكار=وضح" توحى يم صوت الموده
وصلاة ربي عد همال الأمطار=على النبي وإعداد سكان جده[/poem]

كلاكم صح والله ياناشي يستاهل بن سقيان ومثاله المدح وزود

وصح لسانك مليووووون ولا يكفون على هالقصية الشامخة

شكرا لك من الاعماق










..

صح السان الشاعر قصيده جزله

ورعيها جزل ناشي يعطيك العافيه

على الابداع العذب والتعبير ارائع

تقبل اجل احترامي

صح السان الشاعر قصيده جزله

ورعيها جزل ناشي يعطيك العافيه

على الابداع العذب والتعبير ارائع

تقبل اجل احترامي

أبو نادر

صح بدنك ومشكور على الأطراء الرائع وعلى المرور الجميل

أبو محمد صح بدنك يالخال ومشكور على المرور الحلو

مدالله حياك ومشكور على الكلام المستعار

هههههههههههههه

صح لسانك ياناشي ويستاهل ابن سقيان .....


تحياتي لك

صح لسانك يأخوي العزيز

تقبل فائق أحترامي

صح لسانك ابو محمد
جزل كالعادة
ويستاهل ابن سقيان

صح لسانك قصيدة في منتهى رووعه يستاهل ابن سقيان المدح

صح إلسانك يابومحمد

ونعم بالمادح والممدوح...

تحياااااتي

منقوز جره صح بدنك ومشكور على المرور الرائع

مستانسين
مشكور على المرور وصح بدنك يالغالي

مااااااااجد
صح بدنك والله لايهينك على المرور

ليل الصبا

صح بدنك ومشكور على المرور الجميل

الغناااوي

صح بدنك وماعليك زود وكل الشكر على المرور

قـرم" علـى درب الردييـن ماسـار = أنتـم هلـن للسـرج وأهـل الأشـده



عن قصيده صح السانك اخوي ناشي جزل

وانا من اشد معجبينك ( ياشاعر المنتدى )




تقبل مروري محتار والله

محتاااار والله
صح بدنك يالغالي مرورك شرف وأعجابك يشرفني ياكحيلان

صح لسانك يابومحمد وانا اشهد ان القصيده رائعه وانت اروع