ياشيب عيني

السلام عليكم ورحمة الله .....
اقدم الاعتذار بسبب الدراسه والاغتراب وقلة الزيارة للمنتدى ..
ماحب اطيل عليكم .
اخليكم مع قصيده لي واضحه من عنوانها وانشاء الله تنال الاعجاب .....

اقول.......

ياشيب عيني غديت وضعت بالحوسه::: وامنت ناس(ن) تدل الداب لفراشي
ناس(ن) رداهم دفين وبان مدسوسه:::تغتر في هرجها وقلوبها غشاشي
حقد(ن) قديم(ن) تراكم فيهم ادروسه::متوارثينه من الميت ومن عاشي
خبلان ماتدري ان الطيب له روسه:::وحنا على الطيب حكامه بلانقاشي
نحفي قدمنا على كسبه وناموسه::ونترك قليله لهم عشان يعتاشي
ولانغبط اللى تجر لو زادت فلوسه:::تجار بالطيب نشري به على الكاشي
والطيب فينا يبين بزرع مغروسه:::والطيب فيهم خساره لوهو ببلاشي
ومالوهم لو تسبود الحقد محموسه:::لجاء المواقف يعود زملهم حاشي
يرغي عقب ماهدر ثم بانت ضروسه::واصبح عقب مشيته يرثع ومنداشي
والله يلولى البلد بالامن محروسه::لبيدهم ماترك الخايب ولا الواشي
ماقول غير الذهب ماينفع ألبوسه::لصار من يلبسه زينه على الماشي
بقصر كلامي واخل الجو بالحوسه::واترك ردي العرب يمشي مع اللاشي

وسلامتك ..دمتم بود اخوكم ..حمدآآآآن الركن.

حجمدان الركن


صح الله لسانك ودام ابداعك على هالقصيدة

لاهنت وشكرا على التواصل


تحياااااااتي

.

صح لسانك اخوي حمدان الركن
ويغطيك العافية

صح لسانك ومعذور مستقبلك اهم

فآئق الود

ابو نادر ..شاكر لك مرورك الكريم واتمنى نالت الاعجاب
.
.
.
.قمراي...يعطيك العافيه على مرورك واتمنى استحقت القصيده المرور..

.
.
.
.
.منابع الطيب..طابت اعمالك وطاب لى مرورك الكريم وواتمنى استحقت مرورك..
.
. اخوكم ..حمدآآآن الركن

[align=center]قــصـيـده فــي غــايــة الـجــمـال ,,,

أخــــوي حـمــدان صــح الــســانــكـ ,,, ومــشــكـــووور عــلــى تــواصــلـك مــعــنــا ,,

ولا تــحــرمــنــا جــديــدك ,,,,,

دمـت بــــووود ,,, [/align]

بنتاجون شاكر لك مرورك وانت الجزل ياجزل ويكفيني مرورك يالذيب.