ياصدر لو نار الغلا تحرق الجوف ...

[poem=font="simplified arabic,5,white,bold,normal" bkcolor="transparent" bkimage="backgrounds/3.gif" border="double,4,deeppink" type=1 line=0 align=center use=ex num="0,black"]
ياصدر لونار الغـــلا تحرق الجوف = لاتشتكي فرقا الحبيب المزيف

الهم يسعى فالمعاليق ويطــوف = اثـــر الهوى ملعون خيير وطيف

يشوفني ويصـــــد ماكنه يشوف = وشلون صار مع الفراق متكيف

بعــــده خناجر هم ورماح وسيوف= وطيفه بنوم اللي يحبه تضيــف

قلبي بحبه ياهل الحب مشغوف = سيد الحنان ابوالذراع السهيف

اقول وصفه غيــــر لاعدوا وصوف = الا الحـــلا والزين منه يتقيــــف

كنه ليا شفته عمل في معــروف = وشلون لاقبلت خــــــد الرهيف

متى يحس بماتكبــــــدت ويروف = فيما مضالي معه وافي وريف

تعبت لكن التعب غير مخلــــــوف = وانهــــد حيدك يالطويل المنيف

اما يكسر حاجز الصمت والخوف = والا لكبــــــــدي لايسبب تليف

وان رد للدمعه بتجريــــح وعزوف = ادري بانه في عذابي مكيــف

الدمع لعيـــــــون المحبين مالوف = اموت باللي فالمحبه عنيـــــف

فالصيف لكنه لبس بدلة الصوف = خلوه في صيفه بصوفه يصيف

والله ليعطي مع معاذيره حلــوف = وعلى شفا حفرة شقا ليتهيف

بكره يجي حاير وطاير وملهــوف = فكره مشتت غير جسمه نحيف[/poem]



الشاعر : بشاربن مساعد العقيلي

صح لسان الشاعر العقيلي قصيدة جميلة جدا

اعجبتني وتم تنسيقها


تسلم يمينك على حسن الاختيار لاهنت


ابونادر

لاهنت ياابو نادر وتسلم على المرور .....

[align=center]معانق الريــــــح

تسلم على المنقول الرائع وصح لسان الشاعر /بشاربن مساعد العقيلي

تقبل مروري وووووودي .[/align]

تسلم اخوي غنام على المرور والرد ...
وبيض الله وجهك
تحياتي .......

مشكرو خيو معانق على القصيدة الرائعة والجمبلة
وصح لسانك.........

مشكور اخوي قمراي على المرور والرد . يعطيك العافيه
تحياتي ,,,,,