مرثيه في الامير ذعار رحمه الله .

[align=center]هذه القصيده كتبتها رثاء في الامير ذعار بن عقوب الحميداني

http://www6.0zz0.com/2008/11/20/21/309761060.jpg

امير قبيلة الحمادين من مطير

الذي توفي سنة 12/12/1398هـ

كان للامير مواقف مشهوده بحل المشاكل والوقوف في مواقف الطيب مما جعل كثير من الشعراء

يشيدون بطيبه في قصائدهم ..وقد احزن وفاته الكثيرين واكبر مثال على ذلك هو ماقاله وزير الداخليه الامير نايف بن عبدالعزيز ال سعود عندما علم بوفاته حيث قال ان الدوله فقدت احد رجالها الاوفياء ,


وقد رثيت الامير ذعار بهذه القصيده التي عبرت فيها عن حزني الشديد بوفاته يرحمه الله

[poem=font="Simplified Arabic,5,black,bold,normal" bkcolor="transparent" bkimage="backgrounds/39.gif" border="groove,4,gray" type=1 line=0 align=center use=ex num="0,black"]
عسى السحاب اللي مزونه مزابير = تلعج بروقه والرعد في خياله
يهل ودانه على منبع الخير = دارن صليب الراي شرقي شماله
يسوق غربيه ثعول الشخاتير = حد السهل مابين عرقه وجاله
على قبر شيخن يفك المقاصير= من لاذ في ضفه نعم في ظلاله
ذعار عوق اللي براسه سعاطير = وعز الوحيد اللي قصارن حباله
لامنها قلة عليه التباصير = في ماقفن يتعب عيال السلاله
له وقفتن يبعد بها الفكر ويحير = وقفة شرف ماهي مواقف رزاله
حلحيل ماحالو عليه المناعير = يفرهم فر الرشا للمحاله
مرحوم ياللي له معزه وتقدير = عند الرجال اللي لهم كل قاله
له عند سمحين الوجيه المسافير = مكانتن يصعب لغيره مناله
ياليت ماحالن عليه المقادير = لينن كلن يلحقه شف باله
لوكان ماجاني من الربع تقصير = لاشك وقفاته وفعله لحاله
مرحوم ياللي مايعرف المعاذير = دون الرفيق يسوق حاله وماله
منه الطيور اللي بليا دناقير = تشره بعالي ما اعتلا من جباله
ولو صار في بعضاة الاحوال تغيير= الساس طيب والبقاء في عياله [/poem][/align]


[align=center]عبيد بن علي الحميداني [/align]

صح لسانك


قصيده في منتهي رووووووعه فنان

[align=center]رحم الله شيخ قبيلة الحمادين


وصح لسانك ابومحمد وانت اظن تعرف قدر نفسك مومحتاج مدح من احد[/align]

[align=center] الله يرحمك ياعمي ويسكنك جنات النعيم

والله والف نعم بهالصورة وراعيها


اخوي عبيد بيض الله وجهك ورحم الله والديك يابو محمد

وصح لسانك الف مليوووووووون

على هالمرثية الجزلة والمعبرة في رجل يستحق معلقات


لاهنت لاهنت وجزاك الله خير


تحيااااااااتي وتقدري



اخوك ابونادر

[/align]


..

صح لسانك ابومحمد مرثيه في قمت الشاعريه

http://www.qahtaan.com/works/up/uplo...1190923126.gif

اختي نوره
اشكرك على مرورك --------------------
------------ماقصرتيي ياعزيزتي
تقبلي ودي وتقديري

ياهلا وغلا في غروب الظل--------------------
-----يسعدني مرورك وماقصرت ياالقرم
-------والله يعطيك العافيه يالغاااااااااالي

ارق واجل التحايا

يسعدني مرورك يابو نادر وشهاده منك وسام على صدري

فأنت الشاعر الكبير صاحب الابداع والذوق الراقي يا ابونادر

والامير ذعار والد الجميع الله يرحمه ويسكنه فسيح جناته
امين يارب العالمين-------------------------

------------تقبل ارق التحايا

الشيخه العراقيه

مشكوره على مرورك

ويعطيك العافيه ياالنشميه

-------تقبلي تقديري وحترامي

الظبية الجفول يعطيك العافيه

ويسعدني مرورك وكلامك الرئع

تحياتي

الله يرحم شيخ الحمادين الامير ذعار الحميداني ويسكنه الجنة


وصح لسانك ابو محمد على هذه القصيدة

انت شاعرنا وشاعر المنتدى وغني عن التعريف


مشكور والله يعطيك العافية



ماااااجد

الا خ العزيز ماجد ياهلا وغلا
يسعدني مرورك ياالغااالي
يعطيك العافيه على التعبير الرائع

وهذا امير القبيله وفظائله عليهم كثيره

تقببل تحاتي

الله يرحمه ويسكنة الجنة

وصح لسانك عزيز النفس لاهنت

تحياتي

ياهلا وغلا في منابع الطيب

يسعدني مرورك يالغااالي

===================ولك اجل التقدير

الله يرحم الأمير ذعار يسكنه فسيح جناته

والشاعر القدير عزيز النفس شاعر كبير

ولايرثي الا الكبار

لوكان ماجاني من الربع تقصيـر
......................................لاشـك وقفاتـه وفعلـه لحـالـه

وانشهد ان وقفاته وفعله لحاله

صح لسانك وبيض الله وجهك يابومحمد وافي وهذا طبعك


لك جل احتراااااااااااااااااااااااااااااااااااااااااااااا اااااامي

ياهلا والله في الزميل شقران

يسعدني ويشرفني مرورك يالغاااااااااااااااليييييي
وين الغيبات عسى ماشر


-------------------------ارقالتحاياء

صح لسان ابومحمد






ولمثل ابوعقوب تقال القصائد رحمه الله واسكنه فسيح جناته

[align=center][align=center]صح لسانك ابو محمد مرثيه أكثر من رائعه في حجم هذا

الانسان الله يرحمه ...


تقبل مروري[/align][/align]

الله يرحمك يا شيخ شمل الحمادين ذعار الحميداني ويسكنك جنات انعيم



صح لسانك ياابومحمد

وشكرآ

القرم

صح لسان الشاااعر والله يسكنه في نعيم جناته )))وشكرراا على النقل))وتقبلووا مروري

لله درك يابو محمد وصــح لسانك والله لا يهينك

أبيات في قمة الروعة بـ شخصيه كبيره بحجم الأمير ذعار الحميداني
رحمة الله رحمة ً واسعه وأسكنه فسيح جناته

سمعت أنه هنالك مرثيه لك بالأمير ذعار ولكن لم أطلع عليها من قبل
واليوم أغريت ذالك الفضول بإطلاعي وقرائتي لها .........


لاهنت يابومحمد ولاهي غريبه عليك والأمير ذعار الحميداني
رحمه الله يستاهل الرثى بقصائد من ذهب يخلدها التاريخ

لا فض فوك


تقبل تحياتي

رحم الله شيخ الحمادين واميرهم رحمه واسعه واسكنه فسيح جناته وحي الصوره وراعيها وحي القصيده اللي من مصنع المبدع عزيز النفس مع أن ردي متأخر لكن يبقى الراحل حديث الساعه واي قصيده فيه تعيدنا للذكرى الطيبه

تحياتي

اتمنى من الادارة ان تحذف اخر رد المكتوب باللغة الانجليزيه وايقاف مثل هاولاء الاعضاء

الذين يشوهون المنتدى بمواضيع مشبوهه لانعرف ماذا تحوي بمضمونها


وشكرا

-

مشكووور اخوي الوافي على التنبيه جزاك الله خير

تم حذف الرد الذي طلبت حذفه



..