يا قلبي الطيب ترى الوقت ما فات

[gdwl]يا قلبي الطيب ترى الوقت ما فات
أصبر على الزلات وضم الأحزان
أصبر على ظلم البشر وسير بسكات
سير وأحسب خطواتك بميزان
من يظلمك سامح وكب الملامات
وقابل السية بمعروف وإحسان
خلك أصيل وبادله بالمودات
الطيب والمعروف من صفات الإنسان
سامح وخلك شهم بأوقات الأزمات
تملك قلوب الناس أشكال والألوان
وتكسب محبات النفوس الرضيات
وتسير لأهل الطيب رمز(ن) وعنوان
خله يحس بقيمتك عشر مرات
ويشريك بالدم فأنت أغلا (م) الأثمان
خله يموت بحسرته والتناهيت
ويقضي حياته كلها هموم وأحزان
لا بد يندم كل صبح وعشيات
ويبقى ضميره في العذاب حيران
يا قلبي أحذر من هروج النمامات
ترى الذنوب تكثر بطول اللسان
خلك حكيـــــــم وتجنب الزلات
ترى كلام العقل له قدر وأثمان
وأحذر الحساد وأهل الوشايات
أحذر ترى بعض البشر مثل شيطان
بعض البشر حقود وخبيث نيات
قلبه من الأحقاد أسود وغيران
لا شاف ناس أحوالهم مستقرات
شب الفتن ما بينهم شب نيران
إخوان دبت بينهم العداوات
بسبايب إشعال الفتن بين الأخوان
هاذي صفات أهل الخصال الذميمات
يرمون ناس بالخطأ دون برهان
إلا أفترى و ظلم ناس مريبات
هاذي صفات أعمالهم طول الأزمان
يا قلبي لا تشتكي للخلق علات
شكواك اللي زين العيون بالأجفان
وصلاة ربي إعداد نجوم الثريات
وعداد ما طاف البشر حول الأركان[/gdwl]

صح لسانك اخوي ويعطيك الف عافيه ......
تقبل مروري......

صح لسانك


ابداع متواصل

صح لسانك


مشكور

الله يعطيكم العافيه ونورتو متصفحي

حاول تسيرون

http://akhawat.islamway.com/forum/up...1188455062.gif

سلم قلبك اخوي الساااااااري

الطيب والمعروف من صفات الإنسان
سامح وخلك شهم بأوقات الأزمات
صح لسانك اخوي ضياء
تقبل مروري

الله يعطيك العافيه والصحه وين اروح من جمايلك في كل صفحه لي القاك