تسع العوامل

واقلبي اللي وسطه الحزن منقـوش
نقش الزري من فوق بيض المخامل
اليا ذكرت اللي له القلب مخـروش
قامت دموعي فـوق خـدي تهامـل
يازين قلبي مـن محبتـك مدهـوش
ارجي من الله قـرب لامـاك وآمـل
ضحكي معك صافي ولاهوب مغشوش
وضحكي مع اللي غير زولك مجامل
اطرب اليا طروك يازيـن واشـوش
واللي جذبني فيـك تسعـة عوامـل
جيد ونحر وعيون وخدود ورمـوش
والغنج والضحكه وحسـن التعامـل
والشفه اللي كل ماجيت ابي مـوش
ارهي عليها ميـر مانيـب صامـل
اصطي عليها مير مانوشهـا نـوش
حشمـه وهيبـه ياظبـي المهامـل
تليت قلبـي بالغـلا تـل قنطـوش
من عقـب ماتلـوه سربـة هوامـل
من عقب ماقفوا على تالي البـوش
اقفـوا وراعيهـا يعـض الانامـل
لاكن قلبي بصفـر السـم منهـوش
لااقبل ظـلام الليـل والكـل خامـل
حلو الكرى وعيوني القشر في هوش
امسيت من كثر الهواجيـس زامـل
تقول في قلبـي طوابيـر وجيـوش
جيشا على خـط الهجـوم متكامـل
جيشا تحرك بعد جا الامر من بـوش
امدرعاتـن بالذخـيـره محـامـل


للشاعـــــر / مرزوق بن محمد العتيبي

هلا ومرحبا اخي جسم بلا روح
بيض الله وجهك وشكرا على اختيارك للجزل لانك جزل وذوقك جزل
صح لسان الشاعر
مرزوق العتيبي
وننتظر المزيد منك
دمت بخير

جسم بلا روح

اشكرك على الذوق الراقي والأختيار المناسب

فعلا قصيده تستحق التمجيد

صح الله لسان الشاعر

وسلمت يداك اخي

تقبل تحياتي

اخوك الدويله