الصبر عن بوح الاحاسيس .. قتال

[align=center]بسم الله الرحمن الرحيم

اليوم جبتلكم قصيدة للشاعر خلف المشعان
اتمنى ان تنال رضاكم قصيدة رائعة
وفيها معاني قوية جدا





ان كنت تنشد يالمسيكين .. عن الحال
........................ مالي على .. كتمانها عنك .. حيله


الصبر عن بوح الاحاسيس .. قتال
........................ والبوح في بعض المواقف ، فشيله


لو كل مايطري على البال ينقال
.......................... ماكان شفت ان الثقيله .... ثقيله


ابطيت اكافح ضيقة البال بالبال
...................... . وادفع بلا .. هاجوسها كل .. ليله


لين اقبلت مثل .. السحابه بهمال
........................ تشفي غليل اللي .. تزايد غليـله


طاحت ، ولاْوفق من حناياك منزال
..................... وابطلبك .. يابندر ( تكمى ) المخيله


ان قيل ترعد .. قلهم : صوت زلزال
.................. وان قيل تبرق .. شف لها ادناة حيله


مابي .. تناقلها هل القيل والقال
..................... .. وتصير من بعد القصيره .. طويله


يابندر .. ماني عال .. لو صحتي عال
.................... .. شفني من الصدمات نفسي عليله


اشيل حملٍ .. لو يشيلنه .. جبال
..................... .. الله ، وامانه .. غير تصبح نثيله


أرمي .. من هموم الزمن .. واسحب أدبال
................. وانزل عن ( الجوكر ) وغيري يشيله


من كثر ماشفت بحياتي من انذال ....!!
...................... .. بديت اشك ان النذاله ... فضيله


ماطاح من عيني رجل ..!! طاحوا .. رجال
................. .. ورجال ( يابن حنيف ) ماهي قليله


اقرب من اللي قالهم ضمن ماقال .. :
..................... راكان بن حثلين .. راعي الجزيله


( هذا .. ولد عمٍ ، وهذا .. ولد خال
.......................... وهذا .. رفيقٍ مالقينا .. بديله )


سبحان منهو يابدر غيّر الحال ..!!
.................... .. وحط الجفا بين الخليل .. وخليله

هذا الزمن يبغاله .. لسان دلاّل .. !
................. .. من يستحي هالوقت .. واعزتي له


وقتٍ به ( الراعي ) غدى .. راعي دلال
................. .. كلٍ على طاريه .. ينفض شليله ..!!


ومن كان ساسه للردى مضرب امثال
................. .. اليوم .. يحسب من كبار القبيله ..!!

المال .. يابن حنيف ملعون .. ابو المال
............ // .. ذل العزيز .. وعز .. ناسٍ ذليله ...!!


تقبلوووو تحياتي اخوكم سلطان زمانه

[/align]

صح السانك وتقبل مروري

نقل رائع وموفق ياسلطان يعطيك العافية

وصح لسان الشاعر خلف المشعان

على هالقصيدة الجزلة



..

هلابكم اعضأ ومراقبين وارحب في مديرنا الغالي

اسعدني مرووووووركم

ومن كان ساسه للردى مضرب امثال
................. .. اليوم .. يحسب من كبار القبيله ..!!

المال .. يابن حنيف ملعون .. ابو المال
............ // .. ذل العزيز .. وعز .. ناسٍ ذليله ...!!
صح لسان الشاعر الكبير " خلف مشعان العنزي "
وألف شكر لك يا سلطان على نقلك المميز ولاأكثر من رائع

لك فآئق أحترآمي ,,,,

هلابك اخي الملكي وحتى انا بصراحه اعجبني البيت هذا

اسعدني مرورك يالغالي

((يعطيك العافيه اخووي سلطان زمانه على النقل وصح لسان خلف المشعان)))

اسعدني مرورك العطر يالغالي