قصيدة للشاعر سلطان بن عادي المطيري في مسابقة (شاعر المليون) وقد أغضبت هذه القصيدة الل

[poem=font="simplified arabic,4,white,bold,normal" bkcolor="transparent" bkimage="backgrounds/21.gif" border="double,6,tomato" type=1 line=1 align=center use=sp num="0,black"]
من عاصمة دار الكـرام اليمامـة=اطلق بنات افكار شعـري دواويـن


بصدح بصوتٍ يصطفق في تهامـه=ويردّلي صداه موجـك يـا داريـن


دارٍ ليا جـا المـدح فيهـا فخامـه=الله يخليهـا لنـا قـولـوا آمـيـن


وانا أعـرف الـدرب والإستقامـه=والشعر ماهو بس ضمـه وتنويـن


الشعـر ابعلـن ثورتـه وانتقامـه=وادري كثير الناس ماهم براضيـن


الشعر راقي بـس قـل احترامـه=وانا احترمته في صدور وعناويـن


مدام روض تروّضـه فـي لجامـه=واللي بعد قاسيـن ماهـم بقاسيـن


وبضرب مثل عن اختبـاء النعامـه=مابين ابين ..وبين مابيـن .. وابيـن


واببحث اسباب المرض وانفصامـه=وابركي المخطـر طبابـه وتمكيـن


الشرنقـه لومـا كبـابـه كـلامـه=لاكان قلنا مـن فـروخ الشياهيـن


مسربٍ شبحـه ومرخـى خطامـه=ياصف على المهدي بليـا براهيـن


لاشك ضاع وضاع منـه التزامـه=وامسى يحب ايدين ويصافح ايديـن


ببيـن الواقـع واكـب الوهـامـه=واذكر الناسين عن فـارس الطيـن


دوّر سلامـه يـا مـدوّر سلامـه=دام الخطوط تصب في خط برليـن


في شهر ذالحجـه وكـلٍ حرامـه=لفّـه علـى متـنـه ولله ملبـيـن


وانتـم علـى منتـم وكـلٍ نظامـه=في مسرحٍ سارين ياليـل يـا عيـن


واللي يجي في درب لوم وملامـه=لابد له من خـطٍ احمـر وقوٍسيـن


وانا بحـدد كـل شخـص ومقامـه=لا صار ماله غيرةٍ مع هـل الديـن


غيرة وطن ماهـي بغيـرة هلامـه=اللـي جماهيـره بنـاتٍ مزايـيـن


ويا ناشـدٍ سلطـان تنشـد علامـه=ادري سؤالك سيف والسيف حدّيـن


وجهة نظر ولكـل رجـلٍ مرامـه=وانا ليـه وجـه ولاهـو بوجهيـن


تقـول يـا سلطـان ذب العمامـه=شارك وخذ لك سجةٍ مع هل العيـن


ابشـر بكـاشٍ يجبـرك بإستلامـه=حاضر بحاضر جاك ماهـو بعديـن


عن شاعر المليون جزنـا شهامـه=شيمة عرب تبقا على العسر والليـن


وعن بو ظبي عندي طعوس الثمامه=تسوى دبي وابراجهـا وام قيويـن


ياشاطـي الراحـه سمينـا قرامـه=جوايزك من صرف خط المساكيـن


وش عاد وااللجنة مسج واستلامـه=الله مغنيـنـا وعنـكـم غنـيًـيـن


نسمى مـادام لكـل نبـلٍ سهامـه=ونصيب في مرمى الهدف والنياشيين


الجايزة.. جوايـز اهـل الزعامـه=ماهـو بمليـونٍ عطاهـم ملايـيـن


آل السعود ان كـان للمجـد هامـه=حكامنـا بالعصـر الأول وهالحيـن


اعلـى شـدادٍ قاضبيـنٍ سنـامـه=حلوين .. للحالي .. وللمر .. مرين


لاثارعج الحرب وارهـى عسامـه=للسلم .. سلم .. وللحرايب سلاطين


عدوهـم عجـزت تقلّـه عظـامـه=يشرب قهر لوهو بخضر البساتيـن


ودخيلهم يرقـد رغـد فـي منامـه=لو ان طلابـه .. ابـوشٍ وبوتيـن


وحنـا .. ولانـا قاضبيـنٍ زمامـه=لا ما نبعيه لاجـل رنـجٍ وشيكيـن


واخر كلامي خاتمـه فـي ختامـه=الله يثبتهـم علـى الحـق والديـن[/poem]

قــصــيـده جــزلـه مــن شــآعــر جــزل .. و أنــا بـصـراحـه مـن جـمـهـور

الــشـاعــر ســلـطـان بـن عــادي الـمـطـيـري لأنـه شـاعــر لـه رونـقـه الـخـاص

كـنـت أتـمـنـى أنـه يـشـارك بـشـاعـر الـمـلـيـون عـشـان نــشـوفـه ..بـس الـظـاهـر أن

شــاعـرنـا سـلـطـان بـن عـادي مــن الـمـحـاربـيـن لـشـاعــر الـمـلـيـون ..وهــي وجـهـة

نـظـره الـخـاصـه كــمـا ذكــر بـقـصـيـدتـه ...

مــجــرد أنــسـان اللــه يــعـطــيـك الـعــافــيـه عــلى نـقـلــك الـمـمـيـز والأكــثــر مـن رائــع

لـك فــائــق أحــتــرامــي وتــقـديــري ....

قصيـــــده جزله ومــــــــن شاعر جـــــــــــــــزل((ويعطيك العافيه 00اخـــــــــــــــــوي مجرد انسان على نقل القصيده وشكرااا وتقبلواا مـــــــروري000

[align=center]المـــلكي

مشكور على مرورك الكريم الذي زدني سرور


تحياتي[/align]

[align=center]الحميداني المميز

لاهنت وبيض الله وجهك على المرور الذي شرفني و اسعدني جداً

وهذى من ذوقك... ولا يبخص القصيد الى اهله وانت من اهله يالذيب

لك مني جل التقدير والاحترام.

اخوك:

مجرد انسان[/align]