قصيده في قبيلتي حمران النواظر اتمنى ان ترقى الى ذائقتكم الشعريه

[align=center][align=justify][align=right][align=center]
السلام عليكم ورحمة الله وبركاته

والصلاة والسلام على أشرف خلق الله محمد وعلى آله وصحيه أجمعين:

أما بعد:

هذه أول مصافحه شعريه تصافح مشاعركم بالمنتدى الشامخ الذي لا يوصف
(قصيده في قبيلتي مطير حمران النواظر)
وأتمنى أن ترقى إلى ذائقتكم ياعزوتي,,,





حن الرعد من بين ردم المخايـل
وتشتتن والبرق شـق المخيلـه
والهجن فزّت من صهيل الأصايل
وكلن من العداون جـوّد شليلـه
والحق حدّر يدفق العلـم سايـل
علـمٍ يغـذي بالعقـول النحيلـه
سيلٍ محدّر من فـروع المسايـل
يدككـم ياأهـل العلـوم العليلـه
ماحدّني ماغيـر علـم الجهايـل
ولا قلت أنا غير العلوم الجزيلـه
حمرالنواظـر ياعـرب بالفعايـل
فُهود الزراج وتعشق المستحيلـه
وإن شبّ بالميدان بركان هايـل
من فعلهم ضد النفـوس الغليلـه
يهابهم من شاف نـار الهوايـل
تبرد عزومه عن عظـامٍ تشيلـه
حنا هل الوقفات وأهل الصمايـل
إذيابةٍ ترقـى الرجـوم الطويلـه
الله جمع فينـا خصـال النفايـل
والشكـر لله ماعطانـا الهزيلـه
بريه عدل الماقف اللـي تمايـل
أهل المواقف في نهـار الدبيلـه
علوى هل الردات وقت الخلايـل
سقم الحريب اللي غدى عزتيلـه
وربعي بني عباد إجمال الشوايل
تاطا على الصعب وتشيل الثقيله
مطير نارٍ فـي لهيـب القوايـل
نـارٍ تبيّـن بالنقـا دون حيلـه
مايلّعب بالنـار يابـن العذايـل
وأفواه اللهب تلهب إلمن تجيلـه
الصيت شاع اليوم والشك زايـل
ماخوذ في لمع السيوف الصقيله
الفعل راسي بالسنيـن الأوايـل
ياجاهل إنشد شايبٍ عاش جيلـه
الطيب هداج وتـارد لـه قبايـل
كلن رما دلوه وحصـل حصيلـه
اليوم إخوان وبالمراجـل زمايـل
واللي زرع بالطيب يحصد جميله
سيفك تسله في نحـور الجمايـل
وثمن كلامك والخلايـق عميلـه
والحين شع النور والكـل خايـل
السيل دك الكذب وأهـل الرذيلـه
ياقادحين الحسـد شـر العمايـل
لاحاش قدح الحسد راس الفتيلـه
وصلوا على المختار راع الفضايل
مضوي ظلام الدرب نور الدليلـه





وسلامتكم...

شعر\نواف الشويب[/align][/align][/align][/align]

[align=center]عدو الريح


لعلك تسلم يالغالي
على نقل هالقصيده الشامخه وصح لسان الشاعر / نواف الشويب وبيض الله وجهه ، تقبل مروري وفائق احترامي .[/align]

[align=center]صح لسان

نواف الشويب ويستاهلون مطيرررررر

وتسلم ياعدو الريح ,,,[/align]

يعطيك ربي الف عافيه يالغالي على النقل الرائـــــع والاكثرر من الرائـــــع,,
وصح لساان الشاعرر (نـــــــــــووواااااف)))على القصيد الرائعه,,,,
وشكرااا