تعالوا وأسمعوا هالقصه الزينه بس شوي ..شوي على أنفسكم من الضحك

السلااااااام عليكم
تعالوا وأسمعوا هالقصه الزينه بس شوي ..شوي على أنفسكم من الضحك..

نـاصر وليد وش حليله عمره ستة سنين وثلاث شهور وعشرة أيام
وجاء يبي يطلب من أبوه طلب:-
ناصر:
:يايبه مابي أدرس ياخي أبي أترك المدرسة
قال:
أبوناصــر: ماشاء الله وبعد ياخي لعنبوا اللي انت نماه يالهيس ... كم مره قلت لك لاتقول ياخـــي والا مانــي كفو تقول لي يبه ياثور

ناصــر هههههه : طيب يبه بس مابي أدرس والله مليت من الدراسه والاستاد دايم يهزيني ويقول انك دب ونومك واجد بالفصل

ابو ناصر : وجع وشلون مليت وانت توك بأولى ابتدائي الله ياخذك .... ما أمداك تمل !!! وبعدين هو صادق الاستاد وانا ابوك وانت لازم تخفف وزنك والا وانا ابوك فيه طالب بأولى ابتدائي امه تصلح له فسحته سندويتش دجاجه مع الرز ....

شف عيونك الله يقطعك معاد تنشاف من هالخدود يالله اذا فتحت عيونك نلزقها بلزاق عشان توضح ....

ناصــر : ياخي ياحظي والله مالقاها الا انا عندي ابو خفيف دم وينكت بعد ماشاء الله عليه .....

ماكمل ناصر كلامه الا وابوه لاقطٍ التلفزيون يبي يصمخه به واشوا أسبقه الدب وأنحاش لغرفته ولا جاه شي

ابو ناصر وفي لحظة استسلام وهو فحمان ومرتفع ضغطه يقول لأم ناصر: وش اسوي بهالولد ذبحني الله ياخذه ذبحـــــني وجاب لي السكر

أم ناصر وهي فاطسه من الضحك وتحاول تسوي نفسها متحمسه : يابوناصر استغفر ربك وترى ولدنا ناصر احسن العيال بس الظاهر ان هالمدرسه ماعرفوا له والا وش حليله وليدي يسمع الكلام ومؤدب والله انه اذكى من عيال اختي منيره ... مير هذوليك الله يخلف عليهم الظاهر ان روسهم مافيها الا قواطي وقراطيس لها قرقعه
قال:
يام ناصر انا ادري ان ناصر ذكي والا تظنين هالكلام اللي يقوله كلام واحد عمره ست سنوات ؟؟ نعنبوه بعض المرات احس انه اكبر مني ويعرف شي مااعرفه.

ناصر وهو يطل من فوق الدرج اللي بالصاله : يبه قوم الله لايهينك رح حرك الدش مدري وش فيها قناة ال بي سي ماتطلع وياليت تكفى تقول لمرتك تجيب لي الغدا تراني لايعتن كبدي من استاد عبدالله اليوم ولا افطرت زين
الأبوا
ألعن الله ابو ابو ابو ابو ابو ابووووووووك يالسرمادي <<< هالكلمات قالها ابو ناصر وهو يمشي مليون بيطلع الدرج عشان يلعن أبو خامس ناصر اللي قحص وطبلونه لغرفته وقفل الباب

أم ناصر : ناصر وانا امك ترى مايصلح هاللكلام اللي تقوله لابوك .. وترى وأنا امك ابوك لازم تحترمه وتحسسة انه ابوك
وما تقوله ياخي والا يابوالشباب والا تدفه وهو نازل من الدرج
ترى هاللي تسويه عيب وانا امك (توجيهات كلها حنان وأمومه)

نــاصر وبكل تناحة وقلت أدب قال: اقول وش عندك أنتي ياأمينة رزق وبعدين ترى اللي بيني وبين جوزك هذا شغل رجال وماله داعي الحريم يتدخلون عشان ماتحرجون انفسكم بس

أم ناصر : مير الشرهه علي أنا اللي جاية احاكيك مالت على هـ. الوجه اللي كنه بطن وحدةٍ حامل والا انا اصلا غاسلتن يدي منك والظاهر اني ابوافق ابوك انه ينطلك بسجن الاحداث الين تعقل وتصير رجال

ناصر :اشغلتونا بهالاحداث كل شوي بنوديك للأحداث واخرتها ماوراكم الا الحكي بس يالله الله روحي لجوزك تراي مشغول وعندي شريط بلاي ستيشن الدوري الاسباني ناوي العب بحسبت برشلونه

بعد صلاة العشاء وفي جو عائلي وابوناصر وام ناصر وناصر جالسين بالصاله يتفرجون على مسلسل لبناني ومنسجمين مع المسلسل

ناصر : الحين يبه الدخـــان زين

ابوناصر بعد مامغصه بطنه وبلع ريقه : وراه وانا ابوك وش انت ناوي عليه وجع يالفيل

ناصــر : لا والله سلامتك بس اسأل

ام ناصر : وانا امك الدخان مهوب زين ولايشربه الا الدشير وتراه يجيب السرطان ويسدد الشرايين

ناصر : شفتوا شفتوا شفتوا يوم اقولكم مابي ادرس ترى الأستاد عبدالله يدخن .. يعني داشر يعني انا صادق يوم قلت مابي ادرس لأني اخاف يدشرني

ابوناصر وهو متحطم ومتحسف انه اعرس وجاب هالصتيمه: وانا ابوك ماعليك من استاد عبدالله انت خلك بحالك وانتبه لدروسك والسنة الجايه ابنقلك لمدارس المملكة هاه وش قلت

نــاصر : ايه العب علي مثلك دايم اي مدارس مملكة ياخي وانت مابعد سددت اقساط موترك ....

ابو نــاصر : اسمع عاد .. والله لو ادري انك تفكر تدخن والا تجرب الدخان اني لااذبحك واجدعك

للكلاب تاكلك ...

ناصــر :طيب ورى ابو استاد عبدالله ماذبحه ورماه للكلاب وهو يدخـــن

الأبو تمتم وحس انه توهق ويبي يصرفها :

الا وش رايك نروح للبقاله وانا ابوك نشتري بعض الاغراض

وفي طريقهم للبقاله :

ناصـر :الا يبه ابسألك

أبوناصر :هلا حبيبي ناصر اسأل وانا ابوك اسأل

نــاصر وبكل سباهه ولعانه: هالحين اذا كبرت وابي يجيني عيال وش اسوي

ابونــاصر : ههههههههههههههههههههههه اذا بغيت تجيب عيال لازم تتزوج وانا ابوك

نــاصر : طيب وشلون يعني ؟؟ وش دخل العرس بالعيال ؟؟

ابو ناصر :شف شف شف وانا ابوك هالخبل اللي بيقطع الاشاره الله يهديه بس <<< ابوناصر في

محاوله يائسة لتغيير السالفه .... هههههههههه ...

نــاصر : المهبول مايدري انه بيصدم ويمكن يموت <<< الحيوان يسايس ابوه

ايوه يبه ماقلت لي وش دخل الزواج بالعيال

ياناصر ياولدي العيال مايجون الا اذا تزوج الواحد لأن الحرمه هي اللي تولد وتجيب العيال

ناصر : يعني طيب ماتموت الحرمه وهم كل شوي يشقووون بطنها عشان يطلعون العيال؟؟؟

ابوناصر تراك غثيتني ابو ابو ابو ابو ابوووووووووووك ياحيوان والشرهه اصلا على اللي يوديك للبقاله مير هونت ولافيه بقالات ولا شي وابيك من الحين الين نوصل البيت تنطم ولا تقول اي كلمه

وهذي السالفه انتهت ..... يالله عاد .... وش رايكم بالعايله هاذي .... ورايكم في هالولد

والله يستـــــــــر ....
من البلالالالالالالالالالالالاوي

تحياتـــــــــي ..

(( تراه منقـــــــــول ))

هههههههههههههههههههههههههههههههههههه من جـــــــد ناصــــــــــــــر مرجوووووج لكن حســــافه أنتهت الحلــــقه وما كملها المخرج ليش , أنا عن نفسي ما أتستفدت شيء لأن الحلقه راحت كلها أعلانات تجاريه <<<< مثل بعض القنوات اللي تجيب الضغط وخصوصاَ أذا الفلم رومنسي


والله يا أبونــــــاصر محظوظ في ها الولــــــــد ,, ولا أمــــــه ها الخبلـــــه


يعطيك العــــــافيه يا أمــــــــــيره على النقلــــه الحلوه والممتعـــــــه...

هههههههههههههههههههههههههههههههههههههه

امحق عائلة

خخخخخخخخخخخخخخخخخخخ

مشكورة اميرة الورد