قصيده لشاعر طلال السعيد

في مكان تفاخر فيه روس النصايـب
و امتلت من عظام الناس فاضي قبوره


كل شي يتراجف فيه حتـى الهبايـب
والذهايب توارى والنصايـب فخـوره


وقفت بي قدم رجلي وكلـي عجايـب
والبكا حولي اسمع له تمرد و ثـوره


لين جاء واخجل عيون تودع حبايـب
مؤمن جفف الدمع بحديـث و سـوره


عن يميني بيوت السابقين والذهايـب
وعن يساري بيوت اللاحقين محفـوره


اسمع اصغر ذنوبي كنه يصيح تايـب
والقدم ما نشدت بموقفه عن شعـوره


واذكر انه تشره لحظه وكـان هايـب
قلت خل الطواري ما طلبتـك مشـوره


دامها جت من الله مرحبا بالمصايـب
لو ثقل حمل نفس المسلم اللي صبوره


جيت اشيل الجروح المشرقات العطايب
طيب الله ثرى اللي فارق العين نـوره