محمد بن فطيس " جديد "

[frame="1 80"][align=center][poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على اللي يقـرّب شـرّد الصيـد والقيعـان = ويبعد بمـن ضاقـت بـه الـدار مـن داره

وصنع للسما .. لكن تمالـو هـل اليابـان = وحطـوه سيـاره وهـو كــان طـيـاره

على الارض .. لكن مايغبطك يا بو جنحـان = اذا غطـك مسـيّـان تسريـبـه أنــواره

غرام البعيـد المنكـف العاشـق الولهـان = ومرام الغريب اللـي تضايـق مـن زراره

على القار .. ماتسمع هوى من ورى البيبان = ومع الرمل .. مايدخل مع الشنطـه غبـاره

اذا جاك سوّاقـه مايشكـي الجـزا تعبـان = وينعـس بركّـابـه اذا طــال مـشـواره

يحبـه فقيـر النـاس ويحبـه السلـطـان = ولاغيـره لراعـي المقانـيـص سـيـاره

ينـزّل هـواه ويجحـد الويـل والسيمـان = وياخـذ شهـر ماجـرّت يمينـه عـيـاره

وسومه من الشركه على الشبك والسّكّـان = وعلى شنطته وسم وعلـى مقدمـه شـاره

على راس حنية بانـس(ن) كنهـا نيشـان = تبسّـم لسواقـه سـواره علـى ســواره

تيوتـا ولا غيـره .. ولا يصغـر النيسـان = أن الله عليـه بمنحـة الستـر وسـتـاره

يسوقه بحيحي(ن) جايزن له وهـو طربـان = غرامه ولو كثر التعـب .. قضبـة الطـاره

ولـد راعـي الرملـه الا عـدّو الفرسـان = تنــقّـاهـم بـيــن الــسيـايـر وأخـتــاره

مشينا من الدوحه نبـي طـارف الصّمـان = عن يمين حفر العتش مدري عـن يسـاره

نبي فيه من يِمدح ومدحـه علـى برهـان = كريم(ن) تساوق مدحـه النـاس وأذكـاره

أبو زايـد اللـي يفـرح بشوفـة الضيفـان = يعـرف الرجـال ويعطـي الرجـل مقـداره

أبو زايـد اللـي يذبـح الحيـل والحيـران = تضيّـع حسـاب دلال رسـلان بـوجـاره

عسى مجلسه عامر بربع وبأهـل وأخـوان = وعسى الله من جور القـدر والفقـر جـاره

وعسى خايع(ن) ترعا به أبله من الحيّـان = مزون(ن) رعدهـا لاأقبلـت كنهـا غـاره

وتاخـذ أسبوعيـن وثلاثـه وهــو ودّان = وياقـف ثمـان أيــام .. ويعـــاوده تــاره

يعلّـه إليـن يفيـض وتسيّـل الـوديـان = ويشمس شهر .. ويشاف عشبـه ونـوّاره

ويشاف القطا يشرب على طـارف الغـدران = ويشـــاف الحـزم خالــط خزامـاه صـفّـاره

وهو وسطهـا ويبشـره راعـي الرعيـان = على فلانه حـوار وعلـى فلانـه حـواره

واذا داج فـي مثناتهـا يلـقـط الفقـعـان = ومن كثـره يبـدّي علـى صغـاره كبـاره

أنا امدح عشيق الطيب و أوفي له الميـزان = علومه بـــذور الطـيـــب .. وأبــياتـي ثمـاره

نصينـاه لا حاجـــه ولا نشـتـكـي ديّــــان = رفيق و رفيـق(ن) مبطـي(ن) منـه وزاره [/poem][/align]



[align=center]محمـــد بن فطيس المــــري ...[/align][/frame]