إن طبت من جرحي..وإلاّ..جِـعلني ما يوم طبت0

[align=center]ياصدمتي في أكثر احبابي..وياخيبة ظنوني
ياضيق صدري..لاذكرت انّي عليهم ما كذبت


ياطعنةٍ خلّتني انسى من سبايبها..طعوني
ياجرح ماله طبّ..حتى لو أقول: اليوم طبت


البارحه..والله يكون بعون احاسيسي..وعوني
أحاول اهرب من عمايلهم ولكن ماهربت


ماكنت احسَ انّي أنا..وهذا الكون كوني
أمُرَ في حالة ضياع..وشبه غيبوبه..وكبت


أحباب..أي أحباب ذولا اللي على موتي خذوني
الظاهر اني شبت..ياعالم..وانا مابعد شبت


اللي لهم مُدّه وهُم في داخلي..واستغفلوني
ياما استغلّوا طيبتي معهم وكل اللي وهبت


وهبتهم قلبي..وشعري..وكل ماحولي..ودوني
تعبت معهم بس ماكنّي رغم هذا..تعبت


شعرت فعلاً بالعذاب..وغصّة الدمع بعيوني
قرّبتهم منّي..وانا اللي كنت احسبنّي قربت


عشانهم قررت ابيع اللي من العالم..شروني
لو ادري آخرها كذا..من أوّل الدرب انسحبت


أحبابهم واجد..ولا ادري ليه بالذات اخدعوني؟
مع انّ عمري ماخدعت انسان أوحتى قبلت


يا قوّها صدمه..وانا لون الغدر ماهوب لوني
مصدوم خِـلقه..لين مات الحب فيني وانعطبت


الله يجازيهم على استنزافيَ..وحرقة جفوني
ما كنت حاسب يبيعون الغلا..يومي حسبت


ما عاد لي رغبه أجدَد في علاقتهم طعوني
خسرت في هذا الطريق اضعاف ضعف اللي كسبت



أحسن لي ابعد واشتري نفسي ولا خيبة ظنوني
إن طبت من جرحي..وإلاّ..جِـعلني ما يوم طبت0[/align]

ألاخت الا مويهيه صح فكرك وسلمت يديك و صح لسان شاعر هالقصيدة الجميلة

اعجبتني الابيات التالية ..؟ لانها تحمل مرارة الندم ونعدام الوفاء

شعرت فعلاً بالعذاب..وغصّة الدمع بعيوني
قرّبتهم منّي..وانا اللي كنت احسبنّي قربت


عشانهم قررت ابيع اللي من العالم..شروني
لو ادري آخرها كذا..من أوّل الدرب انسحبت



....

تسلم يمينج الغلا على القصيدة الحلوهــ ..

لاخلا ولاعدم من جديدج الرآئـــع ..

ربي يحفظج ..

صح لسانك يالأمويهيه ويعافيك ربي سلمت يداك من كل شر

تقبلي فائق احترامي وتقديري اخووكـ سلطانـ زمانهـ

سلمت يداك قصيده رائعه وجد واقعيه كتير ومن الحياه

ابدعتى نتمني لك التوفيق -

تحياااااااااااااااااااااااتي

ياصدمتي في أكثر احبابي..وياخيبة ظنوني
ياضيق صدري..لاذكرت انّي عليهم ما كذبت

ابداع الله يعطيك العافيه

قصيده رائعه .. ومثل ماقال ابو نادر .بأنها تحمل عدم الوفاء ..


صح لسانك وعلااا شانك .



تقبلي مروري ...

حبيايبى اشكر لكم مروركم ...

وهو وسام اعتز به ...

لكم ودى الخالد ..