[align=center] ( اشتاقله ) [/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/20.gif" border="solid,3,tomato" type=1 line=0 align=center use=ex num="0,black"]
ياناس لي صاحب ودي على طــول اجيه= الصـدرله ينشرح والقـلـب يـشتاقله
اشـتاق واجيه وارجـع منه وعـود ليه = كل الاحاسيس مـدري ليه تـنساقله
اظماءعلى شوفته واجوع له واشتهيه=لاغـاب يمرض مزاجي وان حظرفاقله
شخص له سلوب يجذب غيرالاعجاب فيه=الكلمة اللي تجي بالـذوق متـثاقله
لاسولفت لي عيـونه وانسجـم مهتـويه = دقت طـبـول الغـرام وخاطري راقله
ياللي تقــولـون راع الحب مثل السـفـيه= قـولـو بعــد كنه المجـنـون يالـعـاقله
ياناس محـــد يحب انســان غصـب عليه =والقـلب مايعـشـق الا واحـدلاقله
الورد لـولا عبــيره كان مـحـــــد يــبـيه = والشــهـدلولا مــذاقه ماتعــب ناقله
بالله وين الخـطـاء والعـيب يامـــدعــيه =لاصـارمحــــد فـتـش قـلـبي ولا واقله[/poem]
[align=center]-----------[/align]
[align=center] ( جميع الوصايف )[/align]
[poem=font="simplified arabic,6,white,bold,normal" bkcolor="transparent" bkimage="backgrounds/50.gif" border="solid,3,red" type=1 line=0 align=center use=ex num="0,black"]
ياللي جميــع الوصايف فيك ملتمه = يامعجزة هالزمـان وفتنة عــباده
خلـــيت بعض الاوادم يحترق دمه = جداه فرك الكفوف وحسرة فواده
معـــــذور لويختلف ويضيع اليمه = لاطرقت سـودك الخـدرات لعناده
لاسلهمت في هـدبها واحرفت يمه = الموت الاحمروقـف قدمه وجـلاده
تهــوش في سيف عنترلارفــع كمه = لعيـون عبله تطيح الروس بطراده
يوم ارتهج لك خفـوق يشـتعل همه = دكت هجـوع الغرام وجتك منقاده
ملكت عرش الجمال وصرت بالقمه = يحقلك لوبطش هــاروت وافراده
ياسيــدالحسن ياخـــــاله وياعمه = الحب مايعرف المسيـود والســاده
دام المشــــاعرمعك في حزب منظمه = الود نزل لبن خـــــــلدون ولاده
اقسمت باللي جعل عيسى شهيدامه = يوم اظلموها اليهوداحتـج بمهاده
قبلك وانا لامـدح احساسي ولا ذمه = واليوم اوقـــع بكل العشر وزياده
الورد لولاعبـيره ماحــــــــد شمه = والله يعينه بعــد ياكــثر حسـاده[/poem]
............................
[align=center] ( الغموض )[/align]
[poem=font="simplified arabic,6,white,bold,normal" bkcolor="transparent" bkimage="backgrounds/38.gif" border="solid,3,royalblue" type=1 line=0 align=center use=ex num="0,black"]
---------------------------
ياهيه ياللي عجزت من الغموض افهمه=امرمن الله اليا جيته غديت اطرمي
اضيع بين الدلع وهروجه المبهمه= بس اتلفت الياسولف تقول اعجمي
والمشكلة لاترك لعيونه السلهمه= اكبر مترجم لغة ماهوب انا ينعمي
لاقام ينثر من الياقوت ويلملمه= دخلت بحرالغرام وجوه المظلمي
تقول افتش عن المحارفي مبسمه= والاعن الشهدوالترياق والبلسمي
يازين عذب الكلام اللي يجي من فمه=لوقال هذا عليك بعيد لاتحلمي
كني على مايقول من الكلام اعزمه=ماشفت مثله بخيل ولاعرفت اكرمي
والمشكلة لابغيت اعاتبه واشتمه=قمت اعتذرعن خطاه اللي حصل وندمي
غديت مثل السواراللي على معصمه= افتربيديه يلعبي وانا مرغمي
ياناس مافيه عيب وسر حتى اكتمه= الحب ماحرمه ربي على المسلمي
.......[/poem]
[align=center]___________
(مشمش حلب )[/align]
[poem=font="Simplified Arabic,6,darkblue,bold,normal" bkcolor="transparent" bkimage="backgrounds/46.gif" border="solid,3,deeppink" type=1 line=0 align=center use=ex num="0,black"]
ياوليفي وش ورا الوجه الضحوك= ماخبرنا من سراب احـد شـرب
نعنبو حيك ضميت من الشكـوك= كل ماصدقت لـي ضـن كـذب
مانبي ورد يجي مخلـوط شـوك= ياعنب لبنـان يامشمـش حلـب
ياحرير ماخلـط سلكـه سلـوك =اصفهاني نقش تبريـز وقصـب
ادري ان الله عطاك ولا عطـوك= من قدمك اليا شعر راسك ذهـب
ماملكت القلب في ورث الصكوك= مالكه باللي يهـز اطلـق شنـب
الهواء يهتزله عـرش الملـوك= كد خضعله قبلنا فـرس وعـرب
كيف اناللي يوم شفتك قلت دوك =مايصد القوم من سيفـه خشـب
ينتصرلي من نصرغزوة تبـوك= ماتحت ربي قـوي اليـا غلـب
لاتغـرك كبريـاك وعـز ابـوك= الغرور اردى نصيـب ابولهـب
قل لهلـك اللـي علينـا دلعـوك= كل غصن لاقسا عـوده خـرب [/poem]
[align=center].................[/align]
( البرقع الشفاف)
[poem=font="simplified arabic,6,white,bold,normal" bkcolor="transparent" bkimage="backgrounds/21.gif" border="solid,3,deeppink" type=1 line=0 align=center use=ex num="0,black"]
انا ماذبحني كود ابوبرقـع شفاف=رمتني مقادير الهوى في محابيله
تكاشف خدوده والنحركنه الكشاف= شعاعه مثل ضوح القمرمن وراالشيله
ذبحني عسى الله يذبحه يوم لدخلاف=جماله رهيب ور وعتني مضاليله
عليه اشقرمثل الذهب فـوق صدره ضاف=على خصره الضامر تنثرهمالـيله
تعطف بعود ناعـم لا مشى غرياف=كما عـود موزهازعاته عـثاكـيله
وقف في طريقي وعترض والقلوب صخاف=ابااصدعنه وصرت بالسوق اغنيله
عسى الله يعين العاشق الهايم الميلاف=لـيا شاف مثله عاودنه غرابيله
جداه التوجدمن همومه وبـدع القاف= تخمه هـواجيس الولع لاسرى ليله
[/poem]
[align=center]
صوت (جــــوالي) [/align]
[poem=font="simplified arabic,6,black,bold,normal" bkcolor="transparent" bkimage="backgrounds/24.gif" border="solid,3,royalblue" type=1 line=0 align=center use=ex num="0,black"]
اليوم صرت اتباطاءصوت جـوالي=وانامنول يـدق احيان ماشيله
لادق صوت الجرس جاوبت طوالي=قدام اشيك على الارقام من هيله
ابااسمع اللي كلامه عبرالارسالي=احـلا من اللي تنثرمن هـماليله
الصاحب اللي كلامه يشرح البالي=يطربله السمـع والخافق يغنيـله
غروا يداعب خيـالي كنه قبالي= لاقام يعزف على سـمعي مـواويله
ياحلوهمسه وبحة صوته الحالي=والكلمة اللي تجي بالغصب وبخيله
حتى عتــابه من السكر أيورالي=اشفق له اشفق من الصائم على ليله
يشكي وانالاشكيته قال انا مالي=يفرض علي الخطاءواصبرعلى ميله
حتى ملكني وصارالحاكـم الوالي=مجبورفي طاعته مافي يدي حيله
يازين حكم الغلاءمن واحدغـالي=لله درالهــواء ماحــلا غرابيـله[/poem]
[align=center] ( تقصر الهرجة ) [/align]
[poem=font="simplified arabic,6,black,bold,normal" bkcolor="transparent" bkimage="backgrounds/11.gif" border="solid,3,deeppink" type=1 line=0 align=center use=ex num="0,black"]
ياللي تسولف علي وتقصرالهرجه= تقول بالعمدماتبغاني اوحيها
دام السوالف معك حلوه ومندرجه= الله يخليك لاتسكت بتاليها
انامعك بس اعيش ضروفي الحرجه= مشغول بين العيون وبين راعيها
مدري وشختارمن صافي ذهب جرجه= النفس هذا تبيه وذاك يغريها
توالولع في خفوقي ولعة سرجه = حرام لاتحرق الفرحه وتطفيها
ماهيب دايم تضيق وتصغرالفرجه= خل المشاعرتعيش احلالياليها
غصب على من يشيل الشوك في خرجه= تجارالافلاس ماتربح مساعيها
دام الرجاءوالسعدعندالكريم ارجه= احداث الايام في تصريف مجريها
مايعرف الحب غيراللي رقاء برجه= وانارقيت اطول ابراجه وعاليها
مفتاح قلبي معك ومقفل درجه= واللي يبي يسرقونه تقطع ايديها [/poem]
[align=center]
( البرقع وطرافه )[/align]
[poem=font="simplified arabic,6,black,bold,normal" bkcolor="transparent" bkimage="backgrounds/43.gif" border="solid,3,deeppink" type=1 line=0 align=center use=ex num="0,black"]
ياللي مواريه بالعاشق اليا شافه= كن الظماءميبس(ن)كبده ومحرقها
سلام ياللي وراء البرقع وطرافه = واللبة اللي تويق وماتعلقها
سبحان من حط كل الزين باوصافه= ناس(ن)حرمها القليل وناس رازقها
حتى طغاء بالجمال وزاد بسرافه = وعيون من شافها يسجد لخالقها
خرس(ن)ترج الخفوق وتلعن اسلافه= لاشنت الحرب وارتزت بيارقها
لامرني يرتهج واهتزة اردافه = دقت طبول الغرام وغنت فرقها
كنالشعر يوم يرقص قدم وخلافه = معشوقة رقصها لعيون عاشقها
واللي محليه زود بعين ميلافه = الكلمة اللي من الاعماق ينطقها
احلا من السلسبيل شوي برهافه= بس انه بخيل يسجنها ويعتقها
ياناس بالزين مابغى هرج عرافه= عيني هي اللي تهرجني واصدقها [/poem]
[align=center]
( الصدرالعريض )[/align]
[poem=font="simplified arabic,6,black,bold,normal" bkcolor="transparent" bkimage="backgrounds/20.gif" border="solid,3,chocolate" type=1 line=0 align=center use=ex num="0,black"]
هـاضني غرو يـهـيض المستـهـيـض =فــزله قـلبي سريـع ولبـله
يفتن العشاق بالجسـم الغضيـض=تـو ريعــان الصـبا مـا عــبله
كن في خـده شــعاع له وميض=زاده الله بالـجـمـال وصـبـله
في جـماله يشـرح الصدر ويغيض=يستفـز اطـلـق شنب ويهـبله
يلفت الانـظار بالصـدرالعريـض=واشقــر مثل الحرير يــقـبله
فيه طـب وعـلـة القلب المريــض=لاحصـل طـول الـنفـس من ذبـله
من تروى من هكا المبسم حـضيـض=ليت ملـعون الجدف لي سبله
مـير ليت ولو ماتبني نقيـض=عـزتي للي يــديه مكبـله
في دقايـق بين لحظة وتغميض=ضـاع مني والخفوق اشتـبله
فــرق الله شمـلنـا مثل النفيض=فرقه ذعـذاع ريــح(ن) هــبـله[/poem]
......[/align]
[align=center] ...
(الفكسار )[/align]
[poem=font="simplified arabic,7,black,bold,normal" bkcolor="transparent" bkimage="backgrounds/4.gif" border="solid,3,royalblue" type=1 line=0 align=center use=ex num="0,black"]
...
طـوف يارعي الفكسار طـوف= وين انا وانت حيـل الله قوي
ابيض(ن) منتقـبه من الصفوف = بسـم راعيه ماهـو بكروي
ماخسر من دفـع فيه الولـوف= نازح الدار يطـويها طـوي
ماتحقه من السرعة بشوف= بس الاصطب يزمي ويهـوي
روح عصير قــدام الهروف= مـع طريق ام حزم المستـوي
فوقه اللي حوى زين الوصوف =ليت منهو معه دايـم خـوي
كن وهــاج خده والكفوف=بارق في خيـال لــه دوي
عين حر تنـهـض للعلـوف= اشقر هـد من كف بــدوي
ماطراله بعــد حرك وقـوف = ديرته دونـها الـذيب يعوي
لاقريب ولاهـو بمعـروف =والمراسيـل بالوصـف تغوي
--------------
-------[/poem]
[align=center]-------------
(شيخة الزين)[/align]
[poem=font="simplified arabic,6,white,bold,normal" bkcolor="transparent" bkimage="backgrounds/26.gif" border="solid,3,red" type=1 line=0 align=center use=ex num="0,black"]
شـيـخة الزين والحسن الفريد=
= ارثعت بالخفـوق وشاقته
في وســاع(ن)تهزاكبرعنيد=
=من غزت بالغرام استاقته
جادل حسنهاالطاغي شديد=
=والولع ياكثرعشـاقته
الله اللي عطاها ماتريد=
=واحرمه غيرها ماذاقته
لاقبلت كنها صبح جديد=
= وان تبسم ثغرها اشراقته
كن مابين خصروبين جيد=
= سـلة الورد واحلا باقته
شـيخ قوم يسولف مع عقيد=
=من زعل يعتزي في ناقته
صرت قـدامها كني بليد=
=مصـدرالفكر شلة طاقته
لوعلى القلب سـورمن حديد=
=بالرضى والغـصيبة واقـته
صرت مسيودفي ساعةلسيد=
=للنحر والهـدب وطراقـته
من عثت فيه ماحظه سـعيد=
=كان مازار مظلم عاقـته
ميرلامات ابونادرشـهيد=
=ياعساهـاتموت بساقته..[/poem]ا
[align=center]......
( دنيا الخيال )[/align]
[poem=font="Simplified Arabic,6,white,bold,normal" bkcolor="transparent" bkimage="backgrounds/36.gif" border="solid,3,deeppink" type=1 line=0 align=center use=ex num="0,black"]
ياللي دخلت المجمع وسط سوق العمار =يالـيتني من هل الديرة بحـيك نـزلت
ابا اسكن الشارع اللي تسكنه بخـتصار=تمرني في طريقـك لاظهرت ودخلـت
لاجيت يمـك مسير قالو الـناس جـار=وان جيت يمي على وضح النقاء ماسلت
ياكبرحـظ قصراك اللي يميـن ويـسار =واكبرحضيض الوليف اللي لمثله حصلت
سـبحان رب عطاك مع الجمال الوقـار= صورك باحسن تواصيـف البشر واكتملت
ياناس هذا الجمال اللي مهومستعـار=لوقلت ماشـفت مثله بالعرب ماخـجـلت
يوم اشتعل في هكالبة بـياض وحمار=الله سترماتـلـقـيت الخلا وانـهـبلت
اظـلم علي السـمـاء وانا بعـز الـنـهـار=كني عن الناس في دنـياالخـيـال انعزلت
نسيت ماجيتله يـوم الـتفت واستدار= مدري وش اللي يقول ولادراء ويش قلت
ياشين صمت الغريب ولحظة الانكسار=حاولت اعـبرعن اللي بالضمير وفـشلت
وقفت من غيرنظرة عطـف والاعـتـبار=والـناس في حالـها رضــيت والازعلت [/poem]
[align=center] _____
( من طبعه البوق )[/align]
[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="solid,3,orangered" type=1 line=0 align=center use=ex num="0,black"]
من طبعه البوق ماتصدق مواعيده=يامدعي بالنصاحة وانت غشاشي
لابد مايقتضي المسيود من سيده=المرتشي بالقضية يتبع الراشي
مثلت دورن تعرفه زين وتجيده=الظاهر انك تنافس طاش ماطاشي
لاتشرح الوضع مايحتاج وتعيده=العذرعقب الخطاء مايبردالجاشي
حل الوسط مايناسبني ولا ريده=مابيع بالدين مادام الوفاءكاشي
مليت من وضعك اللي زاد تعقيده=عواطف الناس ماتذهب على الماشي
من يوم مات ألآمل في سجن تابيده=ماني على مدة الاحسان معتاشي
نوهات فكري عن اللي مثلك بعيده=الحر لاونس دبيب النمل ماعاشي
راسي ينوش السماءوالرجل في بيده=الله ولاالموقف اللي يفرح الواشي
اللي يراودخيالي صعب تحديده=ارجيه رجوى النبات لمزنه الناشي[/poem]
[align=center] .......
( عبير الورد)[/align]
[poem=font="Simplified Arabic,6,white,bold,normal" bkcolor="transparent" bkimage="backgrounds/38.gif" border="solid,3,royalblue" type=1 line=0 align=center use=ex num="0,black"]
يامرحباياعبير.الورد..والياسمين=اعزواجمل تراحيب الغلا والحنان
ياللي تثيرالغرام وتفتن العاشقين=انت الذي تحتريه القافيه من زمان
غصب على العاصيات الشردلاجلك تلين=لعيونك السودتخضع لك بلاياعنان
الله عطا ك الجمال ومتعة الناظرين =واناعطاني غلاك وصرت له ترجمان
ان ماجعلت القصايد فيك ترطن رطين=حرمت نظم القوافي والقلم والبنان
حركت صمت الخفوق وذكريات السنين=الله يعنيك يالغروالغضيض الليان
من شاف صدرتغيب الشمس فيه وتبين=اللي كماجوهرالياقوت والكهرمان
بنفسجي الخـدودوخمري الاحمرين=والعود يوم يتثنى كنه الخيزران
حطمت بعض العباداللي جداهاالحنين=واشعلت نارالحسدبالمترفات الحسان
لولاغرورك بنفسك كل مافيك زين=مافيه مثلك يورالي ولا اظن كان
لوكنت في عصرهارون الرشيدألامين=سلمك حكم العراق ودولة التركمان
مثلك عليه الخطرمن نظرة الحاسدين=الله يعديك شرمسابقات ألآمان [/poem]
[align=center] .............
( صد وتبسم )[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/43.gif" border="solid,3,red" type=1 line=0 align=center use=ex num="0,black"]
صدوتبسم وارتهش متلف الروح =الله واكبر كيف نقض جروحي
يكفي كفايه ماجرالي من جروح=جرح المقابل عانقه جرح روحي
ليت المقابل ماحداني على البوح = وانا قبل مرتاح بال وسموحي
حتى تبين من تحديه منضووح= وسايل التاثير زادت وضوحي
الغيم مايحجب سناء واهج الضوح =والعين عن سر الدوافع تبوحي
خل الهدب يرقص على الخدمسموح =رقص الهنوف اللي بالاشقرتموحي
يامن جماله لويغطيه مفضوح= مثل الزهر نفحة عبيره تفوحي
لاتغري العاشق بالاحلام وتروح= يطرد وراء حلم سرابه يلوحي
لاصارمالك من تحديه مصلوح= ادخل على الله من دعاة الشفوحي
مدك وجزرك واهتزازي على اللوح = عاق اندفاعي ماتحقق طموحي
اغرقتني بالموج غرقة ولد نوح= واليا دعيتك للفرج قلت ماوحي
مدري على اي أساس يامتلف الروح = تقتل وتمشي بالحنازة تنوحي [/poem]
[align=center].......................
(جواهر )
[/align]
[poem=font="Simplified Arabic,6,white,bold,normal" bkcolor="transparent" bkimage="backgrounds/50.gif" border="solid,3,chocolate" type=1 line=0 align=center use=ex num="0,black"]
ياشبيه اللي على صدرك حلايا =عقـدجوهر فوق جوهر في جواهر
مـع جمالك خصك الله في مـزايا =اشهدانك يوم اشوف الناس باهر
في عـيونك مثل طابـورالسرايا=كن عنتروسطـها بالسيف شـاهر
من سببها ياكثرجـدع الضحايا= وانت شـاطربالهـوى صـيادماهر
من يشوفك لامشيت بـلا عبايا =دار حـوله ماينام الليل سـاهر
ماومرك الله تسوي هالســوايا =برقـع شـفاف واللي تحت ظاهر
كان في قلبك من الرحمة بقـايا= لاتمادا بالغرور ولا تجــــاهر
ادري انك ناوي قـشـرالنـوايا =ميرغيري مادراء والشـوق قـاهر
ماعلي اليوم زلات وخـــطـايا =جيتني كلي ذنوب ورحت طاهر
[/poem]
( احذر الموت )
[poem=font="Simplified Arabic,5,black,bold,normal" bkcolor="transparent" bkimage="backgrounds/44.gif" border="solid,3,blue" type=1 line=0 align=center use=ex num="0,black""]
يامن على صدره قريت احذر الموت = انا على الموت الحمر جيت كلي
جيتك مثل يونس من اليم للحوت = ان مادعيت دعاه محد(ن) فطنلي
كني عليك من الفضاء جيت مزتوت = يمك جذبني مغنطيس(ن) يتلي
من شاف من كنه جواهر وياقوت = وش يمنعه من نظرة العيت قلي
غزيتني باللي كما سحر هاروت = لو شافها فارس بني عبس ذلي
سود العيون اللي لها وانت جبروت = يخضع لها العاشق خضوع المصلي
صويب نظرات العطب منك مبهوت = ساعات والا لاتعده مولي
صحيح بعد الفوت ماينفع الصوت = لولا القدر ماكان هذا حصلي [/poem]
...
