ديوان الشاعر عبيد ابن علي الحميداني

[poem=font="simplified arabic,6,black,normal,normal" bkcolor="transparent" bkimage="backgrounds/23.gif" border="solid,5,black" type=1 line=0 align=center use=ex num="0,black"]
حييت يا الاب الزعيم=ياليثها مقدامها
حييت يالاب الحشيم=درع الوطن واحزامها
تبا شرت فيك القصيم= باسمك ترف اعلامها
ياواسع القلب الرحيم= الشعب وابوايتامها
يابوالارامل واليتيم= وضعوف عشت الامها
يوم اسفرت مدت كريم= حققت كل احلامها
يا خادم بيوت العظيم= انتم عمود اسلامها
ياعز شعبه والمقيم= محدن بضفه ضامها
يامن له العليا نديم= حملت تاج وسامها
زيزوم شعبً مستقيم= روس المعالي رامها
عديم بالعالم عديم= بالمجد بنا خيامها
وانتم اهل الفكرالسليم= شرع الحكيم احكامها
خدام البيوت العليم= يعلم ابسر ايامها
وليا طمع فيها الخصيم= تاطى الخصم باقدامها
وليا بغى القايد غريم= تمشي وهو قدامها
يضرب خصومه بالصميم= لينن يدق عظامها
قايد على شعبه حليم= امه وهو قوامها
طبعٍ لابومتعب قديم= ماغيره نمامها
الشعب في حبه يهيم= بقلوب زاد هيامها
نبات وسم وجاه ديم= شهرين من غمامها
حبٍ تغذيه النسيم= بقلوب مع حكامها [/poem]لشاعر عبيد بن علي الحميداني

--------------------------------------------------------------------------------

بمناسبة زيارة صاحب السمو الملكي امير منطقة القصيم الأمير / فيصل بن بندر عبد العزيز آل سعود محافظات المنطقة قبل عشر سنوات تقريبا حفظه الله


[poem=font="simplified arabic,5,black,normal,normal" bkcolor="transparent" bkimage="backgrounds/14.gif" border="solid,5,black" type=1 line=0 align=center use=ex num="0,black"]
تهني يالقصيم بفيصل البندر وسـوي عيـد=
=وهو عيد القلوب اللي من الفرحـة تهليبـه
وهو ساس العدالة والعدالة من هل التوحيـد=
=من أحفاد الزعيم اللي عطيبـات ٍ مضاريبـه
على زيارة سموه نعلن الفرحة بـلا تحديـد=
=من اعماق المشاعر يا هلا وألفين ترحيبـه
نرحب بك بدار ٍ في قدومك لبسـت الجديـد=
=من المذنب ماغن العلم وأمجـاده انباهيبـه
يشرفنا وجوده بينـا منـه النفـوس تزيـد=
=بأحاسيس الشعور اللي من العرفان تتنيبـه
تباشرنا بفيصل يوم جانـا نرفـع التغريـد=
=بعال الصوت مع حلو الكـلام اللـي نغنيبـه
سعادتنا بأبو بندر عظيمـة والنهـار سعيـد=
=والأسعد من نهار ٍ يجمع الشعـب بمعازيبـه
على حسن اختيار اللي لعمره نطلب التمديـد=
=عسى ربي يمدد في حيـاة الفهـد ويثيبـه
نحب الشجرة اللي ينتمي لجدورها الصنديـد=
=وحنا اللي ولائنا من وفانـا مـا نضاهيبيـه
وحنا اللي تكاتفنا به أشراف الشعوب تشيـد=
=على قو التضامن والعهـد والوعـد نوفيبـه
على حب الوطن واللي يقوده ما نبي تأكيـد=
=روت منه القلوب المخلصة ما عاد تصخيبـه
نسوق الروح والمجروح منا ما يبي تضميد=
=يشوش بماضي التاريخ والحاضـر يماريبـه
وحنا مكرمين الجار وأهل الكـار والضديـد=
=نوريـه الإهانـة ليـن عدوانـه تفليـبـه
نسدد به وسيعات المضارب بالنحر تسديـد=
=اليا خان الأمانة كسر جنحانه ثمـن عيبـه
دروس لكل خاين لا تبايـن نقطـع الوريـد=
=اليا طبله الوسواس قطـع الـراس تأديبـه
هدف عبره لغيره وإن تغير ما مشى بالسيـد=
=اليا تـاه الطريـق نغيـر الخطـة ونبديبـه
اليا اهتزت شوامخ نجد ساعة بالضديد يبيـد=
=شوامخ مجـد والتاريـخ ماليـتٍ مكاتيبـه
وحنا اللي على الإسلام نرفع راية التمجديـد=
=على الشرع الحنيف أبو الفهد جود مناسيبه
طلع عبد العزيز وقال لا عنتر ولا أبـو زيـد=
=انا الحاكم وراع الظلم حد السيـف يمضيبـه
حكمها بالشريعة منقذٍ شعبه مـن التشريـد=
=جمع شمل الشتات وقال ترع الشاة مع ذيبـه
قطع جرد الفيافي يوم جاها وسهـال الريـد=
=هاذي دار ٍ يصبحها وذيـك الـدار يمسيبـه
فضاها لين صفاها من أهل الحقـد والتنكيـد=
=وراها الحنان وبالأمـان أوصـى مناجيبـه
معد ما أمن حدوده وأطلع انجاله على التحديد=
=اوصاهم بالتكاتف والوفا والديـن يوصيبـه
رحل لجوار ربه واستلمهـا ممـن الرعديـد=
=حملها سعوده من يعده وكثر الخير من طيبه
وسلمها الفيصل واستلمهـا والعـدو شهيـد=
=على حسن الإدارة لين جـا للمملكـة هيبـه
رفع من مستواها بالسياسة وأخمـد التنديـد=
=وعـزز مـن مكانتهـا وطورهـا بترتيبـه
نشر دين السلام وحارب الإلحـاد والتهديـد=
=وقال المسجد الأقصى لنا وأوعـد يصليبـه
وسلمها الخالد والرخاء في عهـده الفريـد=
=على درب الشريعة منهجه والعدل يمشيبـه
خالد في عهده الزاهر فعوله خلـدت تخليـد=
=تبي تبقـى مـع الأيـام للأجيـال تحكيبـه
صليب الرىي محمود الفعايل والفهد عضيـد
=وسلمها الفهد يوم الفهـد ينطـح مواجيبـه
تنطح معجزات الكون في فكر ٍ مـداه بعيـد=
=يفك المبهمات برائي ياخـذ لـه ويعطيبـه
فهد هو فزعة المظلوم للمضيوم مثل الحيـد=
=بضفه يمن الخايـف وراع الحـق يدعيبـه
حكيمٍ بالمواقف لا عطى رايـه لـه التأييـد=
=ثبت يوم الكويت بعزوتـه قامـت تناديبـه
تنهض واعتزا بالعزوة اللي هزت أهل الكيـد=
=شعوب الأرض تشهد له وترسل له مناديبـه
وقال الحق واضح والمواقف ما بهـا تمديـد=
=على صدرم سوى الرحب محكمـة لواليبـه
تبشر يا الكويت بشعبك اللي بالثلاثاء عيـد=
=عقب وقفة فهد شعبك تباشر فـي معازيبـه
ولي العهد عبد الله وفعلـه بالفعـول يزيـد=
=على ناس ٍ تبي مثله ولا تقضـب مقاضيبـه
أقول يوم انا من لابت ٍ يصغي لهـا العنيـد=
=أبيوم تشهر العـزوة ويفخـر بـه مثاريبـه
مطيري والمطيري ما يعرف الغدر والتسريـد=
=على وضح النقا يافـي ويستافـي مطاليبـه
[/poem]

[poem=font="simplified arabic,5,white,normal,normal" bkcolor="transparent" bkimage="backgrounds/21.gif" border="double,5,blue" type=1 line=0 align=center use=ex num="0,black"]
( قصيدة نقد )




يالله ياالمطلـوب ياخيـر مطـلـوب=
=يادائـر الافـلاك ياعالـم الغـيـب
يامرجعٍ يوسف على ابـوه يعقـوب=
=عقب المغيبـه والعنـا والعواقيـب
وفي قدرتك عافيت واشفيت لأيـوب=
=ياخير مـن نرجيـه واف المطاليـب
تفرج لقلـبًٍ كـن يصـلاه لاهـوب=
=كنـه يحاضـي حاميـات اللواهيـب
يدق بـه تسعـه وتسعيـن دالـوب=
=ويبست غصونه والضمائرمحاطيـب
كنـه يتلـه مـن عراويـه كالـوب=
=تشالعـه بيـن الضمائـر كلالـيـب
أسباب وقتٍ عـن مجاريـه مقلـوب=
=افتـرت الاقـدام قفـو العراقـيـب
قام يتخطـى بالقـدم كـل عرقـوب=
=توقـظـو ياالقـلـوب المـواريـب
في وقتنا اللي خاف ظن كل مجروب=
=وطول هقـاوي تاركيـن المواجيـب
وقتٍ به الا نذال تمشي على صـوب=
=وقام الثعل يشره على فرسة الذيـب
وراع النميمه شفته اليـوم مرغـوب=
=يمشي بوجهً طلـق مابـه عذاريـب
اللـي لـزلات الاجاويـد كـاسـوب=
=من المورشين ملا حقين المشاهيـب
اليا حكالـك قلـت مافيـه عـذروب=
=يرتب الكذبه علـى الكيـف ترتيـب
وان قام من عندك كسب منك مكسوب=
=وداه اللـي جـاب منـه الاكاذيـب
الله لايثـري ثـرى كـل الاســوب=
=يارب سربهم عـن القـاع تسريـب
وصلاة ربي عـد حـرفً بمكتـوب=
=وعدادماسارالقـلـم بالمكـاتـيـب
على نبـيً عنـد الاسـلام محبـوب=
=نبيا اللـي صانـه الله مـن العيـب [/poem]

[poem=font="simplified arabic,6,black,normal,normal" bkcolor="transparent" bkimage="backgrounds/12.gif" border="solid,5,black" type=1 line=0 align=center use=ex num="0,black"]
مبداي بسم الله على كل ما كان=
=علاَّم ما يطري على المود ماني
الواحد اللي فارض ٍ خمس الأركان=
=منه الوفاء فيه الرجا والأماني
هذا وصلى الله على نسل عدنا=
=المصطفى المرسل بعلم البياني
الله ختم برسالته كل الأديان=
=ووعد على نهجه نعيم الجناني
عسى لنا في جنة الخلد مسكان=
=في صحبة الهادي رفيع المكاني
وأطلب بعد ذكر الولي عالي الشان=
=لعل ربي للصواب ايهداني
الشوق يدفعني وانا منه طربان=
=في طيب السيرة وزين المعاني
اليار هجت الفكر في بعض الأحيان=
=هجسي اليا ناديتله ما عصاني
احساس له مقياس معنى وميزان=
=بأبيات تحمل فرحتي والتهاني
بجدِّي ومجهودي على قدر الإمكان=
=عن ما يكن الصدر عبر لساني
باللي تعلَّى اسمه على راس مان=
=نايف على النايف تعلَّى وباني
حييت يا نايف سلايل كحيلان=
=المطلق اللي ما براسه عناني
للمدح نيشان ٍ وللمجد عنوان=
=يظهر مع التاريخ في كل اواني
متوارثين الطيب شيب وشبان=
=بالجود والحكمة وحد السناني
شوخ ٍ سمو بالمجد في كل ديوان=
=لهم فعول بينات وحساني
من الجديد ومن قديمات الأزمان=
=حطولهم فوق المباني مباني
صقور حوم وبالمفاريس عقبان=
=وفرسان لاركبوا بنات الحصاني
فرسان تخشاهم صناديد فرسان=
=اليا قطَّعت بين السلوم العواني
تمت وصلوا عد ما هل ودان=
=وعداد من صلى وصام رمضاني
على النبي الهاشمي نسل عدنان=
=المصطفى المرسل بعلم البياني [/poem]هذه القصيده في وزير الداخلية

[align=center]بسم الله الرحمن الرحيم [/align]


مناسبة هذه القصيده هي مدح في صديقي الوفي الاستاذ\على بن سعيد الغامدي.. وعندما ذهبت إلى زيارته في منزله الجديد علمت أنه قد ذهب للعلاج إلى الخارج..فقلت هذه القصيده.....


[poem=font="simplified arabic,5,sienna,bold,normal" bkcolor="sienna" bkimage="backgrounds/19.gif" border="ridge,4,darkred" type=1 line=0 align=center use=sp num="0,black"]
عمار يا بيتٍ بنيته على الطيب=ساسٍ على طيب المبادي بنيته

على الكرامه والفخر والمواجيب =منصب وديوانٍ زهاك وزهيته

يابو محمد يا حصان الاطاليب= في غيبتك كم لازمٍ ماقضيته

كان الوفا عذروب كلك عذاريب=وأنت الوفا ياما وياما عطيته

الله يردك للوطن عقب تغريب =ولعل يسلم منهو البيت بيته

علي زبون الماقف الصعب لاهيب=لا عاد يوم جيتله مالقيته

الصافي الوافي مهدا الاصاعيب=قرمٍ تزبن وقفته لا نصيته

سهيل يظهر بعض الايام ويغيب =ولا أنت طيبك لابديته بديته

ماصار شي مامضاله تجاريب =فعله ومعروفه ومجده وصيته

لو المراجل دربها دايم صعيب =له هقوةٍ من فوق طيبٍ هقيته[/poem]

ملاحظه القصيده من عام 1421 هـ

الشاعر\عبيد علي الحميداني...

[align=center]هذه القصيده كتبتها رثاء في الامير ذعار بن عقوب الحميداني

http://www6.0zz0.com/2008/11/20/21/309761060.jpg

امير قبيلة الحمادين من مطير

الذي توفي سنة 12/12/1398هـ

كان للامير مواقف مشهوده بحل المشاكل والوقوف في مواقف الطيب مما جعل كثير من الشعراء

يشيدون بطيبه في قصائدهم ..وقد احزن وفاته الكثيرين واكبر مثال على ذلك هو ماقاله وزير الداخليه الامير نايف بن عبدالعزيز ال سعود عندما علم بوفاته حيث قال ان الدوله فقدت احد رجالها الاوفياء ,


وقد رثيت الامير ذعار بهذه القصيده التي عبرت فيها عن حزني الشديد بوفاته يرحمه الله

[poem=font="Simplified Arabic,5,black,bold,normal" bkcolor="transparent" bkimage="backgrounds/39.gif" border="groove,4,gray" type=1 line=0 align=center use=ex num="0,black"]
عسى السحاب اللي مزونه مزابير = تلعج بروقه والرعد في خياله
يهل ودانه على منبع الخير = دارن صليب الراي شرقي شماله
يسوق غربيه ثعول الشخاتير = حد السهل مابين عرقه وجاله
على قبر شيخن يفك المقاصير= من لاذ في ضفه نعم في ظلاله
ذعار عوق اللي براسه سعاطير = وعز الوحيد اللي قصارن حباله
لامنها قلة عليه التباصير = في ماقفن يتعب عيال السلاله
له وقفتن يبعد بها الفكر ويحير = وقفة شرف ماهي مواقف رزاله
حلحيل ماحالو عليه المناعير = يفرهم فر الرشا للمحاله
مرحوم ياللي له معزه وتقدير = عند الرجال اللي لهم كل قاله
له عند سمحين الوجيه المسافير = مكانتن يصعب لغيره مناله
ياليت ماحالن عليه المقادير = لينن كلن يلحقه شف باله
لوكان ماجاني من الربع تقصير = لاشك وقفاته وفعله لحاله
مرحوم ياللي مايعرف المعاذير = دون الرفيق يسوق حاله وماله
منه الطيور اللي بليا دناقير = تشره بعالي ما اعتلا من جباله
ولو صار في بعضاة الاحوال تغيير= الساس طيب والبقاء في عياله [/poem][/align]


[align=center]عبيد بن علي الحميداني [/align]

[align=center]من غزليات الشاعر ( عبيد علي الحميداني )
:rose:[/align]
يا [poem=font="Simplified Arabic,7,seagreen,bold,normal" bkcolor="sienna" bkimage="backgrounds/23.gif" border="inset,4,deeppink" type=2 line=0 align=center use=sp num="0,black"]
ياصاحبي والله والله منساك = لين النصيبه تركز فوق راسي
لحل عندي يا هوى البال طرياك= تجزي عيوني عن لذيذ النعاسي
أورتني يا صاحبي حوض الأدراك = خليتني ما بين فكر وهاجاسي
وان كان تهواني مثل ماني أهواك= ترى الغلا والحب ما فيه باسي
مطلوبنا رشحت عطش من شفاياك = تخضر عروق القلب عقب اليباسي
غير الرجا في رحمتك كيف ابقواك = من ناس وانته من مقاديم ناسي [/poem]
-*¤ô§ô¤*-[align=center]ومن غزله أيضا[/align]-*¤ô§ô¤*-

[poem=font="Simplified Arabic,7,blue,normal,normal" bkcolor="sienna" bkimage="backgrounds/5.gif" border="ridge,4,darkred" type=1 line=0 align=center use=sp num="0,black"]
الله من دمع ٍ عيوني تزجه = وشوف تالي دمعها دم لاكج
على وليف ٍ تل قلبي ورجه = اصفر عفر مملوح في وصفه أدعج
لولاه ما حفيت القدم يوم أسجه = ربيع قلبي لا تبسم تغنج
ولا سم حالي مثل ريحا تنجه= وخده كما برقاً بالاظلام يلعج
والعنق عنق اللي رتع عقب هجه = ريماً عقب ماهج عن مرتعه سج
اقفا وخلاني على غير حجه = لا جاه مني شي والزين محتج
وغديت أنا والقلب عقبه ابصجه = وعليه عيني دمعها قام يزعج
عليه دمع العين قامت تكجه = وقلبي ابشلفا ذياب يطعن ويلخج
عقبه ضميري كل هاجس يلجه = وان جيت عذله قام يزداد ثملج
اجاذب الونات والصدر افجه = ولابدها عقب العسر ما تفرج
يا ابو محمد صاحبي وين وجه = والله ما ادري عقبهم وين ابنهج
اقفا على جمس ٍ كما المزن عجه = واتلاء العهد يوم ٍ سمك خلفه العج
وعزي لمن غبر الليالي تضجه = وراع المحبة بالخطر لو تعلج[/poem]

[align=center]هذه القصيدة مسنده للشاعر الكبير مجهول بن محمد المجهول العبيوي[/align]
[poem=font="simplified arabic,5,black,normal,normal" bkcolor="red" bkimage="backgrounds/11.gif" border="none,6,gray" type=1 line=0 align=center use=ex num="0,black"]
[poem=font="arabic transparent,6,black,normal,normal" bkcolor="tomato" bkimage="backgrounds/11.gif" border="solid,5,orangered" type=1 line=0 align=center use=ex num="0,black"]
يا راكب ٍ من فوق زين الطرازي = جمس ٍ يشوق دريوله في نزيزه
بكس ٍ جديد مجهز ٍ بالنجازي = وموقف ٍ من يوم جاء من حفيزه
ماشاف بر ولا مشى مع نوازي = توه على التمرين يعجب فزيزه
صنعة خبير ٍ صممه بامتيازي = على مديلات السنة فيه ميزه
عين الجراده وصف والليت غازي = وياخذ من الخارم قفاه وخزيزه
الكشن مخمل والمفارش شيرازي = ارضيته سجاد وافخر كنيزه
هومنوة اللي زاد جرحه وحازي = صبره نفد وهان نفس ٍ عزيزه
يلعب بي التفكير والهم لازي = من صاحب ٍ بالود يا بعد ميزه
الصاحب اللي من شقاه امتوازي = عندي جنيه وغيرها صرف بيزه
حبه برحالي وجددت حزازي = وغديت أنا والقلب عقبه بكيزه
أشكي على عقب الرجال العزازي = مجهول حيثه بالجماعة غزيزه
يا أبو محمد عنه ماني بعازي = حيثه يجوز وذاك فوق المجيزه
منساه لين طويق ينصاء الحجازي= والصلب يصبح نازل ٍ في عنيزه[/poem][/poem]
[align=left]الشاعر عبيد علي الحميداني[/align]




[align=center]رد الشاعر مجهول بن محمد المجهول العبيوي المطيري[/align]
[poem=font="arabic transparent,5,black,normal,normal" bkcolor="orangered" bkimage="backgrounds/12.gif" border="solid,5,tomato" type=1 line=0 align=center use=ex num="0,black"]
سر يا قلم واكتب سلام وتعازي = للي شكا جرح ٍ غرز به غريزه
رمح المودة صايبه بارتكازي = لين ٍ جرحه عذبه بتهميزه
وهذه سوات الحب ما بهم هازي = ولا فيه قلب ٍ ما ركز به ركيزه
وحنا جزا شكواه له نا نجازي= بتعجيزة اللي ناوياً بتعجيزه
كان الحميداني يهوم المغازي = ويخاف من بعض العوايز تعيزه
يشرح لنا أسبابه ويرقى العزازي = والله عطاه من اليمن للحويزه
يشمل ويجنب هايز ٍ ما يهازي = ويلطم بكفه نادر ٍ مع لزيزه
وكنه براس النير والا خزازي = عن هز رمح المعتدي وتهويزه
لين يتهياله عنود الجوازي = قايد هجيج الصيد عقب تحويزه
اللي على جيله خذا الامتيازي = بالزين والمذهب وعقله وميزه
ما وقفت رجله بدرب المخازي = ولا خف روزه عند من يستريزه
ولامن ابن علي له الكيف جازي = حنا نجوز اليا لقى ما يجيزه[/poem]

[poem=font=",6,teal,normal,normal" bkcolor="transparent" bkimage="http://manab3-alteeb.com/vb/mwaextraedit2/backgrounds/90.gif" border="double,4," type=1 line=0 align=center use=ex num="0,black""]



يقولون العرب شف لك اسنافي =رفيقاً لاوقف يبرى الحسوفه

ليا وضحت له دعواك كافي=عريب الجد من ناس معروفه

واناليه عضيدا مايخافي =سعيدوالسعد باول حروفه

اخوي ان عض بي رووس الضلافي=ليامن الزمن كثرت صدوفه

يجيني لو زمادوني فيافي= على اللي ماب قلبه له مروفه

ليامن زاد له جاك امتكافي =كمااللي تعطب الخارم كفوفه

وانا ياعزوتي جاني خفافي=وقلبي فيه وهاجن يلوفه

بوسط القلب نارن ماتشافي= تساعر بالحشى وذوة بجوفه

على اللي مايروف ولايجافي=يمانيني ولاشفت معروفه

يواعدني والابالوعد يافي=ويلجالي لياطريت النكوفه

ابو خدن كماء البلور صافي=وعنق وعين وصفه من خشوفه

غضيض العودوالاالبطن هافي=مليح القد حلواتٍ وصوفه

ليا منه مشى والثوب ضافي=عن السيقان شالنه اردوفه

عليه اصخر جديداتالقوافي=عسى عيني تهنى لوبشوفه

[/poem]

[poem=font="simplified arabic,6,red,bold,normal" bkcolor="transparent" bkimage="backgrounds/13.gif" border="solid,5,red" type=1 line=0 align=center use=ex num="0,black""]

يا هل البيوك اللي مشى لرياضي= تريضولي ساعةً ماتريضه

لينني كتب في جديد البياضي= تعبير عن موجس بحالٍ مريضه

وقلبي اللي بين الاضلاع جاضي= من حر مايوجس تزايد جضيضه

على وليفً رحت ماهو براضي= لاعود الله ساعةً تا تغيضه

ترف الشباب اللي نهوده غضاضي= صده سبب جرحي وبعده غميضه

طفلٍ الياسلهم بسودً غواضي= يفرض على راع المودة فريضه

يفرض عليه يقض حاله قضاضي= وعينً شقت بزين ماهي حضيضه

الخد برقً في دجى الليل ناضي= والعود زملوقً نعم له ابفيضه

هذى سبايب غيرتي وعتراضي= اخاف دم القلب ياقف نبيضه

ويصير من بعده على القلب حاضي= واروح بعلومٍ طوال اوعريضه

يا ليت يوجد للمحبين قاضي= اشكي له جروحٍ ابقلبي نجيضه

يفزع القلبٍ كن يصلاه لاضي= ليننه اذوا اليوم مافيه عيضه

لولا ضلوعٍ يردعنه عراضي= عانق الطيور الجو عجلٍ فضيضه

صبرت صبر اللي تعرض رماضي= حافي وبا لكنه على حمو قيضه

علي يامضوق وساع الاراضي= الله يزيل اهل القلوب البغيضه

[/poem]



الشاعر عبيد بن علي الحميداني

[poem=font="simplified arabic,6,black,normal,normal" bkcolor="transparent" bkimage="backgrounds/11.gif" border="solid,5,black" type=1 line=0 align=center use=ex num="0,black""] يا الله يا عالم خفيات الهداف = يا عالمٍ باهداف من لا كشفها

الواحد الفرد الصمد مغن الأضعاف = عقب الفقر كلن يعيش بطرفها

افرج القلب يطرقه ولف وعياف = بامل الرجا والياس حالي نحفها

قلب ٍ غدا للهم مشتى ومصياف = سبع سنوات وثامنتهن نصفها

يلعب به الهاجس على جال مهياف = هجس الأمور اللي طواني صلفها

لو إني انشر قصتي بين الأسلاف= من ساس مبداها وأبين هدفها

يمكن يقولون الحقيقة وتنشاف = ولا على منش النواشي خلفها

دنياً غذت روحي على سم الأتلاف = ويمكن غذا روحي سبايب تلافها

نركض مع الدنيا والأيام زلاف = فينا لدار ٍ فاتنا أول سلفها[/poem]

الشاعر عبيدبن علي الحميداني

عزيز النفس;

[poem=font="simplified arabic,6,black,normal,normal" bkcolor="transparent" bkimage="backgrounds/11.gif" border="solid,5,red" type=1 line=0 align=center use=ex num="0,black""]

هذه القصيده مجارة بيني وبين الشاعر جزاء بن صالح الحربي

الله من قلبٍ عناه إجتمعله =بأقصى الضلوع المهدفات المحاديب

هم وهاجوس ونونٍ ربعله =يلفي به التفكير لحظات ويغيب

لحظات ود وطيف من لا نفعله =غض معذبني من العام تعذيب

غض ملك روحي وقلبي خضعله =كما يخضعون الخدم للمعازيب

وده سعر في بسرة القلب شعله=نار الغرام وذوب الحال تذويب

هايف بقلبي لين قلبي هزعله =كما يهزع النود غصن النبانيب

ويومٍ تولع في غرامه وضعله =سم العذاب وجور نقمه وتاديب

يرعى غصون الروح همه وفعله =منه الضماير يابسات ومحاطيب

ليا هرج يحتار من يستمعله =يعطي عن الخافي مواجز باساليب

ويابعد نوهاته على من طلعله =أبعد عليه من النجوم المراقيب

قتال من هام بغرامه ركعله =ركعة خشوع بوقت اجابه وترهيب

الياشلع قلب المولع زرعله=الغام حرب يفجرن اللواعيب

الحر الاشقر لو بغاه وكسعله=دونه سريعات السهوم العواطيب

أشكي على اللي من تضايق فزعله =قرمٍ من اللي ينطحون المواجيب

جزاء ليا قام الفضاء يتسعله =وليا وقف عندي تهون المطاليب

أشكي عليك الحال من ماوقعله =حالي براه الهم يامركز الطيب

وراع الهوى لو كل طبن اجمعله=علاج طراد المها عسر وصعيب

كم واحدٍ جيب الدواء مانفعله =يمسي مثل ما اصبح مع الشك والريب

إلا ليا من الحبيب إلتذعله =بليلة فرح وابدى المحبه بترحيب

الشاعر /عبيد علي الحميداني

[/poem]



[poem=font="simplified arabic,6,black,normal,normal" bkcolor="transparent" bkimage="backgrounds/8.gif" border="solid,5,darkblue" type=1 line=0 align=center use=ex num="0,black""]

الرد جزا صالح الحربي



حي الجواب وحي من هو دفعله = اهلا هلا به مرحبا والتراحيب

بالشاعر اللي يوم شب الولع له = يشكي علي من غرام الخراعيب

قلبه الياهب الهوى ينهزعله = خص اليا شاف البنات الرعابيب

ويشكي هوى غرو فواده هرعله= هرعت قطامي(ن) شلع من مراقيب

ويقول قلبي ياجزاء ينجزعله = من حب شخص شيب الراس تشييب

والقلب من بين الضلوع اندفعله = ولو عذلوني مال قلبي مجانيب

حبه بقلبي والضمير انطبعله = من كنت انا وياه نجمع لعابيب

وانا مالوم عبيد من ما وقعله = وكنعان قبله ماصفتله مشاريب

البيض بالطيار يوم انخدعله = خذن جواده وفعلنبه تلاعيب

وهذا الهوى ياعبيد للي طمعله = راعيه دايم في ضميره مشاهيب

وقيس الملوح حبهن مانفعله = ماغير سون فيه بعض التجاريب

وياعبيد يوم ان الهوى ينطمعله= وانته وانا مابين عشق وتعاجيب

عشناه يوم ان الهوى ينتبعله = مع مترفات تنهب الروح تنهيب

واللي مضى ماظنتي ينرجعله = من يوم طاحت من ايدينا المقاضيب

وعبيد له بالحب رأي ربعله = والراي نوبن بالخطا ونوبن مصيب

لاشك انا محتار مما وقعله = ولافيه معبار نجي معه ونجيب

ليته وصفلي بأي دار نجعله = حتى على شانه نزود المناديب

يشكي ويقول القلب زاد الوجعله = وحنا عن صويحبك مانعلم الغيب

وياعبيد ما وضحت وين السنعله = خلك مع الاصحاب والا الاجانيب



[/poem]

مشاءالله يابو محمد ديوان مكتمل بالقصايد الجزلة و بكافة اغراض الشعر

ويستحق القراءة وكذلك الاستفادة ..


صح لسانك مليوووووون وشهادتي فيك مجروحة


تقبل فائق تحياااتي


..

الــــلـــه الـــــلــــه
ماشاءالله عليك يابومحمدقمه الله يعطيك العافيه على هالقصايداللتي كماعقوداللولوالمرصع بالذهب


لك مني جزيل الشكروالتقدير

الله هالله عليك يابو محمد وين المستخبي هذا من زمان
وربي مبدع ولا اروع هذاي الابيات الحلوه والقصايد الجميله

تقبل مروري يابو محمد
ولك اجل احترامي

اخوك ابو فهد

الله يعطيك العااااافيه يابومحمد


تشكيل رائع بالقصائد الجزله


صح لسانك مليون


وتبقى قائد الشعر يابومحمد لله درك

صح اللسانك يابو محمد على هالديوان والله انشاءالله لتاخذ البيرق وانا اول المرشحين

اخواني يسعدني مروركم يالغالين
واشكركم جزيل الشكرعلى مشاعركم الطيبه
تقبلو تحياتي

صح لسانك يابو محمد وتقبل تحياتى لشعرك 0 ولترفعك عن كثير من مهازل والمهاترات فى المنتدى

اخوي الحميداني العود
يسعدني مرورك يالقرم
واشكرك جزيل الشكر على النصيحه
وتقبل ارق التحااااااااااااااااايا

ابومحمد صصصصصصصصح لسانك شاعر جزل بكل ماتحتويه الكلمه وغني عن شهادتي وشهاده غيري الاكيد شبعت شعر وجزاله .وبيض الله وجهك على الديوان الرائع...تقبل مروري .

الله الله يبو محمد على هالابداااع والله تمتعت بقراْت القصائد الرائعه تقبل مروري ياغالي