http://i2.tagstat.com/image01/0/1331/003j05241cN.gif
شـارع اوجاعـي يمـرك وانــت لوجـاعـي مديـنـه
واللقاء مـا عـاد لـه فـي خاطـر المجـروح داعـي
لا ضميـت اشـرب وفـاه ولا رويـت اضمـا حنينـه
بين شربـه والضمـا ضاقـت بـي فجـوجٍ وساعـي
السهـر لـي بحـر وهـمـوم الـمـوادع لــي سفيـنـه
تهـت فـي هـاذي وهـاذي وانغـرق منهـا شراعـي
حسرتي في داخـل أضلاعـي مـن اللهفـه سجينـه
مـا نزفـت الا غـلاه وحلمـه مـن الـزيـف ضـاعـي
صار لي زفره ونا صـرت لـه دمعـه وسـط عينـه
والمشاعـر لـه مـن أعماقـي تقـل سمـعٍ وطـاعـي
كـل مـا جـانـي سريـتـه والخـطـاوي لــه حزيـنـه
طـيــف سـرانــي لـمـرقـاب المـحـبـة بـانـدفـاعـي
يـا وجـودي وجـد مـن تصفـق يسـاره فـي يمينـه
ما غمض له جفن طول الليـل فـي مرقـده واعـي
بـيــن سـنــدان السـنـيـن ومطـرقـتـه الله يـعـيـنـه
خافـقٍ بأقصـاه شمـعٍ مـن لهـيـب الـوجـد مـاعـي
واهـنـي الـلـي مــن الأيـــام مـــا ضـلــى رهـيـنـه
للقـلـوب وللـنـفـوس الـلــي مشـاعـرهـا تـبـاعـي
دالـــهٍ والـبــال خـالــي مـــن هـواجـيـسٍ دفـيـنـه
مـا شكـى جـرح الليـال الـلـي عواقبـهـا التيـاعـي
قالـهـا الـلـي بـــاح ســـده بـعــد حـدّنــه سنـيـنـه
لـلـفــراق ولـلـتـلاقـي والـمــواجــه والــوداعـــي
فـرق شاسـع يـا الـدروب الضايعـه بينـي وبيـنـه
له من اقصى القلب صيتٍ يا حروف الشعر ذاعي
عـلـمـوه أن الــفــؤاد الـمـهـتـوي بــيّــح كـنـيـنـه
تقـنـب ذيــاب الضـلـوع الحانـيـه لجـلـه جيـاعـي
مـا نسيـتـه لــو نسيـنـي لهفـتـي مـثـل السفيـنـه
تبحـر فـي بحـر السنيـن الماضيـات بـلا شراعـي
من اختياراتي
