عرض للطباعة
بسم الله الرحمن الرحيم
وعليكم السلام ورحمة الله وبركاته
كلي اعتزاز واحترام الي اطيب شخصيه عرفها المنتدي
واطيب قلب ((ابوغزوي ))
سيدي كلي احترام الي شخصك الراقي وتقديري لك
هذه الصفحه ستكون لك لتحدث من خلا لها عن الابل والبر وصيد بكل انواعه
وذالك تقدير الي شخصك الكريم
الهنووف
اقتباس:
المشاركة الأصلية كتبت بواسطة الهنوووف
اشكرك من اعماق قلبي لكي يااخت الهنوف على اتاحة الفرصه لي للتحدث عن الابل عطايا الله
والبر والصيد باانواعه ونبدأ بالابل:
الابل في منظوري انا مافي احد بكره الابل والابل لو ماكنت تملكها تحبها انا من الناس اللي يموت
في الابل واخص الصفر اباعر مطير والوضح ماهو عشان انا نملك اباعر صفر لاوالله بس هذا
حب من اول ولاشديت من مكان الى مكان وانت تسوق الوايت صراحه شعور لايوصف ولاحلبت
الخلفات وشربت من حليبها والا الرغاه مع التمره والابل قدامك صراحه اختي الهنوف احلى شي
بها الحياه راحت البال والله لاتجدينها بعد ذكر الله عز وجل الا عند البل واليا سمرت وعندك رياجيل
عليها العلم صراحه وانا من الناس اللي ماعاد اروح للبل واجد نظرا للعمل وظغوطه مااجي من الدوام
الا وانا متهلش يعني تطلع من الدوام ويبقى عن دوامك مثلا بكره 16 ساعه هل هي تكفي للجلوس
مع والدينك واهلك والا جماعتك والا العزايم والا الخ بس لك يومين بالاسبوع وتقول ساعتين
والله يعين بس هذي الحياه تبي اللي يشتغل ويكد على اهله ويغني نفسه بنفسه......
اما البر آآآآه ياانا احب البر لو حنا بعز القيض لصيد الضبان والا اذا رحت للبل والا اذا شدينا
الكلام هذا قبل الوظيفه بس الان ياليت افضى لااهلي بس والا اذا صيدت الضبان ومعك الخرازه
والا الشوزن والا ارانب او ضبا او غزلان او وبران بس هذي كلها ماتوجد الا بالشمال وكلها
محميه حنى الحضر يموتون بالبداوه والبر والصيد والابل فمن يكره كل هذه واخير يعجز الكلام
عن الابل والبر والصيد فاوالله يااخت الهنوف انك اعدتي ذكرياتي وانا لاهي بها الدوام الله يخارجنا
منه متى اكمل 25 سنه عشان اتقاعد :angel: باقي لي 23 سنه من التقاعد الله يلحقنا خير
ان شاء الله اشكرك جزيل الشكر يااخت الهنوف على الاستضافه الجميله وتقبل ودي وجل احترامي
قمة الروعه ابوغزوي ونحن بأنتظار الجديد
http://www.66n.com/pics/hosted/3zqyk...f6haf5p26i.jpg
هذي صوره من صور حليب الخلفات بس ماهو حليب اباعر وتعرفون ان حليب
البل ازين من حليب الدنمارك وعن قريب راح اصور لكم اباعرنا واباعر الحمادين اللي
بالثامريه وام طليحه واللي حولنا بااذن الله واللي بالنفود عندنا
يهلا ابو غزوى ونحن بأنتظارك اخي العزيز