من قديم الشاعر ناشي الصخيني ولا اروع
[poem=font="simplified arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]
على الله ياهجوس الشعر والميدان ياحميدان =جزيلات القوافـي ودي أطرقهـا وأغنيهـا
سرى ليل العرب والنوم خله ينفع النعسـان =وساعات المواقف مالها إلا مـن يهقويهـا
أشيل الحمل وآقفبه وأزوزيبه مثل شقـران =ولا تشكي متونـي والحمولـه ماتشقيهـا
أسج الرجل مع درب النشاما وأترك الرديان =امشيها وأنا في قطعت الفرجـه مضريهـا
أروم الطايله باللازمه وأصهل صهيل حصان =وقواف" مالها معنى هجوسـي ماتسويهـا
بيوت الشعر اثبتها واراصفها على الميـدان =بعد ماحضـرت وزنـا" تحيينـي وأحييهـا
أصوغ البيت وأحوفه عن المنقود والنقصان =وأصـور بالقصيـده مايليـق بقوافيـهـا
صخرت البيت من دافع محبة شرد القيفـان =ونحت الصخر والقمه بفضـل الله معديهـا
أطرز بالقصيده طرز من لولو ومن مرجـان =عشان المستمع يطرب لها من يوم يوحيها
أروضها وأطوعها بليا سـرج وإلا عنـان =بأوامر ناتـج المفهـوم أمشيهـا وأقديهـا
لها خلف الضلوع العوج مدهال ولها مسكان =اوردها على عد القصيد العـذب وأرويهـا
يدور الكون والأوقات بأمر مدبـر الأكـوان= يسيرها ولي العرش حسب أمـره يمشيهـا
ألا ياوقت يالي فيك كثرة شهـرة الفرسـان =صقاط" في زمان العوملـه كثـرة مغازيهـا
غزى الساحه شواعير" بلا معنى ولا عنوان= نشوف العله القشـرا ولا نقـدر نداويهـا
رجالا" مبتليـن الشعـر بالقيفـان والأوزان =هذاك بيوت كاسرها وذاك بيـوت شاريهـا
حداهم لانشدته قال أنا المبدع وأنا الفنـان= وأنا صاخر قوافيها وأنا مسـس مباديهـا
يحسب أن القصايد هرج يم فلان وإلا فـلان= يجر الصوت مايـدري ومسباحـه يلويهـا
لقى ناس" تطبله وجاه من الطبـل زيران= نفسه ببدع القـاف والقيفـان باليهـا
يبي صيد المعاني مير كنه طير أبن برمـان =يشيل الكلمه العوجـا وبالساحـه يوطيهـا
غريبه شخص يارد عد ويصدر منه ضميان =مصيبه ياعساني في زماني مابتلش فيهـا
أعزتهم قنوات الفضاء والفضـل للرحمـن =وخلتهم شواعيـر" تفاخـر فـي معانيهـا
قناوات" لها منـي تحيـات ولهـا عرفـان =حوت موروثنا الشعبي بحاضرها وماضيها
وأنا ماعم كل الناس به ناس" لهـا ميـزان =شواعير" تشرف فـي قصايدهـا وطاريهـا
مشاكل مالقينا حلهـا مـع دورة الأزمـان =مع الأيـام زادت وأبتلشنـا فـي بلاويهـا
الشاعر,,,,,ناشي الصخيني[/poem]__________________
رد: من قديم الشاعر ناشي الصخيني ولا اروع
صادق الوعد
تسلم على النقل والله يعافيك وصح لسان الشاعر / ناشي الصخيني وعسى يطول عمره ، تقبل مروري وودي .
رد: من قديم الشاعر ناشي الصخيني ولا اروع
مشكوووووووووووور اخوي صادق الود على النقل الرا ئع للناشي الصخيني تقبلو مروري بصدر رحب
رد: من قديم الشاعر ناشي الصخيني ولا اروع
رد: من قديم الشاعر ناشي الصخيني ولا اروع
صح لسان الشاعر
ناشي الصخيني ,,
وتسلم على النقل ونتمنى نشوووف جديد للشاعر ,, في اقرب وقت
