:thumbs_up:[gdwl] قبايل سيناء
احترت من وين ابداوحترت من وين اختار
قبايل على المحبه والصدق ملقاها
لاكن اصلي على النبي المختار
وابدا بسم من خلق الدنيا اوسواها
ربي الكريم اللي للتوابين غفار
واللي رفع من غيرعمدان سماها
ونزل المطر وسوى به ابحار انهار
واسقى به الارض وطفئ ضماها
يارب اسقي سينا ونزل عليهي امطار
وخلي شجرها ايورق ويطلع كلاها
وخلي الناس تشرب الصغار والكبار
وروي غنمهم وبلل الحاها
قبايل سينا كلهم للحق انصار
ولايحبو دار الظلم ولا اللي بناها
قبايل مجاوره وتعطي حق الجارللجار
وبينهم روابط الشرف والصدق قواها
ارجال اشهام مايحبو شوفة الغدار
اتربوعلى الوفاء وانفوسهم الوفاء علاها
اهل كرم وجود والضيف له مقدار
يفرحو بجيته مثل فرحة الام بضناها
ايداهم على اللي ماهو ليهم اقصار
وطويله عاللي يقرب للمحارم اويدناها
وفي النجده والفزعاة يسبقو الانظار
على المضايق ويرفعو عنه بلاها
مرو عليهم من الغزاة اكثار
لاكن ما غيرو انفسهم ولاهواها
وقفو مع بلادهم الطرد كل غدار
ولبلادهم اعيون تنقل اخبارمن عادها
قبايل سينا لبلادهي مثل النار
تحرق كل من با لشر دناها
حب الوطن سوى له في القلب دار
ومشى في الشرايين مع الدم غلاها
وجمع العدو في الحسنه وسائل الاخبار
و جمع المشايخ في اخيام بناها
وقفو مشايخ سيناء وكلهم اصرار
والهرش قال كلمته وبالصوت علاها
احنا ارجال مصر مافي ايدينا قرار
و القرار في ايد مصر الله حماها
احنا ارجال وعلى شرف بلدنا بنغار
و ما نقدر انعيش في الدنيا بلاها
وختم كلامي بحمد من نجى النبي في الغار
وعلى بابه العنكبوت اخيوطه بناها[/gdwl]
