[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياللي وضعت المشكله والفكر صد = لا بيّن المخطي ثقيلٍ خطانا
لا عدت القالات منا بدا العد = هالحين وإلا من قديم الزمانا
خل العصور الفائته جزرها مد = شف وضعنا هالحين وش مستوانا
كلٍ فعوله ياسمنّه ويشهد = من زين وإلا شين فيهن يثانا
وعّنا العلوم الطيّبه دوم تنسد = والله ماننصب في فعول قربانا
ولو زاد معك الحقد واعلتنها ود = خاف الصدور إمبيّن باللسانا
ولو ان من قال السوالف لها قد = كان العلوم علوم في منتدانا
اللي لهم تاريخ اسود ومنلد = يسولفون وكن ماشي كانا
من له صحايف سابقه يصغر الخد = لا يعترض بنحور قومٍ يهانا
عندي من الوقعات وأعدهن عد = وامبطنّات بالحقب والبطانا
كان الضروف تحدني يمهن حد = وضحت ما بالمستكى واللبانا
لا ازّلغ الاسلاك واشدها شد = وعقبه يصيرن السوالف سمانا
سوالف منها الصعب صار ينكد = عقب السطر بالراس يرغي رغيانا
ياللي وضعت المشكله والفكر صد = لا بين المخطي ثقيل خطانا[/poem]
للشاعر الكبير محمد بن ضيف الله بن رويل
