( نــاصــــــر الخيــــــــــر )

بسم الله الرحمن الرحيم

كتب الشاعر الكبير عبدالرحمن بن غلاب بن بديد الميزاني المطيري هذه القصيده في منتديات مطير ووضع عنوانها ( ناصر الخير ) له مني ومن والدي الشيخ / ناصر بن مدلج كل الشكر على صدق مشاعره وهوا شاعر جزل له باعه الطويل في حبك القصايد الجزله ومن سلالة رجال جزله في فعلها وشعرها ووالده من سلالة فرسان ذوي ميزان الأبطال الذين سطر التاريخ افعالهم وامجادهم .
ولقد كتب الشاعر هذه المقدمه حيث قال :

هذه قصيدة مدح في الشيخ ناصر بن خالد بن مدلج الميزاني

وهو غني عن التعريف رجل اتصف بالكرم والشجاعه والفزعه مع ربعه وله مواقف مشرفه تجاه القبيله

[poem=font="simplified arabic,5,white,bold,italic" bkcolor="transparent" bkimage="backgrounds/3.gif" border="none,5,gray" type=0 line=0 align=center use=ex num="0,black""]
ياهاجسي حضر من الفكر تعبير=طالبك حضرلي بيوتٍ جزيله

اباامــــدح الي له معزه وتقدير=الي نعده من رموز القبيله

ناصر ولد خالد زبون المخاسير=ليا ثقل حمل الليالي يشيله

شيخ ٍ ولد شيخٍ يقود الطوابير=يوم الليالي بين عدله وميله

جده وابوه اهل السيوف البواتير=عيال فاضي متعبين الاصيله

مامثلهم وقت اللقا والمقادير=شيوخنا الي كاسبين الجميله

وقفاتهم بالطيب تفرق عن الغير=وشبورهم يوم الملاقا طويله

من طيبهم قادو جموع الطوابير=وشداد بن مدلج براس الطويله

يوم الصباح ويوم وقت المظاهير=انــــتم لنا درعٍ يـــــذري نزيله

واليوم عم الامن والناس في خير=وانتم سوات الحصن يسلم دخيله

الطيب ماجاكم بجمع الدنانير=واهل الفضائل ما عطوكم فضيله

شئٍ مورث من جدودٍ مناعير=ووقــفــاتكم بالطيب ماهي قليله

واليوم يابو بدر ياشيخ ياامير=يالي على ربعك سوات المخيله

مالك وجاهك بالليال المعاسير=تســـوقهــــن لو المسافه طويله

عز الله انك شيخ مانته معيثير=وعز الله انك عز من تنتميله

عساك تسلم من سهوم المقادير=تعيش ياراع الفعول الجزيله

والطيب لو يهرج يناديك ياامير=يقول ابن مدلج ولا ابغا بديله

الي فتح بابه للأجناب ومطير=ومن ضدته سود الليالي يجيله

ناصر ولد خالد وهو ناصر الخير=في ذمتي هذا اللقب يستوي له

وختامها مني تحيه وتقــــــدير=للي كسب كل الصفات الفضيله[/poem]

صح لسان الشاعر/عبدالرحمن بن غلاب على هذا القصيدة الجزلة

ويستاهل الممدوح ناصر بن مدلج ماقيل فيه


تسلم اخوي بن مدلج على النقل


والنعم فيك وفي والدك



..

يعطيك العافيه اخوي بن مدلج واسمحلي على التنييق وصح لسان بن غلاب على القصيده الجزله

مشكور اخي ابن مدلج على النقل الرائع وصح لسان ابن بديد ويستاهل ابو بدر

كل علمن غانم تقبل ودي اخي والى مزيد من الابدااع وفقك الله لما يحب ويرضى