نجد والغربه ..لسعد يوسف

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دنـا وقـت الـرحيل... وشـال طـرقيّ البلاد وقاد=عسى له بالطريق اللي نواه... الخير والخيره
ثـمان سـنين يـاسيف الـبحر... والـلي مضى ينعاد=غـريب الـدار وش بيديه..؟ وان طالت مشاويره
ثـمان سـنين جـنبك.. مـا إهتنيت بـفرحة الأعـياد=ولاشـفـت الـربـيع الـلـي.. تـفـرحنّي نـواويـره
تـعب والـحظ نـاسيني.. ودنـياً كـل ابـوها جهاد=ولا لـلـعبد يـاكـود الـرضـا.. لـحـكمة مـقـاديره
امـانه مـعك يـاسيف الـبحر.. وإن مـر بك نشاد=حـريص لـشوفتي أتـعِب.. على دربي مداويره
قـل أعـرابي ولا لـه غير.. عن ذيك البلاد بلاد=قـل أعـرابي عـلى تـراب ٍ ربـابه.. تاخذه غيره
قــل هـبال الـبدو كـله بـراسي.. زاد فـيّ عـناد=احـب ارقـى السنود اللي عسيرات ٍ مظاهيره
مـادامـه بـيـننا يـانجد.. فـي ذاك الـحمى مـيعاد=انــا جـيـتك غـلا قـلب.. ٍ تـزغردلك عـصافيره
أنـا جـيتك وشـوقي فـي خـفوقي.. لاهـبه وقـاد=عـلى شـان الـوفا يـانجد.. بـعت الـدار والـديره
عـجزت آعيش عنك بعيد.. يوم ٍ غبت به لاعاد=مـاخذت من الغياب الا السهر.. والهم والحيره
وشـوفك يـشرح الـخاطر الـلي.. زاد هـمه زاد=عـليك يـموت وجْـد إلـيا تـذكر سـالف السيره
لـحقني مـالحقني مـير يـانجد الـغلا وش عـاد=مــادام ان الـخـفوق لـشـوفتك تـنفل اسـاريره
مـادام ان الـمطيه مـاتبي غـير الـرسن وشداد=أجـل راع الـغلا مـجبور لـو كـثرت معاذيره [/poem]

من كلمات الشاعر / سعد يوسف الحميداني

الدويله
دائماً بالجديد الفذ
مشكور على النقل
وصح لسان الشاعر سعد يوسف الحميداني
قصيده من واقع احساس فعلاً

دنا وقت الرحيل... وشال طرقيّ البلاد وقـاد
00000000عسى له بالطريق اللي نواه... الخير والخيره
ثمان سنين ياسيف البحر... واللي مضى ينعاد
000000000غريب الدار وش بيديه..؟ وان طالت مشاويره


لله دره
صح لسانه
واكرر شكري لك يالدويله

[align=center]أعـذب القصيـد وأصدقـه

ذلك الذي يلامس معاناةً شخصيـه

ذلك الذي يبنـى على الموقـف

بكل صـدق الإحسـاس .. نرى هذه العناصر قـد إكتملت في منظومـة الشاعر سعـد بن يوسـف

قصيـده جميلـه ، وإختيـار أجمل منك يا (الدويله)

تـحـيـاتـــــــــي[/align]

ا

كاتب النص ابدع وناقل النص احسن الاختيار

فعلا قصيده رائعه تلهب المشاعر وتصل الى القلب من اقصر الطرق لان مصدرها القلب النابض بالاحساس والمشاعر الشاعر المبدع ابو يوسف

صح لسان ابو يوسف

يعطيك العافيه اخووي الدويله وصــــــــح لسان الشاعر سعدبن يوسف

ثمان سنين جنبك.. ما إهتنيت بفرحة الأعيـاد
ولاشفت الربيـع اللـي.. تفرحنّـي نواويـره
تعب والحظ ناسيني.. ودنياً كل ابوهـا جهـاد
ولا للعبد ياكـود الرضـا.. لحكمـة مقاديـره

صح لسان شاعرنا سعد يوسف
كل بيت احسن من الثاني الله
يديمك لنا ونسمع جديدك
بيض الله وجهك اخوي الدويله على النقل
وسلمت يداك تقبل مروري