يمرج مع البيـدا إمـراج الخريشـة

السلام عليكم ورحمة الله وبركاته

كيف الحال اخواني اعضاء الحمادين الاعزاء..

حبيت بعد هالغيبه المتقطعه اني اجيب هالابيات للشاعر عبدالله بن زويبن الحربي

واتمنى ان تنال اعجابكم

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

ياراكب اللي يـوم تسمـع وشيشـه=وشيش رقطاً ذيلهـا بالعصـاء نيـش
قامـت تحـك جنوبهـا مستهيـشـة=وتبيـن أنيـابٍ سـوات المناقـيـش
يمرج مع البيـدا إمـراج الخريشـة=إلى أمرجت بين الوحش والنواحيـش
مـن عقـب ماهـي للمنايـا وليشـة=بين الصقـور ومبهمـات النواتيـش
حيت حياة اللـي بتالـي الحشيشـة=عقب الدرك شرب القراح النقاريـش
جمسٍ يربح كـل مـن حـط شيشـة=يتعـب بتعبيتـه طـوال الخراطيـش
إلى وقف يكـوي الكبـود الغشيشـة=وإلى مشى ما يلحقه مومي الريـش
برقٍ من العارض جذبنـي رعيشـه=يـوم يتـلالا بالمـزون المراهيـش
وأثره ما يسقـي الكبـود العطيشـة=يبرق ويرعد مير مدري على ويـش
لا تحتزم باللـي ضلوعـه هشيشـة=اللي ليا سمع النـداء صـد تطنيـش
لا تحتزم بـه لـو تحيـزم بخيشـة=ما يقطع الدِيـان ركـض الأكاديـش
وبيتٍ بليـا سـاس مثـل العريشـة=يطيح لـو لمـع ببويـه و ورنيـش
وجرد السهـال الخاليـات الوحيشـة=اللي تطوى في شجرهـا الحنافيـش
أخير من ضله ،،، وبعض المعيشـة=يعافها الطيب ،، ويفرح بهـا الديـش
وقال المثل : ( مامن ورى طلع بيشة=عيشة ) وراس الضبي ما به عراميش [/poem]

يعطيك العافية على الاختيار الجميل

وصح لسان شاعرها

كل الشكر

اهلا اخت فجر اشكرج اولا على التنسيق

واشكرج ثانيا على المرور العطر


تحياتي

االمستشار سلمت على النقل المميز لشاعر مبدع

شوووووووو هالابدااااااااااااااع خيوووو


الله يعطيك العافياا يالمستشار


وبيض الله وجهك علي نقل القصيده


وصح السان شاعرها

تحياتي لك

مشكور اخي العزيز المستشار على النقل الاكثر من رائع وصح لسان الشاعر عبدالله بن زويبن

تقبل ودي والى مزيد من الابدااع

هلا وغلا ومشكورين على مروركم جميعاااااا

اخوكم المستشار

مشكوووووووور على النقل
وصح لسان الشاعر

وننتظر مزيد من الابداع

مشكور على الابدآآآآى ويعطيك الله العافيه يالمستشار

المستشار

هلا بك وحياك الله وتسلم على نقل هذه القصيده الاكثر من رائعه وصح لسان الشاعر/ عبدالله بن زوبين , تقبل مروري وفائق أحتراامي لشخصك الرااااقي دمت بكل الود .