قصيدة محسن الهزاني ((( بروق تلالا )))

من القصائد المشهور للشاعر محسن الهزاني في التغزل بفتاه تدعى(( هيا))



[poem=font="Simplified Arabic,6,black,bold,italic" bkcolor="white" bkimage="backgrounds/19.gif" border="double,4,red" type=1 line=0 align=center use=ex num="0,black"]
يالله بـ نو مدلــهـــــــم الخــــــيــــــــــالا = طافح ربابه مثل شرد المـهــا الـــزرق
لى جا علــى البكريـن بنــى الحـــــــلالا= ولى عاد لا يفصل رعدها عــن البــرق
يسقي غروسٍ عقب ما هي همـــــــــالا= حط الحريق ديار الاجـواد لــــه طــــرق
أسقـــى نعــــامٍ ثـــمً يمـــلا الهـيــــــــالا= يصبح حمامه ساجـعٍ يلعـــب الـــــورق
جريت انا صوت الهـــوى باحتـــمـــــالا= في وسط بستـانٍ سقـــاه اربـــعٍ فــرق
طبيت مــع فــــرعٍ جــــديـــــد الحبـــــالا= وظهرت مع فرعٍ تناحت بي الـــــورق
روشن (( هيا )) له فرجتينٍ شــمـــــالا=بابٍ مع القبله وبـــابٍ مـــع الشــــرق
ومبسم (( هيا )) له بالظلام اشتـعــــالا = بين البروق وبين مبسم (( هيا )) فرق1
برقٍ تـــلالا قلـــت: عــــز الجـــــــــلالا= واثره جبين صويحبي واحسبه بــــرق
يا شبه صفرا طــار عـنــهـا الجــــــلالا = طويلة السموحوق تنزح عن الـــورق
له ريقٍ احلــى مـــن حليــب الجـــــزالا= واحلى من السكر الى جا من الشــرق
حنيت انا حنــة هــزيـــل الجـــمـــــــــالا= ينقض روي الخيـل قـد مـسـه الــفــرق
ويا قلـتـه فـــي عالــيــات الجـــبــــــــالا= ماها قراحٍ ميـر مــن دونـــهــا غـــرق
ماعاد للصبـيـان فـيــهــا احــتــمـــــــالا = من كود فرقاها يديهـــم لــهـــا طــــرق
قالوا: تتوب من الهـوى؟ , قلــت: لا لا = إلا أن تتوب رماح علوى مــن الـــزرق
قالوا: تتوب من الهـوى؟ , قلــت: لا لا = إلا أن يتوبون الحناشــل عــن الســرق
قالوا: تتوب من الهوى؟ , قلــت: لا لا = إلا أن تتوب الشمس عن مطلع الشرق
أخـــذت مــنــهـــا حــبــتــيـــنٍ تـــتــــالا= يوم أن نسناس الهــوا تطـــرقــه[/poem]

(( 1 )) يروى أن صدر البيت أيضاً : (( قالوا كما مبسم هيا قلت لا لا )).


الهـــــــــــــــارف

هلا ومرحبا بالهارف
فعلاً احسنت الاختيار ودليل على علو الذوق لديك
سلمت اناملك على النقل
صح لسانه وغفر الله له محسن الهزاني
شاعر معروف بعصره
وانا اسمع بالبيت هذا من قديم ولاكنني لا اعرف قائله اما الان فقد عرفته
واشكرك جزيل الشكر لحسن الاختيار
روشن (( هيا )) لـه فرجتيـنٍ شمـالا
00000000000بابٍ مع القبلـه وبـابٍ مـع الشـرق
ومبسم (( هيا )) له بالظـلام اشتعـالا
000000000000بين البروق وبين مبسم (( هيا )) فرق1

مسآك الله بالخير اخوي الهارف .. قصيده من أجمل قصائد أمير الغزل في الشعر النبطي " محسن الهزاني " ..

إلا انك الله يجزاك خير قصيدته هذي اللي جبتها في اخطاء كثيره .. وبذكرها لك ..

في البيت الثاني انت قلت ( لا جا على البكرين "بنى" الحلالا .//. ولاعاد لايفصل رعدها عن البرق )
والصحيح بدال كلمة "بنى" تحط "بن ّ "

وفي البيت الثالث في بداية الشطر الثاني فيه حرف واو انت ما ذكرته .. ( يسقي غروس عقب ماهي همالا // "و" حط الحريق ديار الاجواد له طرق) <- طبعا هذا البيت الصحيح عقب ما انا اضفت الواو فيه ..

وفي البيت الرابع انت قلت ( أسقى نعام ثم يملا الهيالا .//. يصبح حمامه ساجع يلعب الورق)
والصحيح في البيت الرابع ( يسقي نعام ٍ ثم يملا الهيالا .//. "و" يصبح حمامه ساجع يلعب الورق )

وفي البيت السادس انت قلت ( طبيت مع فرع جديد الحبالا // وظهرت مع فرع " تناحت به" الورق )
والصحيح في البيت الساادس البيت التالي : ( طبيت مع فرع جديد الحبالا // وظهرت مع فرع "تناوحبه" الورق )

وفي البيت السابع ما ذكرت حرف الواو اللي يجي في بداية الشطر الثاني (روشن هيا له فرجتين شمالا // "و" باب على القبله وباب على الشرق) <- وطبعا هذا البيت الصحيح بعد ما انا اضفت الواو .

وفي البيت الثامن الله يعافيك انت جبت حرف من عندك .. اللي هو حرف الواو في بداية البيت ( "و" مبسم هيا ... إلخ ) وهالبيت مافيه حرف واو في بدايته والصحيح منه ( مبسم هيا له بالظلام اشتعالا // بين البروق وبين مبسم هيا فرق)


وفي البيت التاسع انت قلت ( برق تلالا قلت : عز الجلالا // واثره جبين صويحبي واحسبه برق ) والصحيح في هذا البيت : ( برق تلالا "بأمر" عز الجلالا // واثره جبين صويحبي واحسبه برق ) .. انت ذكرت كلمة " قلت " بدلا َ من " بأمر "


وفي البيت العاشر انت قلت ( ياشبه "صفرا" طار عنه الجلالا // طويلة "السموحوق" تنزح عن "الورق" )
وفي هذا البيت عندك ثلاث اخطاء .. اللي هي "صفرا" و " السموحوق" و"الورق"
والصحيح كالتالي : (ياشبه "صفر ٍ " طار عنه الجلالا // طويلة "السّمحوق" تنزح عن "الدرق)

وفي البيت الثاني عشر انت قلت (حنيت أنا حنة هزيل الجمالا // ينقض "روي" الخيل قد " مسه " الفرق)
الاخطاء عنك في هذا البيت اثنين وهي اللي بين الاقواس "روي" و "مسه" ..
والصحيح في هذا البيت كالتالي : (حنيت انا حنة هزيل الجمالا // ينقض "رديّ " الخيل قد " حسـّـه " الفرق )

وفي البيت الرابع عشر انت قلت (ماعاد للصبيان فيها احتمالا // من كود "فرقاها" يديهم "لها" طرق )
والاخطاء عندك هي اللي بين الاقواس "فرقاها" و "لها" والبيت الصحيح يقول :
( ماعاد للصبيان فيها احتمالا // من كود "مرقاها" يديهم "غدا ً " طرق)

وفي البيت الخامس العشر انت قلت (قالوا تتوب من الهوى قلت لالا // إلا ان تتوب رماح علوى "من" الزرق)
والصحيح انك بدال ما تحط "من" تحط "عن" ..

وعندك يا طويل العمر البيت الاخير اللي يقول (أخذت منها حبتين تتالا // يوم ان نسناس الهوى تطرقه) <- طبعا هذا موب بيت شعر اصلا .. وهذا بيت لا يرتبط في القصيده .. هذا جايبه انت من عندك الله يجزاك خير .. :) ..

صحيح انك حقتها !!

مشكور الهارف على النقل وصح لسان شاعرها

شكرا اخوي الهارف على النقل الرائع لقصيدة المرحوم محسن الهزاني
والقصيده هذي من المعروف انها من اجمل قصايد الهزاني
والبيت الاخير بالقصيده صحيح انه من ضمنها لكن يحتاج زياده
والبيت الصحيح هو
اخذت منها حبتينن تتالا.....يوم(ن) نسناس الهوى يطرقه طرق
تحيااااااااااااااتي