▫◊♦ سِلْطـَـــــآنْ و مِحَمـّــــدْ ): ♦◊▫

[align=center][tabletext="width:100%;background-color:black;"][cell="filter:;"][align=center][flash1=http://www.knoon.com/flash/data/media/1/qdar.swf]width=350 height=400[/flash1]


[poem=font="decotype thuluth ,5,sienna,bold,normal" bkcolor="black" bkimage="" border="none,10,black" type=0 line=0 align=center use=ex num="0,black""]
يافلاح الهم خيم فوق قلبي يا فلاح=كيف تبغاني أسولف وأنت خابرني عليل
وأيش قولك في عليل في حياته ما ستراح=تنتثر دمعه عيونه لا ظلم الليل الطويل
حالته لا ما تباعد حال ( سلطان الرباح )=بالخطأ راحت حياته والخطأ ما له مثيل
كان ويا صاحبه أثنين في أرض براح=يطردون الصيد دايم من صبح لين المقيل
أجمعتهم صحبه الدنيا ااا على جد ومزاح=ما يهابون الليالي والحمول اللي تميـــــــل
ما قتل عامد ولكن ثور أبليس السلاح=بالخطأ ثار السلاح وين يلقى له دليل
أنعقد سجنه .. وربعه تنتظر فك السراح=والأكيد أنه سجين وما رضووا ربع القتيل
هل دمعة يوم صلى ركعتين فالصبــــــــــاح=في نهار الجمعة اللي من ثقيل في ثقيل
هلل وكبر .... ونفسه تذكر اللي راح راح=كان في ربعة عزيز وذلة الوقت الذليل
لا محمد لا تهاني لا سعود ولا صلاح=كلهم كانوا على باله وهمه في ( هديل )
طفلة ما كملت عامين صايبها كساح=وأنتثر دمعة وحالة من سبايبها نحيل
حان تنفيذ القصاص وغطوا الرأس بوشاح=وجاك سيافه يشيل السيف أبو حد صقيل
ارتخى رأسه وزاد الموقف الحامي صياح=بين نوح وبين دمع وبين صيحات وعويل
أرتفع صوت الحشود وزاده محمد وصاح=يايبه تكفى دخيلك تستمع قول الدخيل
يايبه وشلون نصبر كيف نهجع بارتياح=وانت من دنيا عيالك ما خذلك مر الرحيل
يا محمد هاك علمي وأحفظة قبل المراح =أنتبه لا خوانك وبالك عليهم لا تعيل
والله الله فالصلاه وفالصيام وفالصلاح=والله الله فـ ( أمكم ) والله لكم بعدي كفيل
غمض عيونه ونفسه تطلب الله السماح=رافع سبابته ( مظلوم ) والله الوكيل
سل السياف الصفا سيفه ودقة ثم طاح=راس ( سلطان المراجل ) وانتثر دمه يسيل
غسلوه وكفنوه وفاح طيب السدر فاح=وبالمصادف صار قبره جنب قبر أبن عقيل
يافلاح الكارثة ما هي سوالف يا فلاح =خلني ساكت ودور غير هالقصة بديل[/poem] [/align][/cell][/tabletext][/align]