إن كتمت الجرح .. من طيبي .. ولعيــــون الأخـوّة
وإن كتبته.. ما كتبتـه غيـر .. لعيــــــــــون الكتابـة
الكتابة جرح ,, يا جرحي .. وضـــــعـفٍ فيـه قـوّة
والكآبة.. عيب فينـي ,, تعـرف حـــــــــدود الكآبـة
والمشاعر لـو أبخفيهـا , غصـب عنّـي, تفـــــــــوّه
والقصيد يدق بابـي ... لـو ... مـا دقيـت بابــــــــه
غارقٍ (حضرة جنابي) في هوى (حضرة سمـــوّه)
وفي هوى (حضرة سموّي) غارقٍ (حضرة جنابه)
والإجابـة ,,, يالسـؤال اللـي تسميهـا .. مــــــــروّة
أي مروّة ,, وأنت حاديني علـى,,( مـرّ الإجــابـة)
هو أنا اللي ,, مـن عذابـه يرفـق بحــــــــالـه عـدوّه
وإلا أنا اللي,, دون فرحه وقّفـوا كـل القـــــــرابـة!؟
هو أنا ذاك ( الصغير ),, اللي بدنيـا الحـــــب تـوّه؟
وإلا أنا من( ضاع عمرهـ ) بالهوى وأفنـى شبابـه ؟
هو أنا اللي عن ( سيوف البرد ) قام وشب ضـوّه
مـا درى .. إلا ونـاره ,,, أحرقـت زاهــي ثيـابـه
والا أنا ذاك اليتيـم الجاهـل ابمعنــــــى الابـوّة ..؟
إنجرح صوته.. وهـو يسـأل ,, ولا حــــيٍ درابـه
من عذابه ,, يسأل أمه كيف غاب ؟ و ويـن هـوّه ؟
يسأل أمه من عذابه ,, هـو متـى ينهـــــي غيابـه ؟!
كل فرح , وكل جرح/ ن/ في طرف عيني .. تشـوّهـ ..
ضحكتي فيها ( غموض ),,, ودمعتي فيها ( غرابه )
سـو فينـي يـا زمانـي كـل مـا تبغيـه ,,, ســـــــــــوّه
وإلا أنا ( ماعاد تفـرق ) .. دامهـا الأشيـا تشــــــابـه
والسؤال اللي من اسبابـه لقى(المجـــــــروح جـوّهـ)
انتثـر همّـه حـروف ,,, وعـاد ( لجنـــــون الكتابـة)
وارجع آقول الكتابة.. جرح( ضعف) وجرح ( قوّة )
واالكآبـة عيـب فينـي ,,, ( تعبـر ) حـدود الكـــــآبـة
