غرور القصيد للشاعر/سعد بن صقر العيباني

[poem=font="simplified arabic,5,red,normal,normal" bkcolor="transparent" bkimage="backgrounds/1.gif" border="inset,4,gray" type=1 line=0 align=center use=ex num="0,black""]
برضي غرور القصيد بزين طاروقه=من شاردات المعاني يوم اعانقها
من مدلهمت سحاب الفكر وبروقه=ديمومة(ن)لرزمت يصعقك بارقها
ربانها كن ردم المزن من فوقه=رغوة حليب المغاتيراو تفهقها
ياقف لها المشرقي شيخ (ن)قدم نوقه=ماهب ريح الشمال اللي يفرقها
تمشي الهوينا ماهي عجله ومطفوقه=ممشى هنوف(ن)عيون الناس ترمقها
تنثر مطرها كلام(ن)عذب منطوقه=ترخيله السمع تسترقه ويسرقها
تنبت رياض الحشى ويزم زملوقه=من غب سيل الشعور ومن تدفقها
يرعى به الفكر ذود الشعر ويسوقه=في وسط روض (ن)رياح الوسم تطرقها
ينقى من المفردات اللي على ذوقه=ياسر بها الباب والا الباب يعتقها
كنه يضحي لسماعه بمعلوقه=يقراردود السوالف قبل ينطقها
في مجلس(ن)ماسرد به كل مسروقه=مجلس كرام الرجال اللي نوافقها
ندوة شرف من معين الشرع وحقوقه=والعلم والعقل حيطانه تطوقها
لادار هرج النشاماوارتفع سوقه=ضاعت علوم الرخوم اللي تلفقها
ناس(ن)تلوك الكلام الشين وتحوقه= بلسان حقد القلوب اللي مرافقها
لو للردي وصمة(ن)بالخد مدقوقه=وسم الرخامه على خده مطارقها
ماغرنا في نباه وزين سمحوقه=دام العلامات محفوظه وثايقها[/poem]

المصدر /صفحة خزامى الصحارى بجريدة الرياض بتاريخ 26/7/1430

صح لسان الشاعر
وتسلم اخوي صادق الوود
قصيده روووعه بجد الف شكر لااختيارك
الراقي ووودي برق الوسم

صح بدنك يابرق الوسم لاهنت

صح الساان الشاعر وقصيده جزله

وتحياتي لك ياصادق ومشكوور علي النقل

ودي

ابو فهد تسلم ولاهنت