ياصاحبي قم دبلت الكبد بهروجك = ثقيل طينة وهرجك دابلن كبدي

السلام عليكم جميعا اخواني
الحقيقه اليوم صار لي كمين ولا كمين رجال المباحث والمخدرات ههههه

جاي على فال الله للبقاله والا ابو نادر واقف قال تعال جابك الله قلت وش السالفه قال الكمبيوتر خربان والحين مافيه محلات تكفا يبو عمر صلحه قلت ابشر

يوم دخلت البيت ولاوالله جهازه شغال قلت يولد مافيه شي قال اصبر بيخرب الحين

ويروح داخل ويجيب القهوه اثره سرق سويك الموتر وقفل الباب من برا

والله ويجيب القهوه قلت يولد انا مستعجل قال براحتك بتطمر الجدار اطمر لان الباب مقفل ولانت بطالع لين ابرد تسبدي منك قلت يولد تكفا الا ذي تراي برقد وراي شغل الصبح قال مافيه اول شي ركب الاستايل ثاني شي جبلنا من راسك شي يحرك المنتدى قلت والله مافي راسي شي الا كان نسوي قسم للقصيد الطريف والهزلي قال حلو ياسلام سوه قلت ابشر

الوكاد فتحنا هالقسم يالربع واتمنى ماتواخذوني بعدم تواصلي معكم لانشغالي والله بامور كثيره الله يعين

المهم اخوتي الكرام هذا القسم خاص بالاشعار والقصائد والابيات الطريفه والهزلية والمضحكة سواء كانت لكاتب الموضوع او ناقلها وانا هنا بساهم باول موضوع ان شاء الله :)


هي اربع ابيات بس والله ضيعت الباقي بقول البيت الاول اتمنى يعجبكم


ياصاحبي قم دبلت الكبد بهروجك = ثقيل طينة وهرجك دابلن كبدي

:) هذي ليست منقوله بل قلتها لاحد الاخوان وكان يمازحني قال اقصد في لو بيتين قلت ابشر وكنت مشغول وهو يكلمني فقلت له الابيات هذي وبحاول اجيب الثلاثه الباقيه خابرها باوراق قديمه بشنطت عندي مغبره :)

الله يسامحك يابوعمر هذه قصيده جزله
والحقيقه اجمل كمين سمعته
تحياتي

[poem=font="simplified arabic,4,red,normal,normal" bkcolor="red" bkimage="backgrounds/19.gif" border="double,4,red" type=1 line=0 align=center use=ex num="0,black""]
تل قلبي تل جربوعٍ مغرس= حطو الصيجان وزرو يطلعونه
سايقه مهو على الرمل متخرس= اليا ظربله رملتٍ طارت عيونه[/poem]

ههههههههههههههههه


الله يهديك يابو محمد صدقت ابو عمر وسويت سواته

الحقيقه ابو عمر هو اللي سوى في كمين وانا مادريت

انا على بالي انه يركب الاستايل

واثر الاخ يصلح قسم خاص بالقصايد الخربوطيه

وعند ماقلت تكفا فكنا من هالقسم قال والله ماغيره لو تموت ..

لكن تبي الحقيقه بعد شو جازلي والظاهر ابي اشارك فيه مثلكم ...



..

هههههههههههههههههههههههههههههههههههههههههههههههههه هههه

ياهلالالالالالا والله بالطله ابوعمر ياااااااااااازول وينك من زمان ماشفنـا هالفره

جابك الله والله زين يسوي فييييك ابونادر الاستايل وخلصنا والقسم وفتحنا

تعاال قرب اسمعني ترا اندبلت كبدي من سالفت الاوسمه وربي كرهتها من كثر ما اسمعها

لاكن خلصنا تكفاا

اما بالنسبه لفتح القسم والله انه جميل والله يعطييك العافيه وعسا الله ان يحفك لنا انشاءالله


اما انا وفي افتتاح القسم راح اشارك في هالبيتين وعسا الله ان يحوز علي رضاكم

يقوول الشاعر ::

صديق سلم علي رفيق انا && وقله ترا حالتي تيكـا
وامس كان يشر علي الطريق هنـا && واليوم اركب انا الأوتوماتيـكا

تحياتي للجميع